男友不斷求婚，我終於應承，近來如火如荼準備緊結婚。但佢呀媽好反對，話唔會打金器，甚至婚禮都唔會出席，更加唔好講禮金。反對原因，係覺得我冇好好服侍佢，唔覺得我會係一個好新抱，同覺得我代替左佢係個仔心中既地位。男友應承結婚後可以唔見佢呀媽，唔駛出席佢屋企既任何聚會，亦唔會透露婚後地址。大家覺得呢個位會唔會好大影響？
1個讚
將來生細路點同佢講唔見阿麻？佢唔不見嗎？還是由老公帶去見？難題喎
之前有無見面？曾經有牙齒印？
男友本身同屋企各人關係如何?
真係好老套
咩年代呀要人服侍佢
係都服侍自己阿媽先啦
娶任何一個女人都會取代佢地位架啦
係咪想個男仔終身不娶先滿意
9個讚
有見過面，有次同男友鬧大交，男友電話冇電失左聯，我嘗試去佢屋企附近搵佢，打埋俾佢呀媽搵男友，之後男友講返件事，佢嬲左我同佢個仔鬧交，話我蝦佢個仔。而家男友唔敢再講我地既野。
同意呀，過時過節正日去99度都俾足面啦，仲話要服侍佢…
4個讚
好小事咋喎，不過你男友係咪媽寶？
男友好孝順佢呀媽，出糧接近一半上繳，積蓄都上繳一半。佢呀媽拎份家用周圍買野同去旅行。
佢似愚孝多過媽寶，但佢都話今次忍唔到落去，要重新反思同呀媽既相處
4個讚
嘩~~~
咁婚後好大機會繼續做孝順仔喎
如果婚後依然一半人工上繳
除非佢搵十萬百萬一個月
如果唔係你自己小心睇路
11個讚
佢話唔會，因為連婚禮都唔出席，好難忍得落
但唔通割席咩？！我都唔知點做
呢個老母都幾專橫
縱到咁樣都唔係一朝一夕既事
但你男友做慣媽寶
一係就唔夠guts 玩大
一係就可能一野搞到老母好嬲反檯
佢老豆企邊邊?
有無話唔出席婚禮?
如果唔太急既，建議傾掂／處理左先結，話晒呀媽，無咩可能割捨，同埋追你時咩都應承你啦，婚後又可能另一回事…
16個讚
我就怕男友會咁，佢已經話要返屋企執野搬出去住一排
佢呀爸冇主見，睇佢呀媽頭
已經訂左日期，係男友訂，佢好想結婚
呢d 情況
最壞打算係男家聽晒佢老母吹雞
到時男家家人全部缺席
如果玩到咁你男友OK??
其實係佢真係好想同你一齊生活
定係佢急不及待逃離老母? 
12個讚
你觀察下男友係咪真係可以企硬
怕佢心軟 到時你要硬食就慘
佢阿媽應該係高高在上 老公聽佢頭
阿仔被一半人工佢…好惡頂的奶奶
7個讚
我有勸佢諗清楚，一陣同哂男家親戚反面，可能承受唔起
1個讚
剩係呢樣我已經接受唔到 
同埋結咗婚擔心你男朋友反口，到時話啊媽自己發現左你哋地址又得。