[14歲女生港大同學會書院墮樓亡]
生與死都好多時只係一線之差. 有咩可以令到一個小朋友夜晚返學校跳… 
P.S. 女兒下年小一, 最近一直唸應該比佢讀谷學術定係活動教學嘅學校…都聽過有D 學校每日8-10樣功課, 個個星期默書考試, 搞到小朋友喊住唔願意返學
可能呢個女孩死因唔一定同學術有關…不過睇完新聞後, 我真係覺得有D野唔可以迫得太緊. 比女兒開開心心讀書, 佢自自然然就會愛上學習.
呢間已經係比較令小朋友開開心心讀書嘅學校
所以有時未必話搵到間最happy嘅學校，小朋友就自自然然會點…
4個讚
知道呀, 港同係活動教學
所以我話死因唔一定同學術有關, 只係想講有D野唔可以迫得太緊 （學術上又好，生活上又好。一念之差就會冇咗個小朋友）
2個讚
女仔喺學校跳樓，自然令人聯想到係學校迫個女仔行呢步。
香港小朋友根本就唔會有happy school…父母唔迫, 學校都會迫, 父母唔比較, 姨媽姑姐都會加句咀… 香港讀書真係好大壓力…香港父母都好難做…
4個讚
呢單應該唔關學校事，睇佢出事時間，應該係無地方可以去，所以係佢最熟悉最信任既地方了結自己，咁就永遠都同學校一齊，唔使畢業面對其他人生挑戰。
2個讚
咦，我好似睇到邊到有寫話係「欺淩」喎
真係慘，14歲應該係有好快樂既學校生活
點解上上下堂可以離開學校？
唔係要通知家長架咩
？
唔係"欺淩", 係"淩晨", 我今日都睇錯
我小朋友唔係讀書材料
由傳統學校轉去happy school
老師冇迫、我同老公冇迫、冇姨媽姑姐嘅說話、甚至佢依家嘅成績係全班嘅中游、佢都知自己有不足、會唔開心….
另外之前去聽過一啲心理學家講座、有提過、小朋友臨瞓前、盡量去做一啲開心嘅事同佢玩搵嘢讚吓佢
7個讚
哦，明白
Thx
就算揀咩學校都好一定會有人不斷質疑不斷challenge。就算我心儀活動教學都一定會有人問咁之後DSE點算呀中學點算呀太happy之後會唔會變得好辛苦呢。當然我好感激身邊朋友會關心會俾意見。但係始終最了解自己小朋友嘅肯定係自己。
1個讚
呢單野又再一次提醒我
唔好再跟香港教育制度癲喪
小朋友身心健康最重要
1個讚
14歲，仲要喺學校跳
呢句好真。
青春期同父母有好多磨擦，可以係好多原因而轉牛角尖。
RiP 
點解我好似立眼睇過係話佢同家人鬧交，所以去左學校跳？
呢間學校算好happy，呢單似係青春期家庭糾紛多過教育制度好chur?
1個讚
新聞話件事未必同學術有關。只不過係Remind 我哋家長所有嘢都唔好逼得太緊 （無論學術或者生活）
有時真係一念之差
唔可以咩內情都唔知就一口咬定關教育制度事，十幾歲，好多時壓力都會係來自家人甚至自己嘅期望。
1個讚
麻煩睇清楚樓主內容先comment.
一早已經講咗可能未必關教育制度或者學術事