登記咗GP後自己打電話想約見醫生, 誰知佢覆返來講咗一大輪,又話應該要去醫院做掃描檢查, 但最後竟然係叫我自己去醫院, 而唔係佢幫我約或轉我去睇專科, 結果打去醫院問, 又話叫我打111, 上網回答一大堆問題後, 得到嘅結論更喺無言, 竟然叫我去搵藥劑師！嘩！真係諗唔到,來到英國樣樣都好, 就係喺呢度被kick住咗, 唔單止見唔到GP, 仲連醫院都無得去, 感到好無助, 唔知各位朋友有冇人試過咁荒謬嘅情況呢? 現在應該點做, 是否有朋友可指條明路呢?
你有長期病？
係, 高血壓及放射性腰背痛(脊椎做過大手術).
高血壓呢d通常gp跟返，你腰痛本身有冇係香港專科覆診？如果有就俾醫療報告gp睇再轉介去專科，你係咪講到自己要即刻治療呀！？如果要即刻治療gp有可能唔知點做唯有叫你自己去醫院，呢度要step by step，一個appointment只可以睇一種病
1個讚
女兒喺另一間gp登記咗, 佢就好快可以上網book見gp了, 但我呢間就一定要每天早上八點打電話去掛號, 然後等電話返來問一大堆問題, 結果都未能約到見gp, 真係R晒頭, 覺得我呢間真係唔掂. 所以我諗係咩可以轉過去佢嗰間, 唔知有冇朋友試過轉gp? 需時耐嗎?
1個讚
你將香港所有報告俾晒 GP, 佢會幫你排專科，GP 可以開藥俾你食住排專科。如果突然覺得好痛，可以去醫院睇急症
呢d係正常程序，電話問診先，如果只係開藥係唔需要見gp，醫生會開返你係香港食開嘅藥俾你，自己去指定藥房拎就得，至於專科你係可以要求轉介，呢個情況gp只作轉介，佢唔會處理亦唔會有治療，因為gp唔識處理，等專科寄信來通知幾時去睇，如果需要即時治療就自己去醫院
我之前急症，gp都叫我自己去醫院。重老點左我去冇個科的醫院，排左兩個鍾再另一間排過
急症喎
急急地，又唔急
都拖左幾日先打電話去
你係指女兒見到醫生？可能長期病做法唔同？
我屋企人係長期食藥、問診後就交左報告、俾link 再自己預約驗血架、報告正常就跟返香港食法、定期去藥房拎藥、都真係無見過醫生
是約到見醫生(有埋醫生名)的日期時間, 不過都唔係即時見到, 都要約到一星期才有得見, 但點都好過我嗰間, 直情無得見. 所以就諗係咪轉埋過去好啲.
我上111嗰網, 答咗一大堆問題, 跟住就俾咗幾個選擇我, 有間醫院就喺我住嘅地方有車直去, 所以會想去試下,睇睇到底成個操作係點玩法.
有啲 gp 係好難 book到醫生，有啲就易
我都想轉
如果住址剛好在唔同 gp交界，係可以選擇同轉的。
流程同時間和新登記 gp一樣，去新果間填表等通知就得。
其他英國係唔一定要見醫生架，佢電話問完你冇乜特別只係要拎長期藥的話，就唔會安排你見，除非要抽血，你有咩原因一定要見醫生呢？
1個讚
嚟咗年半，試過約GP幾次，醫院去過三次，試過感冒、covid、骨折，從來無見過醫生，亦唔需要見醫生。
要藥就自己去買。
去GP和醫院剩係見到護士。
只能夠喺電話同醫生講到嘢。
急症GP會叫你自己去醫院。
不過樓主個情況應該有轉介，係有古怪。
昨天上111網站, 回答咗一大堆嘅問題, 最後111叫我要去離我最近的一間頗大的醫院(24小時急症嗰種), 去到已經額滿, 坐滿人, 我都決定放棄咗, 吃晚飯時, 111有電話打來, 問了更詳細的情況, 又攞晒我食緊嘅全部藥名, 結果原來依家食嘅降血壓藥英國已經唔用了, 改咗一隻更加新嘅副作用更加少嘅藥, 然後111仲直接批評我登記嘅嗰間GP不負責任, 話我哋由香港初來埗到, 而且又有咁嘅情況, 最基本都要面對面見一次GP, 安排做全身檢查, 並應該要轉介我去睇專科,不過仍然喺要我哋自己去同GP講, 所以…
1個讚
全身檢查就一dd啦，睇你咩長期病，面對面都基本上冇可能，你間gp最大問題係唔幫你轉介專科直接叫你去醫院，一係試下打去同gp reception講你想轉介去專科，所以想見一見醫生或者係電話做個consultation，可能佢地唔明你想點
昨天就係先打電話, 再等GP來電做評估的, 結果就話我應該要去醫院掃描同睇專科, 講咗一大輪, 最後就叫我自己去醫院, 所以我估111話佢不負責就係呢個意思.