對人生失去熱情

自從2019 再加COVID 之後香港人真係生活得好麻木。 冇乜開心野可以講

明知個政府同Nancy 們都係PK 加on 9 但係改變唔到D乜, 只能時不時網上笑下佢地圍爐取暖.

我覺得係普遍香港人嘅現狀

1個讚

原動力除咗仔女冇其他,過幾年佢哋長大成人,我唔介意上天帶我走…生活做人冇晒感覺,出世開始家教佢哋民主自由,而家每日後悔生佢哋出嚟受苦,返工又係一個社會縮影,過得一日得一日,被動式生存

2個讚

完全係我諗法, 好想將佢塞番入個肚度

我都係咁諗,唔介意早啲走, 湊大小朋友佢自立我就可以BYE

1個讚

唔係你做錯,唔好懲罰自己
佢地愈想我地唔開心,我地愈要開心俾佢睇

3個讚

係、除咗要養育子女、上一代都令我好困惑

我都係咁諗

係嘅,只係好難真正開心,我覺得自己皮笑肉不笑

覺察當下
享受當下既美好先

2個讚

我整體上係好咗,不過個速度好慢

睇下法庭新聞心情就跌落谷底,迫自己做啲充實嘢,同屋企人朋友傾下後又好啲

所以都係起起伏伏

一齊圍爐好重要

3個讚

有呢個group圍爐真係好

每日見到荒謬嘅事不停發生,見到惡霸不停作惡,真係好難開心,雖然自己離開咗,但係冇辦法唔聽唔睇。再加上唔知係咪中年危機,好多時都冇咗動力。

我都係撞正中年危機,我仲擔心遲下更年期都唔知點算

大家放負,又分享下良方丫?我都幾buy樓上話喺生活搵小確幸呢個point :heart_eyes:

1個讚

所以我覺得係外國都好易情緒有問題,要好好處理。

1個讚

各位盡情放負啦,無乜建議到比你哋

唯有抱抱:smiling_face_with_tear:

2個讚

呢幾日OT到,見到個post想打幾句都冇力。

上兩星期先幫小朋友溫書都諗,如果去咗外國,大家都未必要咁辛苦……不過好彩佢有小聰明,佢唔係最叻,但都唔係差,我已經心滿意足。

我而家都唔plan咁遠,我而家只期待放假,同小朋友去行山,去BBQ等。我決定再讀書,打算轉行。其實我都問自己,個個去外國讀書移民,你係香港讀?但我唔想俾自己後悔,同讀完,如果有機會走,去外國發展都易啲。唔好諗咁遠,活在當下,搵下小目標俾自己。

尋日老公同我講:放左立場編輯出嚟。我即刻回一句:啲X官鐘意點就點,邊夠佢哋玩?一句收左我老公皮。根本呢到爛晒,好傻好天真過幾年會好?我都唔想再討論,只係想佢知,我唔會好似你咁蠢。

6個讚

我正正經歷緊更年期, 一定要搵d野做自己重心先可以過日子

其實上面好多post 都講咗我嘅心聲出嚟:依幾年唔多開心、豬隊友太自我中心、拒絕升職、個人冇晒動力、冇目標、行屍走肉、朋友移民、中年危機、屋企人逐個病(打咗金果幾位、唔係小病)..等,出年年頭仲要被辭職!
唯一嘅係同小朋友去玩,先至令我開心啲!
不過船到橋頭自然直!

2個讚

人生如果係為自己而活, 應該唔會有你呢個情況

我本來喺香港零針好壓抑,但去咗外國之後開心左好多,覺得真正自由了,亦忙於處理好多事分散注意力,有每日睇香港新聞,喺香港嘅朋友都選擇用唔同方法令佢哋自己好過d,例如不停食好嘢、參加興趣班,佢哋覺得反正香港都爛咗又走唔到唯有做d開心嘢好過啦

1個讚

你可以睇下:

1個讚

多謝你,我會努力

大家多啲分享點樣正面啲過人生?

又放負又放正

2個讚