以前覺得搏升職上位係應份，呢家，係呢個地方叻，有貢獻即係助長政權！一諗到咁即刻180度由𡚒鬥mode轉去躺平mode, 我知咁樣非黑即白既做法有d唔妥，但唔躺平心難安。
2個讚
每日睇到唔同層面既消息. 好難令人唔會令人唔灰心.
好想走. 但冇錢冇能力.我老公成日話你冇錢走左只係去另一個地獄.
我真心想問…咁可以點做?
我而家真係聽到某D新聞後感覺好壓抑. 半夜成日都係扎醒又諗野.
4個讚
我都覺得要注重personal growth 既野。以前就話好忙無時間理會自己身心，呢家就放慢小小調節下。
兄弟爬山，各自修行，堅持到最後個個先係贏家。
諗起one piece, 草帽團去到某個位都要散band 各自修行再集結，就比d時間大家成長下。
3個讚
而家走唔走到都活在矛盾中,話開心又比人插忘記史實,仲講去邊玩去邊食好野。放負(尤其出走左)又怕比對家笑,大家只好將自己收埋,感覺好似舒服d , 但點都要搵位抒發下真感受,唔好忘記出走唔代表一定好,只係想搵更加岩自己的生活方式。各有各難處,希望大家都要能夠好好堅持
1個讚
簡直係我嘅心底話 
我最近都有同樣感覺…
尤其留意到身邊人開始「自我保護」，有唔妥都無人出聲，WhatsApp group靜過鬼…連揾人共鳴都無，好彩仲有老公可以傾下，但對身邊人和事嘅熱情全部無曬…
我心裏面諗，其實仲有幾多人好似我一樣，留喺香港只係為咗搵錢養大細路，揾夠錢就會帶埋細路離開香港遠走高飛？所以大家為咗份工，俾人恰到上心口都唔出聲？
諗到呢度，感到既內疚又無助…
3個讚
我呢幾年斷捨離，賣晒啲身外物。
依家仲有種唔想「製造」任何嘢出嚟嘅癖…
（可能成日都覺得隨時可能要離開，有時睇到烏克蘭嗰啲人，一個炸彈炸落嚟成間屋都冇埋，就會諗會唔會有一日大陸台灣又會掉個炸彈落嚟⋯⋯）
7個讚
我完全就係咁，做咩要咁俾貨，以前我見到有啲唔合理嘅地方會嘗試去盡力改好佢，而家就覺得算啦，呢度都唔知幾時玩完，做咁好做咩。
2個讚
我屋企人仍然無時無刻聽好多網台分析，論時政，通常啲主持人都會比較激動，越聽就覺得越唔開心，係呢個時候就好想自己係一隻豬，但係又做唔出。
1個讚
呢個都係我未走嘅原因，但係唔走又俾人judge，覺得你唔走就唔好放負，自己攞嚟衰
1個讚
可能係。。不過一手一腳從自己手上創造出來俾到我實實在在，可以控制的感覺。我朋友還以為我冇得堂食，吃喝玩樂先去做手作呢。不過，唔知點解呢幾年少咗周圍去打卡的衝動。即使我去了一個地方，我也不再打卡放上FB了。所以在社交媒體「顯示」我很宅
我都好宅，fb無updates
鬼咩，upload 小朋友既野話晒命晒小孩，upload 自己野就話晒幸福，越真係幸福既人越唔會係social media 晒ga ma
咁好啦，唔upload 正面野放負啦，就話個人好灰，咩事，引來好多人來關心
咁咩都唔講，做cd rom 最好
2個讚
抱抱
Me too
見到好多嘢, 由好嬲，變到冇感覺，就算有感覺，都唔會講，是但啦，改變唔到
身邊嘅人，一係走咗，一係計劃走，
但係我冇得走，因為我隊友熱愛漁港，拋唔低佢，亦因為佢，我隱藏自己
8個讚
唉，走咗都唔敢呻，比人話難得走咗仲咁負面喎
我都係咁話，好多嘢係迫自己做，例如上嚟，都想多啲圍爐
3個讚
移民又好走難又好、其實只係暫時肉身逃離、就講以前上網應該唔會成日要delete 同edit 野……有啲野變左就係變左
1個讚
我有聽佢、感覺好悲涼、世界只係講利益、明知無能力改變現狀但又唔甘心……
啲法庭新聞先恐怖，嗰啲官仲未被制裁先至天理不容
又或者人到中年的困惑。
1個讚
自從疫情冇得去旅行我直頭冇哂人生目標，工都唔想返錢都唔想搵
3個讚