好鍾意Being Hong Kong嘅文章，好多後生仔努力為搬出嚟住努力，佈置個靚蝸居
最討厭Nancy廢老話佢哋上唔到車因為唔努力
一個人的豪華生活？
在樓價和薪酬不成比例的香港，很多人畢業後都繼續和家人同住，直至成家立室才另覓安樂窩。獨居，在年輕一代之間成為了少數。兩個90後，一個蝸居於鬧市的舊樓劏房；另一個就走出市區，隱居於大西北邊陲。對他們來說，一個人住到底代表自立、自由，還是「自己攞苦嚟辛」？
「廿幾歲人先發現自己唔識處理磁磚罅隙嘅污跡，以前屋企係木地板嘛……最後都要喺YouTube睇教學，用牙刷加梳打粉溝水解決。」一個人住，小至拖地洗衫，大至單位的保養修補都要自己處理。Anne搬入位於錦田700呎的村屋三年，現在連天花板的灰剝落掉下也能處之泰然，但她仍視拖地為苦差。以為地方大才有拖地的煩惱？150呎的蝸居，每次拖地都要把地上的物件逐件小心移開，對已獨居差不多兩年的Matt來說也不輕鬆。他的家在唐三樓，因沒有升降機加上空間所限，一部半米乘半米的單門雪櫃已是家中最大型電器，洗衫就要到附近的自助洗衣店。
市區四通八達，但同一預算，在相對偏遠的郊區則可換取較為寬敞的空間，哪個是你心水？對於Matt和Anne，居住地點除了基於租金預算，也源於他們各自搬出去的初衷。Matt是家中的獨子，自小有屬於自己的房間。「但你會開始諗，係咪繼續要咁樣依賴屋企呢？」租幾大租邊度，從此金錢、空間和時間的分配都要「睇餸食飯」，但這種「煮到埋嚟咪食」的生活模式大概正正是他所追求的。
和很多香港人一樣：空間細，家居收納需要智慧，也令Matt每次購買都要更謹慎，例如雪櫃裡的食材永遠是耐放和方便烹調的。烏冬、雞蛋、肉丸和金菇……這些同樣是Anne的「獨居恩物」。但一個人獨享三間房的她，要面對的不再是收納問題，而是如何好好佈置和分配空間。「我會開始去規劃添置咩傢俱去幫助唔同階段嘅自己。」和Matt相反，和家人同住時她沒有屬於自己的房間，有時連窗簾拉上拉落也由不得她決定。「但有時我真係會被街外嘅光線同聲音影響睡眠。」故此，她較為看重空間的大小，對郊區的寧靜亦一見鍾情。
一個人會上癮？但當晚上獨自打開門面對漆黑一片的房間時，有時難免有寂寞的感覺。學習和自己相處，是每一個城市人的課題：Matt喜歡相約朋友吃飯相聚，市區的交通方便令他可以更自由決定聚會地點；至於Anne，工作縱使再累，也有兩隻貓主子迎接回家。
和屋企人不再日對夜對，關係會不會變得疏遠？大概同其他關係一樣，再親密都需要拉開些少距離，讓大家喘息。同在一屋簷下，家人有時不免要「硬食」彼此的負面情緒。現在Anne返娘家前會調整自己的狀態，精精神神地與家人吃飯和聊天。近年來她口中所指的「娘家」、「回鄉」，已變成原生家庭，或多或少代表家的意義對她來說已有所轉變。「始終都會返去飲下湯！」不論是Anne，還是性格較外向的Matt，都異口同聲這樣說。
上世紀七八十年起流行的「四仔主義」（屋仔、車仔、老婆仔、BB仔），是當時社會上普遍對生活的追求，是力爭上游的動力。時至今日，當「屋仔」的成本高得負擔不到，金錢和物質也不一定能概括生活意義的全部時，如何在狹縫之中過自己真正想過的人生，在時間和空間上實踐自主，大概是如今香港年輕一代共同的考驗。
#獨居生活 #空間自主 #蝸居 #隱居 #90後 #劏房 #村屋 #深水埗 #新界
2個讚
呢期家用post
大把上岸L 話趕個仔出去住，如果我老母因為3000趕我出去，我真係會搬架
個個都追債mode咁
1個讚
我以前快結婚先搬出去，嗰時樓價百幾萬，兩個人儲幾年錢已經上到車
而家不敢想像
香港真係一個對後生仔女好殘酷嘅地方
7個讚
趕咗出去唔好要求佢大時大節返嚟食飯、有病有痛自己搞掂先好。
3個讚
我聽過個case個老豆係狗，明明有多間房，個仔三十零歲離婚都唔比佢返去住下（只係暫時）要佢租劏房
但佢一直有比家用㗎
我叫佢第時有病有痛唔好理佢老豆，真心呀，絕啲都要
1個讚
到時比夠6000當父母工人亦大有人在，自己揀
1個讚
同住唔代表會照顧父母 /一齊食飯嫁。(大把呢d case )
1個讚
大把當阿4咪一樣，當茶餐廳咁，食完飯就走，仲要煮埋第二日外賣
1個讚
其中一個親戚的細仔同新抱，氹左佢出錢買樓一齊住，但層樓冇寫阿媽名。食飯分開食，要老人家自己買餸及煮，仲規定時間用廚房。連廁所都鎖住限時用。佢病左細仔兩公婆唔會理，要個唔同區住的大仔帶佢睇醫生。
可能人地扮到一齊住, 好照顧個阿媽都唔奇
連扮都冇
。為左避開個衰新抱，老人家每日一早7點去樓下麥當勞坐，午飯時間返屋企煮飯，跟住再係麥當勞坐到晚飯時先走。
佢住我隔離屋苑，所以日日都見到佢。
所以啲人成日話點一齊住
咁樣對自己阿媽，個仔都唔係人
2個讚
細仔兩夫婦有個女，由細到大都唔比老人家摸下/抱下
該主題在最後一個回覆創建後90天后自動關閉。不再允許新的回覆。