一年去幾多次旅行

我啱啱結婚幾個月,未有小朋友,黎緊我每三個月去一個旅行(去一星期), 暫時plan左四個trip ,有一個trip同老公,其他trip係同啊媽去既,因為老公返工唔得閒。

老公話我去太多旅行未玩夠。老公覺得結咗婚應該大家一齊儲多啲錢為未來生活

(有兩個trip係asiamiles換機票同去旅行都係自己錢,平時屋企開支都係老公出,但我同奶奶住其實無咩開支)

我同老公各自有一個單位放租但無自己住,黎緊我哋有搬出去既計劃但無時間表,老公覺得如果我哋要搬出去就要儲多啲錢,但我私心覺得老公有一部分係癡身唔想我自己去玩)

老公都講得有道理但我都係好想去旅行! :dotted_line_face:有同老公嘈左一嘈,想知咁樣叫唔叫去得多旅行,又算唔算未玩夠呢

咁你未結婚之前係咪咁? 如果因為結左婚連旅行都無得去咪衰過做女果陣? 你問我我覺得唔多, 如果你用自己錢無乜問題。仲有疫情都困左幾年, 你好好地同老公講下係補返之前幾年無得去 , 我都嫁左比你無得陪阿媽, 幾個月陪佢去一次旅行當盡下孝心陪下佢唔係咁都唔得下嘛

你老公可能覺得得佢一個出家庭開支捱騾仔, 你就風流快活, 我諗你都要爭加自己PRODUCTIVITY, 呢個世界唔係真係咁多男人肯"養老婆", 特別係你又唔駛湊仔, 家事又可能奶奶做多, 真係搵你返嚟做大少奶咩

睇你收入,如果收入幾高(多過5萬),我覺得ok

如果得一兩萬,我覺得4次就太多

雖然你地各有收租樓,但遲啲一加息,預個buffer會安全啲

再加上,你老公俾晒所有家用,佢都希望你對頭家有啲表示,而唔係得佢一個死慳死抵(我咁assume啦)

我未結婚個陣都係咁架,但個陣未同老公一齊,之前可以咁去旅行都係三年前啦。我都係咁同老公講,其實佢就阻唔到我去既,但都想諗吓做左老婆係咪都要為下屋企諗。

我其實之前人工高過我老公同都係專業類工作,但係結咗婚我就就返啲輕鬆啲既工,佢都係唔想我ot所以鐘意我呢份工多啲。但我錢都夠自給自足。

我會減一個trip,當俾面佢,廢事佢煩住影響我心情

呢樣就一定, 你仲要用99一齊住, 就算你老公唔講佢都有說話聽
仲有佢係咪想生仔先組織家庭, 你地新婚大家傾好"合理期望"好D, 係要有D蝕合期

未結婚前六萬,結婚後搵左輕鬆工就三萬,再多一萬收租但要供樓。
你講得啱,老公俾家用(但其實佢都係俾奶奶)同佢覺得我哋宜家住奶奶度可以儲多啲錢,佢話我一有錢就係諗點去玩。我其實都明既,但係心態仲未改到同都好似樓上咁講,做女個陣仲爽,想去邊就去邊。

佢就係叫我減一個!但我都仲諗緊 :roll_eyes:

洗錢 唔代表我唔儲錢 一個月定咗儲幾多 有剩咪洗囉 有咩問題 :woman_shrugging:

1個讚

我同我媽去,奶奶應該都無得講咩既。我老公就無急住組織家庭但奶奶想,宜家都真係磨合期緊 :laughing:

我就係諗我有兩張機票都係換既,唔會洗好多,但的而且確我係唔算儲得多,因為供樓雜費都多。我有講話再下年去小啲,但佢死叫我cut一個trip. 我唔去又要諗原因同我媽講。

你自己一個去囉。我啱啱結婚嗰年都自己去咗三次,到之後再去都已經係十年後去過一次,後來又疫情,又三年都無去過。
我都係支持留多啲錢喺身邊。

如果同奶奶住,咁又真係要諗下頭家嘅:sweat_smile:始終結咗婚,身份真係唔同咗,真係要好好傾下大家嘅洗錢計劃。
我會cut一個媽媽trip,但剩返嗰兩個媽媽trip會長啲日數:joy:(如果公司許可),叫做接受咗佢意見,讓咗步。

又或者你有你同媽媽去,你都叫佢同奶奶去:rofl:大家各自出門:rofl:

1個讚

我宜家有人同我去啊,係老公唔想我去咁多。我都想儲錢既

有兩個媽媽trip已經book左,都係一星期,仲有一個係抽獎個啲免費機票,未book啊。宜家睇下會唔會其實book唔到,當個天叫我唔去 :laughing:
我老公成家人愛返工架,佢哋做生意唔會放假去旅行。再加上我老公一定唔想同奶奶去 :laughing:

我又覺得唔好為左一個旅行同老公傷和氣,我諗你媽媽都唔想你為左同佢去旅行同老公嘈掛。
或者將第3個trip轉做喺香港staycation? 玩2日1夜,老公應該唔會再嘈 :rofl:

1個讚

我又覺得應該唔係睇收入,而係睇每次去旅行嘅支出, 如果每次去旅行都係使幾萬嘅,一年四次就變咗十幾廿萬嘅支出。

平時冇乜支出,樓主又自己揾自己洗,我覺得去多少少旅行冇乜問題,我後悔自己生b前去得太少tim!係2回事!

同老公傾下每月想儲幾錢,扣起target 既數淨低既錢點洗大家都唔好過問。

你有咁多假期係好嘅

1個讚

生B 前去多啲,生完之後既旅行變晒親子遊。