呢排收工收得遲 (依家咁遲先返到屋企)，但返工位置難截的士，所以開始用 HK Taxi App，但用左幾次都唔明收費方法。
次次都係同樣目的地，未必行同一條路但殊途同歸，米鏢都顯示 $140-$150，但次次收費都唔同。每一次都係畀現金。
第一次有個司機攞住一張白色過膠表望話收 $170，我以為係有額外付費。
第二次跟鏢收，$14X，以為係個的士佬好人
第三次 $170，諗住都係正常
第四次 $190，依家先發覺有啲唔對路…點解差咁遠？？？？
感覺好似畀啲司機呃左，查 app 同埋網上都唔見有額外收費呢樣嘢。係咪真係收多左？app 入面嗰項話畀 tips 我冇 click 過，我亦唔係過海冇經過任何收費站。 
你係俾現金定信用卡？我搭過幾次都係跟錶，司機係app 入銀碼，send 張單去我電話app, 我用信用卡俾，又無試過海鮮價
我幾乎日日用呢個app, 我次次都係跟標收錢㗎喎，點會爭咁多呀
係咪行唔同隧道？
另外，某些司機會收回程隧道費，關唔關事？
我少用HK taxi, 比較多用Uber, 有時行西隧，會$190；行東隧就$160，行紅隧就$120。
啲的士佬好衰，成日話紅隧塞，但我夜晚九點幾十點，有幾塞呢（仲要好幾次呢個時間行紅隧無塞過）？不過claim公司我就費時堅持，最後行東隧算。
次次都係現金。
但我冇過海冇經任何隧道…
葵興去何文田，中途停一個同事站去奧海城，頂多都係行高速公路…？(路痴好少搭的士唔知路面嘢)
咁會唔會係那個時段你個頭缺車，所以比較貴？
Uber會係咁，你睇下HK taxi有無咁嘅細節
之前七月加咗價，有啲車未改錶，所以要睇表收。
有啲司機慣咗用app叫車就俾折頭，我試過無要求嘅情況下佢收我85折。
因為疫情我用咗HK Taxi四五個月，都係跟錶收，無特別收費。
我有同司機八卦個運作，司機要俾錢 HK Taxi 先可以接單，由一開始 -$10，無人接就會減少啲，有司機會等到 -$0 先接。
我日日用冇問題呀，可能差幾蚊。不過我係call 85折嘅，跟錶價錢打折再加隧道費。
的士 app 寫 $100-$130，出到黎 $14X，應該係已經 update 左計埋加價？定係 app 上面個估價都係錯？
幫司機俾佢地接單嘅 booking fee $10-$20 我都接到到，但諗唔明點解會差咁遠。同錶差左 $50 就怪怪地。。。
下次有機會搭嗰陣可能再問下司機收費。
我搭比較長途，一般顯示 $280-$300，同個錶差唔多，最終都係以錶個數為基礎（然後再計折頭同隧道費）咁收呀~
我諗有時係個司機行錯唒兜咗路？ 司機啲質素良莠不齊…
有D的士佬仲用緊舊錶未換新
Booking fee唔會加落去你程車費到
佢地班司機登記呢個app係要俾錢買分，愈長途嘅單分數愈高，佢接左order就會扣佢地個分。
所以有d司機接完order我上車果陣佢會同我講佢取消我個order拎番分,如果taxi app打俾我問就叫我講係我自己唔要車。
唔係額外收費
因為的士加價
有啲車未改咪錶
所以要對番個表計番個收費
該主題在最後一個回覆創建後90天后自動關閉。不再允許新的回覆。