話說呢一年成日病，唔係頭暈就胃唔舒服。睇左中/西醫也好多次了。琴日屋企人陪我去衣紙店問下（街市個啲），個師傅問左我農曆生日等資料，用幾支香問事咁，之後同我講既病症都吻合。最後話我比隻野女
跟住，已一段長時間。最後執左一大堆野燒同燒衣紙。師傅話會慢慢好。
而家我仲好擔心呀！ 因為燒完到今日仲係頭暈暈，心神不安咁，係咪要隔一排番去再問下‘佢’走左未？定係燒左基本上就得？ 求識呢方面既大家幫一幫手
thanks ar
你可以去大廟度問，觀音/北帝/車公之類大神廟，師傅會幫你睇。
其他嗰啲我仲worry
通常燒左一日就會好返，唔得再去問多次
個c fu話隻野跟太耐 燒完比佢都要啲時間….
但我通常聽人講燒完當晚會無事
1個讚
太陽出來之後，去啲大廟，拜神裝香。
多啲去曬太陽，吸收陽氣。
1個讚
我無去過北帝廟之類 但呀媽話我時運低 唔好亂去廟
去黃大仙廟，戶外嘅地方外，人氣旺盛。
你有無信仰？試吓每日讀聖經或者諗經文，一感到擔心害怕就諗，可以諗出口的就諗出口，唔方便就心裡諗。
1個讚
首先你唔洗驚，唔好自己嚇自己。
假設個c父無呃你，隻女鬼都跟著你咁長時間，你都係得d 頭暈身㷫，証明佢能力有限。你越驚，佢越有機可乘。反正都跟左咁耐，你可以平常心過多一兩個星期睇下，再請埋屋企人觀察下有無改善。好多時，頭暈身㷫 都係精神緊張引起，無謂諗咁多。
你可以自己誦念 般若波羅蜜多心經，每日念3/7次，之後回向（口講）念心經功德 回向 累劫父母，冤親債主，6親眷屬，在生者增福慧，往生者生靜土。
自助又唔洗錢，你可以試下
6個讚
好呀 好多謝你 見到你留言都定啲 我試下諗心經 謝謝你呀！！！ 功德無量
好
去問所謂什麼師傅，100個去問、佢都會答100個有嘢搞，否則佢掠唔到你水 ! 就正如科學性西醫醫學，你去私家診所話唔舒服，醫生會唔會話你根本冇病，藥唔使食可以返去，診金都唔收你，返去休息多啲就得?! 點都開啲安慰劑俾你，收你標準會診收費卦 !
我個人覺得有唔舒服，除左身體問題、心理都係一個問題。不如你做多啲實際運動，唔好以為行夠1萬步就當運動，最好堅持做帶氧運動，到時想唔舒服都幾難啦。
怪力亂神真係唔好亂信，當然我唔會完全唔信鬼神存在，但大前提唔好乜都覺得俾嘢搞事，只要自己心正冇做壞事冇害人，洗乜驚呀? 屋企唔好成日閂窗簾，多啲陽光曬入及通風，人都精神啲啦 ! 
15個讚
會的 之後我都多做運動 
1個讚
呢啲係都市病，呢幾年少運動又長期戴口罩身體差左都唔奇
入去教堂同牧師講，自然有人同你趕走佢！
2個讚
有人話,自己翻開下眼肚,如果見到有黑點之類物體,就是比野跟,信不信由你
試吓針灸啦
嘥氣啦,你問埋衣紙佬
佢梗係話你有畀嘢跟
唔係佢點做你生意
你可以去黃大仙求籤問下，係解籤要錢
曬多啲太陽注意飲食，增強身體抵抗力咪無咁虛囉，問完仲疑神疑鬼咪更加唔舒服
唔好咁迷信啦