有啲99好鐘意搵嘢要脅個仔
目的就係唔想個仔娶一個自己唔鐘意/唔滿意嘅女仔
我99雖然未有咁誇
但老公同佢講我哋要結婚時又話自己無心情， 又話唔會請人嚟飲
斟茶擺酒黑口黑面， 著件又殘又舊嘅套裝， 仲要搵老公個阿姨比說話我聽，斟茶時叫我以後要聽教聽話， 真係痴痴哋， 又無錢又無料重要擺款
其實做到咁只係影衰佢自己
如果你男朋友可以決心走出佢阿媽嘅魔掌， 都係一件好事
6個讚
唔係想講負面野，但男人係好pk,結左婚（尤其生埋仔），愚孝既會更愚孝，媽寶會更媽寶，就算本身同呀媽都無咩兩句都會突然變左絕世孝子咁！
8個讚
咁你男友阿媽玩自殺你地會唔會理佢
男友仲同佢阿媽同住緊？鬧到咁僵都唔搬去你度
我覺得樓主好似點都冇所謂，俾晒男友管理件事
好難想像會放手自己人生大事俾個一半人工交俾阿媽嘅男人
1個讚
衰d 咁諗，你話我唔會再俾cash，一係俾個戶口嚟，一係家用都冇埋。
1個讚
呢個將來一定係超級大麻煩ga lah
你男友做磨芯辛苦的話，你都心痛ga ma
不過如果男友真係可以堅定支持你，我覺得其實OK
最重要你兩夫婦同一條team，萬事以二人共同利益為依歸，婆媳反目難搞，但都不是致命的困難。加油
4個讚
係呀
生埋BB 之後更加
阿媽見soon仔係最優先
生仔女出嚟唔應該為家用
3個讚
雖然話寧教人打仔，莫教人分妻，但係對唔住都要講一句，咁嘅環境真係嫁唔過
佢阿媽一定會唱通街你係衰人，親戚預咗冇硬，一句到尾真係睇吓你男朋友有幾硬淨幫你食幾多，如果佢阿媽真係以死相逼，你同佢會唔會心軟就範
仲有，佢阿媽邊位呀？家陣你爭佢幾億，成村人要佢養咩？要服侍佢？
你走去訪問吓為人父母嗰啲人，如果佢哋個女個未來奶奶夠膽死咁講嘢，我諗10個有10個父母都即刻同男家開拖然後帶個女走啦
11個讚
仲有幾耐…
好似愛德華八世咁, 佢放棄嘅嘢最終又會唔會算返你頭上…
呢D女人就係自私. 自己都係女人, 女人何苦為難女人.
但係呢D倫理問題真係世世代代都有. 唔會停…
2個讚
其實個仔嘅人生，做阿媽嘅，可以俾意見，但聽唔聽真係冇得強逼。
1個讚
你講得好啱，幫樓主頂幾耐同埋之後男友會唔會怨咗樓主都係重點 
睇樓主娘家情況有啲實力都有啲本錢嘅，爭在會唔會為愛情賭一鋪
3個讚
同男女方屋企財力好大距離，女方屋企可以買到樓寫樓主名，但男方人工要俾一半啊媽，禮金都要攤還，我覺得要諗清楚。
3個讚
可能之前俾人蝦，而家有機會所以去蝦人
都係思想問題啦，希望之後多啲人有多啲同理心
1個讚
我地咪係人辦囉、本來大家都好獨立、結婚後就好鍾意做節咩都想參加埋一份、借soon 仔把口帶埋我去得唔得、我懷疑同年紀開始大都有關、老公又想做好榜樣、想我做下好新抱……………………
1個讚
如果係我，我會先試下修補，但唔係要去到擦鞋嘅程度，始終係男友家人，都唔想見住佢難過，亦唔想畀人口實。但如果試完佢呀媽都唔領情，咁就算了，男友想同佢斷就斷。
1個讚
最好叫你男友唔好停晒家用，可以畀返個合理數目(幾千?)先。
如果有屋可住，亦可以由你男朋友「離家出走」先，睇吓佢呀媽有乜反應&你男朋友如何處理。
至於擺酒，如果你男朋友唔介意，咪搞「乜府於歸」囉….
不過男方都要搵人做證婚人去簽紙喎……如果佢父母唔肯，有邊個可以替代？
唔記得邊度睇過、母愛同父愛係好唔同、母親既愛係帶有佔有慾
3個讚
朋友都得咖, 唔一定要親人
2個讚
其實屋企有錢又唔代表咩、成年人自己搵自己駛、但冇錢仲想俾氣我受就慳啲啦
3個讚