有女網民昨日（5日）在網上討論區以「救命！我男朋友係公屋港孩！！」為題發文，大呻年屆30歲的男友長不大且裙腳，揚言有意與對方一刀兩斷。網民看過長文後意見一致，一律分手處理。
樓主在貼文中批評男友「自理能力唔好」，力數其不是——不會切蘋果切橙、不懂搵路甚至換季應付天氣，永遠由母親大人照顧，是名正言順的「港孩」，在家安安樂樂做其「姐寶」、「媽寶」，因而不想自己將來有朝一日入門後，要「做佢第二個老母」。
樓主更持別提到男友「平時有咩大小事一定係問家姐呀媽意見，聽曬佢哋講，講好聽就隨和，重視屋企人，難聽就無係姐寶媽寶一個（俾個例子大家，之前佢同佢ex一齊，佢家姐唔讚（贊）成，然後佢就同佢ex分手喇」。
男友常說「基層無出頭」
另外，男友母親的態度更令樓主更看不過眼，「有時我想我男朋友試下做d 簡單家務，佢老母就黑面琵鷺咁款」。在跟進貼文中，樓主進一步暗示男友不思進取，引述對方將「基層無出頭㗎喇」這話掛嘴邊。
雖則有云「寧教人打仔，莫教人分妻」，網民都不嫌避忌直接了當地建議「咪分囉，仲有咩諗」、「係我就分，媽寶到咁真係搞唔掂」、「分啦，幫人湊仔冇用」。
見到樓主大踩男友，有網問則反問其初心「係因為咩原因走埋一齊？」，並指溝通後對方仍無改善，「咁你自己其實都已經有答案」。另有網民看通了連帶關係，指「你男朋友係一個問題，你男朋友阿媽都係一個問題，所以建議分手」。
已婚人士作出忠告
有已婚人士更忠告樓主，「真心唔好搵媽寶男做老公，換個燈泡、水渠塞左、砌張電腦枱，都可能要你自己做，你呢世都有得受」、「結咗婚仲難頂」、「江山易改本性難移，30歲人食好住好做從來未親手做過家務，依加你要佢改掉30年的習慣去做家務？簡直比登天更難…要預左結婚後成為2個媽媽，照顧大兒子同小兒子，仲有照顧未來奶奶呢啲『工人』日子走唔甩」。
7個讚
重點
以為係孝順，其實係離唔開原生家庭
咁樣嫁個老公仲衰話生幾個仔
8個讚
我個friend同事幾十歲男人，釘書機，漿糊筆都唔識用，又係媽寶
每分秒上網打機，行到撞到醒覺（其實睇乜？）但又乜新聞資訊唔知（上網睇乜？）
呢啲真係那林走，生埋唔得掂，湊細又湊大，幫唔到仲要激死自己
2個讚
咁如果係倒轉？
我朋友就係嫌自己老婆永遠依賴爸媽，成日問點樣可以令老婆獨立啲。我哋都唔識答
女仔咪可愛，男人鍾意吖
如果我根本唔會同呢女仔結婚
應該都好難頂，但總有男人鍾意，而實質上enjoy湊女男人會比enjoy湊仔女人多
我前同事係老公主，影印fax email乜都唔識，住個屋苑幾十年都唔熟啲交通，去邊都係老公點到點接送，一係搭的士
佢老公應該enjoy，但最慘係老公主唔珍惜佢，老公中風入院好多手尾，老公主竟然呻佢麻煩。你可以想像第時個老公有乜事，個公主都係廢人一個，
所以唔好覺得對方需要自己照顧好得意好sweet，到老咗大家都會痛苦。乜人都要自立啦
5個讚
老公主一定大把
響朋友面前都公主，老公面前應該廢人
題外話：老公主通常有個特質，著衫永遠carry唔到成熟，因為佢哋打扮都當自己係公主，溫碧霞類，好難頂
1個讚
我發覺上一代好多都係咁樣教仔，覺得仔係唔駛做家務，讀好書，返好工，賺到錢就ok
所以而家真係要提自己唔好咁教小朋友
1個讚
如果係女人嘅話，自以為十指不沾陽春水就等如上等人
話咩都唔識做，其實可能係扮嘅。
男人呢，就真係媽寶喇。
其實都係睇下對方愛唔愛你同呢頭家，肯唔肯學之嘛。
1個讚