所以唔係話100個坐位要放100架bb車，而係盡力安排比不同需要嘅客人
如果有媽媽一拖二唔帶車好難岀入呢，佢哋都有去街吃飯的需要，盡力反晒同爭取多啲餐廳入車對大家都好有幫助。
親子餐廳只係商機，唔係爭取番黎嘅福利
8個讚
講得啱，所以不會餐餐食500元親子餐廳
樓主係希望一般餐廳容納b車，所以反映
大家都責備樓主西客，等於有人話地鐵好迫入唔到b車，然後大家叫佢撘的士一樣
而家樓主爭取的唔係福利，係社會嘅公平公義
人地唔想做你生意都唔得？
係因為本身間餐廳唔比BB 車入，但樓主叫經理出黎，希望有特權破例。呢個行為其實同強國人無分別
11個讚
一間商業嘅餐廳唔俾BB車入，就叫做唔公平唔公義，真係笑死人
咁你叫政付幫手補貼租金同生意額，規定餐廳預留特定空間比bb 車啦
1個讚
而家又唔係唔比出街, 又唔係唔做BB生意, 間藍店就係咁細, 只係唔比架車入內, 你咁都要拉埋傷殘人士去講, 傷殘人士躺著也中槍
8個讚
政府淨係叫班業主遲D收租jar, 到期一樣要準時交租
除左「道德x」呢個形容詞，諗唔到其他形容詞形容樓上嘅層主。
3個讚
所以不應受委屈於商家。安排用餐空間，無論對嬰兒車，輪椅使用者，使用輔助器材長材都有幫助。大家可以Google一下過去人們係如何爭取14周產假，男士侍產假，最低工資，育嬰室，哺乳間，母乳友善餐廳，長者延長過路燈制，視障人士引路徑，餐廳斜台等。通過人們的不愉快使用經驗，投訴，反映等凝聚力量，由團體努力和地產，商場，港鐵，政府游說建議而改善的，所以樓主的反映對社會逐漸改善容納嬰兒車有幫助。叫樓主6個月唔岀街食，12個月唔岀街食，對社會毫無幫助。呢一間餐廳能否改善並不是重點，而社會對改善環境容下bb車係絕對有需要。如果大家有子女相信會明白，並不是鼓勵人忍一忍唔好岀街食一年就可以令社會進步。
相信親子論壇係良好氣氛討論區，如果變成集體欺淩人身攻擊，絕對不是良好討論的基礎
冇錯，親子餐廳係打正旗號收你貴d價錢野食而去轉個空間俾你帶小朋友去玩。好明顯係一門生意
2個讚
樓主講咗大家相就下，就已經係社會平衡嘅重點，如果一刀切話bb唔好岀街食，撘的士啦，去貴啲啦，book房啦，係屋企煮啦，就真係對bb車家庭好唔友善，一個文明社會係需要有平衡，安排一些空間，位置去比有需要使用嘅人
叫經理岀來傾談好合理，唔會叫個清潔姐姐傾掛，況且經理就係幫手解決餐廳問題
你好似越講越遠、我諗得好簡單、呢間唔俾咪去第二間食囉、佢可以唔招呼bb 客我可以唔幫襯、唔一定要貴餐廳、其實連鎖快餐店都好friendly 、我印象中有啲位係無櫈㖭、唔記得係俾輪椅定bb 車都得、你話文明社會要安排空間、但間店就好明顯係無空間咁點安排呢、無謂強人所難吧
7個讚
大家都無問題，可以簡單選擇自己去別的餐廳，去第二度食，返屋企食，唔岀街，買外賣，簡單啲。
相主就選擇反映，推動餐廳改善，成功就會惠及別人，失敗就會沒有改善，而在此過程中，就受來多位的謾罵，樓主都盡力講解讓大家理解明白，可是唔係人人都有這個能力去理解。
盡力爭取，餐廳唔改善。就等下一人去投訴和餐廳改善。
大家盡力指責樓主，就令一衆類似經歷的人不敢岀聲，社會認為唔需要安排空間比嬰兒車，或其他有需要人士，於是越嚟越多有需要人士，唔好岀街，呢係屋企，從而社會上越來越多人情緒岀現問題。
其實如果話間餐廳驚bb喊聲好嘈，唔俾bb入，咁我都會覺得有d 唔baby friendly。
但樓主呢單唔俾bb車入，好明顯係土地不足問題。路太窄，人行已經逼，點容納bb車。
至於話專登留個位俾bb車，其實會增加商家成本，佢當做善心係bonus，唔留亦唔應該鬧佢囉。
香港不嬲係人多車多路窄，所以先咁多媽媽選用揹帶。
樓主講既大家相就下，其實實情係叫人單方面就佢，呢d 叫做自我中心，要人地圍住佢轉。
7個讚
我其實覺得你over 左了。
你只係用一個講到好大好宏觀懶係為大家爭取既口吻，黎企圖合理化樓主唔啱心水就投訴既野蠻行為。
然而呢到好多都係媽媽，大家都曾經經歷小朋友係bb既階段，你就算講到幾華麗大家都知咩事：哦，有個呀媽因為間餐廳唔放得bb車就要叫哂經理發哂顛，然後上網公審以為人地會撐。
17個讚