你唔好睇表面啦
人哋捱夜或者忍手唔買嘢唔通話你知咩
5個讚
我都覺~
可能一個認為應該及時行樂, 想三個月去一次旅行
而另一個認為應該先苦後甜, 宜家為左大家將來所以要更努力工作, 同埋可能覺得請假去旅行好奢侈
無話邊個岩
但係結婚即係想將來一齊生活
可能大家都要微調下個expectation
2個讚
其實係可以再儲多啲既，係之前慣左大洗。宜家試吓洗小啲 
我反而覺得俾我係樓主
我會好驕傲同番阿媽講
我老公怕我辛苦俾我做份輕鬆而人工少一半既工
寧願自己更努力工作搵多d
我家用又唔使俾
不知幾幸福呀
5個讚
咁都應該會嘈交 
同個陣熱戀期都想糖黐豆唔想去旅行。
佢係被迫熱愛工作。
佢都會想去旅行，但佢睇錢重要過我。我係個啲shut up and take my money
1個讚
我媽當時可能都係八卦問下，但我自己諗多咗然後有hard feeling，平時我媽都對我好好既。
1個讚
其實都係有價值觀問題，所以我都有小小擔心之後都再會有類似發生。
啱啱結婚幾個月 所以覺得唔慣。想結婚個個係我，但結咗婚仲好似無咁自由。
唔係唔好，不過自己去玩可以任性啲，行街都行夜啲，生完就仔女行先，心態上有啲唔同。
2個讚
乘未有bb，應該去多啲旅行。
不過要同老公有共識。
尤其你同奶奶住，奶奶會唔會俾說話你老公聽？
我覺得擔心多左，初初結婚可能佢心底裹有全盤計劃點樣令頭家更好而緊張。好多時男人係咁。
坦白講，由四次改三次亦唔過份，証明佢都係一個合理既人。新婚要磨合，適當讓步可以更幸福。
祝你新婚愉快!
1個讚
奶奶只係知道兩個trip, 我都係去前先通知佢，下年年尾個啲無同佢講。因為我去都唔洗佢approve。
奶奶應該就唔會有說話既，我同啊媽去，佢都無理由叫我唔好陪啊媽咁話。
1個讚
疫情前每兩個月帶細路去一次旅行
1個讚
如果以你呢個case，男女身分調轉，結論一定好唔同
10個讚
咁你奶奶都好好。
1個讚
係大家價值觀唔同，一個覺得活在當下，一個鐘意先苦後甜。
我自己平時勁慳，但好捨得洗錢去旅行。疫情停飛左3年，而家開番去多少少開心下我覺得好ok。
或者同你老公傾下，之後要備孕>大肚>湊初生bb ，未來幾年想去都冇得去得密。
而且認真，生b前同生b後去既旅行完全係2種玩法。經濟冇乜問題的話，生b前最多咪都係玩多幾次，有限錢姐。錢之後慢慢再儲囉反正有手有腳有工番。
你新婚啫，俾時間大家調整一下，趁問題未滾大，咪早啲拎出嚟傾下。
有時唔係一定要調到一模一樣，而係你明白咗佢價值觀係點，就可以試下從對方角度諗，睇下自己有冇位可以令大家舒服。
我有啲朋友，結咗婚，仍然想keep住以前拍拖時嘅自己，投訴以前自己可以點點點，但好老實，當兩個人一齊生活，就一定有啲嘢要有共識咁去改變，要學習以"我們‘’為單位。
3個讚
係呀，宜家都慢慢磨合緊，但有時都會覺得老公好煩
都會再傾下，試吓水溫先
蒙嘉慧唔似大花筒果隻
1個讚