有冇d 工可以響屋企寫野作下文賺稿費呢？ 人工低d 都冇所謂，想過下寫野癮又賺少少錢咁
1個讚
小紅書果啲。
我估…你寫左先，post上網，真係好睇既話，有人會approach你，咁就可以兼職喇
2個讚
係，一定要有累積咗好多讀者先得，又要有人留意到。
識一個朋友寫文章很好，都係教吓寫作班，間唔中都有晌報紙專欄出吓文。
衰啲講句，文字晌香港呢個文化沙漠係好「低賤」的，想靠寫嘢揾食絕不容易。
5個讚
FB page 好似 辦公室日報 咁寫，再收廣告
之前見到呢個網站
似你想要嘅嘢
方格子
2個讚
唉，稿費呢樣嘢，真係未有internet之前嘅故仔啦。而家免費文都大把人爭著寫，俾錢人哋去睇自己嘅文。
二十年前幫雜誌寫過稿，一篇文一兩百蚊。間雜誌因為internet興起都執咗，我啲文免費都好少人睇lu。
除非寫到好似沈旭暉咁，就會有人課金patron 。
比較多人做嘅方法，係放你嘅文上網，累積名氣，做KOL。有咗名氣，就有廣告商搵你，可以轉patron ，可以cross over youtube，有媒體approach 你等。我有朋友咁做，不過都係無咩錢賺… 而家個市做爛曬，一般要同時做埋model / 政客 / 藝人 / 專業高層 / 獨家消息 / 露肉，先有得發圍。
我自己呢，就寫下免費文， 自娛下算。
1個讚