其實韓樂呢d店，有無bb車都唔會去食，完
4個讚
都唔知你想點
自己都識得話枱同枱之間逼
真係手掙貼手掙
當你條走廊真係夠位又點
個b又凹咗落去
坐正個b車隔離個食客都忌你個b 三分
上菜俾入面嗰個又經過你b個頭
大家都唔舒服
就算平日間餐廳好闊，架bb 車/bb櫈我都會擺埋牆，唔會擺喺個上菜位
有時候唔迫擺到 BB 車都唔會畀，因為個 BB 的確係人地個小寶貝，撞到少少掂到，媽媽一定發癲。咁到時候係餐廳大鑊！
讓得一架又要讓第二三架，咁佢條 “不准 BB 車” 就名存實亡，分分鐘第二檯客投訴 “明明話唔畀 BB 車，結果就擺左係度”。呢啲時候，寧願係跟足規矩畀人投訴，總好過冇跟規矩出事畀人投訴。
2個讚
好多家長將自己個b／小朋友放得太大，唔合意就會話人地唔baby friendly，做錯野就話小朋友黎架咋喎。
（先唔講藍），樓主標題係話唔俾bb車入餐廳，唔係話待應態度，俾人追擊就話係投訴人地態度，上面講得岩，俾入咪入，唔俾咪走，經理可以協調d乜…
12個讚
Same, 我個陣就係咁，就算貴少少都揀大地方，始終帶bb出去就等大家坐得舒服啲。如果約fds食飯我甚至會打電話book 枱，講明有bb車。始終係HK食飯餐廳細，大家互相遷就，佢講明唔俾入，就去第二間
1個讚
係，有時都唔係為左食
係為左搵個餐廳坐下休息下
你問心 如果個個都推埋BB車入餐廳 真係無安全問題咩？餐廳只係唔畀BB車入 無話唔畀BB入 亦無人叫你唔好出街 你點樣出街照顧到BB之餘 自己可以休息食嘢 咁你作為照顧者要自己諗下 大家又已經畀咗alternative solutions 你唔接受就話全世界唔baby friendly?
仲有 而家係樓主要餐廳員工違反規則去畀BB車入 唔畀又叫經理又要投訴 邊個迫邊個？真係好無理 
5個讚
個侍應話bb車唔可以入，樓主就叫人叫經理出嚟，咁樓主唔係惡死，係西客⋯話唔係投訴L但又send email投訴⋯其實個商場仲有個food court 丫，呢間餐廳唔比bb車入，去foodcourt咪得⋯咁勞氣為乜
2個讚
我無去過旺角果間、又其實話搬走張櫈就得、咁張櫈可以放邊？去過啲真係迫到啱啱好
出去食都係想開心、為個位要諗到同bb 有仇加叫經理出黎、佢肯我都唔敢留低食
2個讚
好多餐廳都係要收起bb車或者擺喺餐廳門口。
如果你要咁baby friendly，建議你去親子餐廳。
呢間餐廳又石鍋又湯麵又鐵板，唔比bb車入都好正常啫，如果多客起上嚟kick到bb車，後果都可以好嚴重！唔洗人哋拒絕bb車入就即刻：叫你經理出嚟！咁大支嘢
2個讚
Bb車入到餐廳，好應該多啲人反映同爭取，正如傷殘人士入餐廳，老人家關愛座，母乳媽媽餵人奶，生仔放產假，好多嘢係前人有經驗而反映再爭取，需要有個平衡，如果個個都自己退避呢埋係屋企，世界就不會進步，亦有啲小朋友唔係一歲就可以坐high chair , 最多忍12個月咁，有需要嘅人士都係需要全個社會協調同進步
咁呢類餐廳就算佢俾我架車入我都唔入啦
如果樓主唔反映，就會越來越少接受b車的餐廳了，大家有得食親子餐廳，都係有樓主一類家長前人反映先爭取到的，如果人人都責怪樓主呢類家長，只會越來越少親子餐廳
餐廳係真係好需要改善㗎。唔係人人就咁抱住BB食飯就可以㗎，一樣係大人細路仔食唔到飯，所以餐廳係好有需要去改善
你用傷殘人士去同BB比?, 真係大吉利是過你, 傷殘人士係一世, BB係暫時
3個讚
所以餐廳係需要改善平衡不同客人嘅需要，bb車都係好common
其實都要睇環境、香港地方真係細、大家都知有啲茶記真係訂造到啱啱好、唔好話bb 車、買多袋野都冇位放、通道肥啲都過唔到、正如某啲高級餐廳唔俾bb入唔通又要爭取？唔俾狗隻入又要爭取？
同埋親子餐廳係有巿場先開唔係爭取返黎喎⋯⋯
4個讚
只係講緊不同人士有不同需要，唔使咁緊張，要明白不同人士不同時間有不同需要，亦有bb係有特殊需要，只係公衆太快判斷然後叫人呢係屋企咁好岀街，就太過壓迫人了