去年疫情肆虐時，防疫措施「加辣」，晚市生意迅速「清零」，萬般無奈下唯有休業。Suki憶述：「一個人都冇，咁索性不如唔好開啦，燈油火蠟都可以慳番。」結果仝人停工長逾四個月，小店烏燈黑火。
開源節流下，佔經營成本近半的人工開支依然吃力，雖然當時未有政府「補就業」資助，但她仍堅持向員工出半糧，「咁啲同事做咗咁多年，（佢哋）唔食都要交租嘛。」租金是固定成本，難以節約，她估計至今已虧損逾百萬元，更曾萌生結業念頭「止蝕」，「所以有諗過，搞唔掂嘅話，就唔做嘅，起碼唔好再流血先啦，再流就死㗎喇嘛。」
剛過去的一年充滿跌宕，去年踏入秋季，原以為迎來轉機，不少人更看好今年市道，「你會留意到好多新舖頭係年頭或者（去年）聖誕開嘅，佢哋係諗住嚟緊就會起飛同埋會開關呀嘛」，但未幾第五波疫情爆發，她亦始料未及，「唉，我仲啱啱續咗租約。」港府重推晚市禁堂食令，再令生意一落千丈，「所以呢幾年都好難捱啊。」
她慶幸業主伸出援手減租數月，亦得不少熟客回頭捧場，始得以捱到今天，「其實真係好多謝佢哋。」
新加坡開關 外籍食客相繼離港失逾半客源
近日疫情轉趨明朗，但經濟下行，又是一大難關：「呢兩個月成個市道真係差，夜晚條街都真係無咩人行。」自香港勁敵新加坡開關後，不少從商的外籍食客相繼離港，流失率高達逾半，「有啲熟客WhatsApp我，話唔會再返嚟（香港）喇，問我幾時嚟法國玩，呢一浸（打擊）……好傷㗎。」
前景未明，有客人建議轉攻較少坐席的樓上舖，「我話係囉，我諗下啦，但其實我哋好多係家庭客嚟㗎嘛，成家人、廿個人過嚟。」若要轉型則定價亦要提高，現階段暫時作罷。
她期盼港府出手為飲食業「救亡」，「政府如果再出多次『補就業』緊係好啦，佢如果有錢嘅話」，亦渴望盡快開關，帶動經濟及市道，「0+3都冇埋就最好喇。」
清零其實係要整個社會付出, 無左疫情既同亦都無左經濟…
你話幾個月一年攪掂就話, 而家已經三年, 第一年病情真係
好嚴重到而家已經唔嚴重但防疫仍然係無變過.
其實 0+3 根本對香港經濟無幫助, 個個都飛晒出去玩幫助
外國經濟, 咁香港呢?? 
3個讚
一方面呢個病已變成風土病
另一方面係d 人成日都話呀幾多成打夠金就可以有正常生活
結果九成人金左又如何 
3個讚
九成又變一百, 跟住 3, 4, 5, 6, 7, 所有嘢都應該睇番死亡率
唔係一成不變… 個病毒都已經變到係另一樣嘢, 但防疫就
無演變過, 沒完沒了…
3個讚
早前已傳出大陸都想縮沙"退出training"
搵緊下台階
漁港仲玩呢d 分化政策
1個讚
而家唔係已經違反左啦咩?? 入境唔使隔離, 之前都
仲話唔比堂食, 而家又話得… 應該同上面一樣 7+3
先得. 
1個讚
係喎~~~
我都唔明點解可以快過上面推0+3
結果咪證明0+3 就係俾誘因港人報復式外遊law 
所以一開始就唔信，果然同我推斷一樣，一開始氹住你先，之後慢慢煮你
1個讚
我唔係唔想幫襯, 係我未打齊3針去不到
上次去坪洲, 入唔到餐廳, 迫住買碗豆腐花醫肚, 好彩在郵局門口個遮蔭位, 有凳可以坐住食, 不過感覺比行出行入的人望住，好彩之後轉戰長洲可以掃街, 才有返啲人生樂趣 
現在唔好話餐廳, 戲院都去唔到, 頭髮又無得剪, 我有諗過我2個仔頭髮再長啲就幫佢地紮辮, 老師問起咪照直講未打針, 剪唔到頭髮囉, 去髮型屋犯法, 但男仔長頭髮唔犯法 
4個讚
有翠翠唔會縮，佢對家亂咁吹，吹開個太平門，搏個市好返少少走蟹貨。
Training只會益外人，都唔明點解仲要繼續，做損人不利己嘅事我勉強理解，但益人損己我真係唔明點解仲要做落去，咁樣個政權會穩固d?!
system
於 關閉
17
該主題在最後一個回覆創建後90天后自動關閉。不再允許新的回覆。
