背景：30幾歲，同男友一齊6年，同居中，佢依家暫時唔想走，因為供緊樓+唔想放棄依家人工，覺得去到搵萬零2萬蚊生活唔到，又話就算回流都未必搵得返依家人工，我人工唔高而且咁岩可以行到stream b, 老實講真係有d想試。
如果真係決定去就要自己一個人，一個人去我有少少驚，佢有話都可以注冊先我再去，之後又話唔想我去，但我覺得去左對我地將來都比較好，如果生小朋友可以係果邊讀書，而且趁依家父母仲健健康康可以移左先，將來touch wood 佢地有咩事真係少左一個機會走，好矛盾唔知點決定好…大家可唔可以比d意見我？
好老實，睇你情況你真係走的話，預左呢段關係唔長久，long D唔易
如果真係視佢為結婚對象，真係共同進退會好啲。佢話唔想放棄而家既野住，咁佢覺得去到邊個位佢會放棄到？定由頭到尾都唔會放棄？
如果佢好堅持留係度，你就要諗諗。
我同你好似，但我想行stream A,而家仲有個仔一歲，想兩公婆Compromise 真係唔易
我有朋友情況同你類似，最後照去，但無結婚先，因為佢話如果到時有咩事，結左婚要離仲麻煩。無事就拎左pr 或者佢肯過去先結。
不過你男友純粹因為人工同供樓而唔去，你預左佢之後都唔會走，反而諗下，呢樣價值觀會唔會影響你地繼續走落去，到時拎左pr,你肯返香港？
Btw, 樓主都要盡快決定，stream b 明年2月就截止申請
same, 我有朋友都係咁。冇結婚, 女嘅Stream A過去, 然後男嘅暫定會久唔久飛過去陪佢一兩個星期。女嘅話拎左PR就會返香港。本來女方一propose 想行Stream A, 男嘅因為要照顧單親的媽媽一定跟唔到去覺得好唔開心, 但係佢地攤開來傾, 其實啲野唔係咁死, 唔係一定要唔去就分手。佢地大家都有心維繫, 對段關係好樂觀。
佢依家已經咁諗，十年後廿年後一樣，唔會走
認同，其實係價值觀問題，錢 vs 其他
自己照去啦⋯stream B 就完，將來既事無人知！不過去到拎到PR，都唔爭在拎埋護照，PR會過期架。
我十幾年前澳洲讀書，當時香港有個男朋友，我一畢業拿拿聲返香港，無諗過留係澳洲。最後我都係拍左成9年拖，婚又結唔成，外國護照又無。15年好想返澳洲，發現好難返⋯早兩年因為生左仔，覺得一定要走⋯搵左好多方法，最後今年終於拎到PR，下年一家可以返澳洲！
Stream B真係基本上零成本移民，唔去就笨！
唔好因為男人阻住你往外闖嘅決心，日後一定會後悔
我想問係咪要定期返澳洲住？基本上個個PR一樣？
離開3年就過期
其實係
澳洲個PR visa 係5年期，5年入面住4年就可申請入籍⋯如果係5年期住唔夠入籍走左，你第日想用PR身份入境，要申請返return resident visa 先可用PR身份入境，但當然佢係有機會唔批你，佢會睇你同澳洲有冇ties?
拎得PR又無護照，有咩事無領事保護⋯仲揸住本特衰護照把鬼咩？
而家呢個年代，走得就唔好再諗住返轉頭！而家唔同以前拎完護照就返香港搵錢，到退休先走！無呢支歌仔唱，大把強國有錢人都諗盡方法要走，總之就跟佢地走就無錯啦
完全同意！！
有能力無包伏，當然去啦!
好坦白，千其唔好結左婚或訂婚先。
新環境新衝擊，自己人生觀都會有所調整
近期睇住啲錢流走，真係唔知仲有幾多年錢揾。
呢句真係過來人、聽太多故事嘅心聲，雖然咁講好老土。
你男友唔係暫時唔想走，係根本唔想走
趁未結婚，自己走
千祈唔好註冊住，到時你唔想返香港，佢唔肯走
結果都只有離婚
但Stream A就受歡迎啲
我都覺得唔好畀男友「拖住你後腳」，呢個係人生一個好大嘅決定，應該要以自己嘅心意為主，尤其是你地未結婚，唔需要有commitment，同佢嘅將來未有定案，不如先去捉緊一啲你可以靠自己把握到嘅野（移民）。
而你男友，聽落似價值觀唔一樣多過因為現實條件限制而唔移民，所以值唔值得為佢而放棄自己想要嘅野，呢點要再諗諗。