以前後生唔想湊仔, 想揀大過自己; 剛剛聽到朋友搵個年下男友(細十幾年)又覺得其實都幾好, 大家都唔介意咪得, 起碼叫開心過
最大差 16年，最細差 8年。
大部份上下差 3年內，其餘差 6年內。
同年未試過。
大自己比較多的，會好難維持，終日擔心美人白頭，妒忌心使愛情都枯萎了。
年紀細的，相對依賴性強及黏身。
睇個人性格，喜歡照顧人的會好合適，所以太太就係最細果個，哈。
3個讚
年齡唔係重點，心智成熟先重要，
唔識自己照顧自己，幾多歲都一樣咁麻煩。
9個讚
睇吓你係短炒定係長揸。
短期關係，開心便好。
長期到白頭到老，咁你睇吓法律超人和白姐姐，就算係美魔女，或者係身體好 fit 嘅叔叔，都會有老嘅一日，一過 70 就 drop 得快過呢幾日嘅恒指。 差廿年… 有啲人 50 歲睇來似 30歲，去搵個真係 30歲嘅伴侶係 OK, 但過多 30年，一個就 80 歲，可能都行動不便，而你自己係 60 歲，身體好嘅只係初老，仲有廿年行動自如。年紀相差咁大，就要問自己係唔係真愛，無論佢以後佢老成點都好，你都唔會後悔。
5個讚
好細個已經對同年齡無好感，even大兩三年，都覺得佢地好唔成熟咁……所以未試過校園戀愛
出黎做野最大試過大我9年，經濟狀況生活經驗係會有多啲安全感比到我，但一講到內心，都係大細路一名，byebye!
而家老公大我4年，心境非常成熟，幾好。
1個讚
我細佬揾咗個大佢成18年嘅「女友」
我老豆老母日望夜望佢哋拿拿臨分手
不過我一向都唔鐘意細過自己嘅男人，學樓上講，短揸玩吓或者得，長期咪攪。同埋我覺得「姐弟戀」係年紀相差5年內，超過5年我一律稱「母子戀」（我個人較老土）
即係廿歲仔溝到心零姐姐，到細佬男人三十一支花時，佢就後悔啦。
咁啱我聽到果個係大個男仔17年, 女方都掙扎左好耐, 我覺得及時行樂啦, 又唔係飛左自己果件去湊Dee Dee, 本身都DRY緊點解唔試下喎, 簡直係婦女之光~
2個讚
我唔鐘意細過自己
女大男5年已經好盡
1個讚
Agree
我細佬30呀 嗰個絕對唔係芯齡姐姐
係白姐姐 
2個讚
我成日話嗰個女人好命都湊緊孫了。
不過，可能人哋都係玩吓啦。
都就來停經囉，唔通真係貪中出唔會有 BB?
你細佬食得落應該都唔係太差，47 歲左右都有好多 keep 得好好，例如蛇C曼，瑋哥，但呢啲女都係留返俾 50幾歲嘅男人再婚先叫做有將來。
1個讚
咁就社會壓力會好大。
果時我先 20歲，雖然對方保養得好好，離過婚無細路。
但差了 16年，點睇都係姐弟戀，都時有說話。
佢既朋友問佢係咪當同鴨仔玩，介紹埋比佢地一齊玩得唔得。
我既朋友就話我做咩愈來愈濫。
無人當我地認真，到後來我地自己都發現認真都彌補唔到現實面對既問題，愛情唔係大晒的。
佢女朋友都就嚟收經
係，年齡呢樣嘢係好現實。
所以我父母無出手，靜待佢哋分手。
如果唔分，咪真愛囉。
咁呢啲質素嘅「姐姐」就唔會受我細佬玩
所以我老豆係好唔開心，因為佢好想抱孫。
早排睇左套陸劇<<理智派生活>> (就係講同年下男拍拖同職場), 都有D金句:
- 人生當中能夠相遇、相伴著一起走過一段，已經是很幸福的事了。好好珍惜當下就好。
- 只有真正成熟自信的男人，才會欣賞能幹的女人。
- 上半場是激情，下半場是親情，中間穿插的是婚外情。