換張免費機票好激氣

話說之前旅發局有個抽獎,好多人都抽到機票
我都好開心抽到一張HK Exxxxxx去福崗,計過晒啲假,可以復活節前幾日去,星期日返
咁當然諗住一家人去,就算同行每人三千幾蚊一張機票都OK

咁今日就換啦,點知真係星期日唔俾換
咁我就係咁search CS,結果冇電話,我又用線上CS,講晒日子,佢就話到時俾$5XX就可以轉日子
咁total我自己張免費飛加埋啲附加費就$8XX.

結果就係錢就俾咗,但冇得轉日子,俾錢都冇得轉
話冇機位,仲話前前後後十日都冇機位
我份工基本上係極難請假,根本冇可能就到其他日子

不過網站當然就係仲賣緊我想揀嘅日子啦

咁嘅情況下,我同老公嘅結論都係止蝕算
咁就跌咗八百幾蚊
奉勸其他抽中票嘅人,唔好隨便信佢有得改
分分鐘蝕返轉頭

我今日先至用咗兩個鐘頭幫我阿媽改機票。佢哋嗰個網上系統,有問題,到咗最後會重新reset 到原本嗰一日,我已經用唔同嘅電腦,叫埋我個妹喺香港幫手。甚至過嚟日本之前已經係咁。

但係我個朋友仲慘,今日沖繩返香港, 明明寫明45分鐘之前checkin, 如果唔係就閂閘. 我個朋友一個鐘頭之前到咗counter, 居然同佢哋講話已經閂咗. 機場,淨係俾個電話俾佢哋叫佢哋打電話。總共有三個客遇到同一個情況。

因為要幫我阿媽改機票,所以順便幫佢哋打電話,兩個鐘頭之後佢哋話唔可以再等,直接buy HK Airline 單程機票返香港。

幾間飛沖繩嘅航空公司,剩係得Peach最少麻煩.