今年年中接獲一名51歲秘書公司女董事報案，指某日突然收到一個交友邀請，從照片上看是一名年約30歲的「俊俏」中國男子，事主當晚接受了對方的邀請並成為朋友，跌入對方圈套。
張文瀚引述受害人表示，俊男稱擅長投資虛擬貨幣，對事主無所不談、關懷備至，從言談間得知她單身，隨即提出交往，並迅速成為網上情侶，但雙方從未見面或進行視像通話。
該名男子自稱熟悉投資，並向事主推介一個網上虛擬貨幣投資平台，聲稱可致富，又教導事主使用平台購買泰達幣。初時事主個人戶口有收到投資回報，故不虞有詐加大投資金額，並在4個月內投資1,600萬元。事主的平台戶口雖顯示獲利，但欲提款時卻遭客服告之戶口有海外非法資金流入，需繳付兩萬泰達幣解封才能解凍，事主方知已受騙。
女董事理智去咗邊…? 細你廿年, 靚樣… 憑咩要同你網戀呢… 1600萬叫鴨有排食, 仲要唔傷心…
真係橋唔怕舊
長呃長有
男人衰鹹濕，女人衰寂寞。
包養明星仔都得啦
秘書公司係乜東東?
Wechat 好多呢啲人，我都試過有條「女」, profile 相幾靚，仲要有一兩張相 post 在朋友圈增加真實感，一來就 Hi Mature man. 我都知道有問題，叔叔同你過兩招先。
佢話自己係星加波人，開時裝店，不過生意唔好摺左，現在休息一下，學下整蛋糕，遲啲開餅店，又話佢住得我好近，講埋屋苑個名，我就回佢，咁嘅經濟仲做零售，死鳩緊！你都幾有財力，你住嗰度成兩萬元租一個月，仲可以休息，開餅店至少都要 幾十萬資金，但又唔係自己本行，喂 你邊間大學畢業？佢話 NTU, NTU 畢業來香港整蛋糕，浪費人才喎…
之後佢 feel 到我玩緊佢，發我脾氣，話咁唔信任點做朋友, 就 unfriend 左我，我再用另一個電話 scan 佢 profile , 又換咗相。
寂寞是幫兇，真係無錯…
Company Secretarial Services
法律面前，無人平等
騙案面前，人人平等
正常同社會有接觸都應該睇過下新聞，見過依啲案例，我反而覺得依啲人係太聰明…聰明到覺得自己唔會似其他人咁蠢，覺得新聞嗰啲係被呃，自己係堅越到真愛
真~聰明反被聰明誤
以前有個小學同學
成日覺得自己好醒
會講"我先唔會咁笨呀"
點知大個左就俾人昆佢做model 要買套票做facial 
都係嘅, 諗住自己見人多過你食飯咁… 點會比人呃…
我遇過一個大集團女高層50+… 拍過拖, 未結婚, 有一次event, 一班人(包括女高層) 圍埋傾吓公事, 有一個算係高大嘅男士隨手遞盒糖出嚟, 第一個問佢食唔食, 我係女高層眼中見到心晒… 然後, 佢攞咗一粒say thanks… 其實個男人係逐個問食唔食… 成個event, 個女高層見到位男士就姣屎ton ton…如果當刻個男人要呃佢, 我信真係咩都呃得…
香港人真係好有錢
依家真係勁多騙案，防人之心都多左
其實女人好慘，一過30如果甩拖係好難搵另一半，我朋友都係咁，佢大企業中層ok靚女，拍拖十年被分手，收拾下心情，搵下等下就快40，個心愈來愈急，愈急就愈易瀨嘢。
終於就瀨左嘢，但我真係好明白，佢實在係太寂寞了。
仲要唔係無知婦孺嘅女人
40路，50路，未婚/失婚，呢啲客最難攪，但一上手就路路通。
我以前出差星加波，有件 50路失婚女老闆，當年我都係 30尾，但有張計聰咁嘅身型，胸肌識猜15/20, 佢係我嘅代理商，真係晚晚都陪我食飯，揸車 sightseeing (好彩唔係西 seeing) , 問我夠唔夠錢洗，比左 200 波幣我話俾我買嘢食，臨上機返香港仲有禮物。 係我衰嘅! 我食飯好多嘢講，落雨又識開遮護住佢，我睇得出佢好開心，如果我有心，真係不用再努力了。
另外一次搵左另一個肥佬過去， 就無咁多嘢，formally 食個 business lunch 算數。
但有千六萬都好叻
師兄如果係肯將就, 人生就不一樣lol
該主題在最後一個回覆創建後90天后自動關閉。不再允許新的回覆。