(source: 邊種人搭的士最疏爽？的士司機抱怨乘客孤寒：住千萬豪宅都係外表風光 | 樓市 | 經濟一週)
「住私樓每月要供樓， 供30年， 所以要死慳死抵。 反而公屋好多隱形富戶， 無負擔願意俾貼士」。現今的士司機除了排的士站上客，亦可透過應用程式配對客人，但有時也會遇上孤寒客人。
有的士司機在網上發文吐苦水，指自己日前開工期間，因見到有豪宅區乘客召「85折的士」的訂單而感生氣，更道出住豪宅與住公屋之間的乘客分別，直言「住公屋先至捨得使錢值得別人尊重」、「住幾千萬樓都係乞衣一個」。
有的士司機在Facebook群組「的士司機資訊網 Taxi」分享的士應用程式上的截圖，指有一名相信居於豪宅的乘客召車，由沙田雲瀚前往半山干德道，而該乘客卻使用「85折」折扣召車。 至於圖中第二欄則顯示另一訂單，乘客由沙田博康邨前往葛量洪醫院，惟該訂單並未有如上一訂單般使用「85折」折扣召車。
相關訂單引起該名的士司機不滿，認為豪宅住戶做法極寒酸及不尊重： 「外表風光其實啲錢俾曬地產商搭的士都搭唔起。」 「住豪宅唔老屈你的士佬已經好好。」 「我揸的士都睇你唔起。」
（圖片來源：Facebook@「的士司機資訊網 Taxi」群組）
有網民就事件留言，認為司機無理取鬧： 「有錢就要俾貼士咩，唔值得俾呀」 「人吔（哋）有幾千萬身家不如畀一百萬你啦？」 「一定老馮要比貼士你」 「揸的士有你這種人心態係恥辱。」
不過，有網民就認同該名的士司機說法，對司機表示同情： 「住半山個啲全部窮到燶㗎」 「富唔代表豪！豪唔代表富！」 「越有錢既越孤寒」 「唔屈折頭，下下比貼士，咁點住豪宅呀。」
有人亦同意公屋客人的確較闊佬，「我車過好多上咗年紀喺屋邨上落客人，好多都唔收尾數，當貼士，新年有啲仲畀利是。」 有過來人表示，住私樓每月要供樓，一般要供30年， 所以要「死慳死抵」；反而公屋好多隱形富戶，無負擔願意畀貼士。
係囉
我又唔明, 我有錢還有錢, 但點解唔比叫85折的士?
9個讚
司機自己住公屋所以勁讚? 我唔會因為一個人駛錢態度而去尊重佢囉
4個讚
唔趕時間又長途車咪試下 call 85折的囉, 無人接咪再試 call 9折囉, 再無咪正價 
有時我覺得 call 既司機態度好啲, 一開始佢就知去邊, 支旗幾大… 有時街車好晦氣, 成 $50-$60 既旗好似阻住佢發達咁。明明到目的地, 都話要 u turn 埋先落車好啲, 但佢 u turn 完我反而要過馬路先到目的地囉… 成日都攪到一肚氣 
8個讚
邊有得咁樣一竹篙㗎，邊個階層都有姑寒人啦，更何況有錢都會想慳，call 85折有咩問題
1個讚
其實我唔明點解搭的士要俾tips
(除非司機有幫手拎行李去車尾箱)
咁呢個司機食茶餐廳係咪都有俾tips?
另外想知佢有無報稅? 
1個讚
有discount點解唔用得？ 用就等如孤寒？ 以呢位的士哥嚟講，俾一仙貼士都唔想，咁巴閉就唔好攪85折
同埋邊度上車等於住邊度？ 咁和合石墳場出發一定無人接啦，唔怪得做的士佬
點似的士狗咁有錢
唔洗跟錶，大大條道理同你round up整數
遠又唔去，近又唔高興，嫌錢腥
4個讚
有錢人唔一定亂使錢，眼光獨到算到盡，更要睇你值唔值呢個數。
明顯 DC9 唔值正價， 態度唔好85 折都係太貴。
2個讚
好多有錢佬好多都係孤寒, 香港既文化係貼士呢樣嘢都係隨心
比唔係硬性要比, 同埋你做得 85 折都係預左人地會用, 點解有
錢人就唔用得???
的士佬唔好接85折單，咁咪冇事囉
。
又要接又要怨，難為了客人。
4個讚
係囉~ 佢地自己又要揸85折的士, 又要揀客? 仲要指定住豪宅唔比叫85折的…
真係唔好怪人叫晒UBER唔再打的
3個讚
唔關事，疫情下去醫院好多唔肯接單
我俾uber飛過幾次單
落街直接截仲快
博康公屋焗俾tips，邊有咁易截到車
