係我姪仔，老師話要出去揾治療。其實之前有跟開威院，但疫情後中斷咗。不過就算繼續，聽佢媽咪講都話只係半年先一次，一次得15分鐘，根本無用
小朋友而家外出唔係好敢同其他小朋友講嘢，因為發現人哋聽唔明。我覺得都真係要認真處理吓，奈何佢媽媽唔係本地人，唔知點求助，所以我上嚟問
有啲咩機構可以幫到手？如果想繼續返政府嘅治療，可以點reopen? 私家又唔知貴唔貴，有冇d咩介紹呢？
1個讚
要快啲去搵言語治療師，3-5歲係治療黃金期，上下網搵下啲資料，同埋係屋企都要糾正佢講嘢，我個女講嘢都唔正，3歲時佢講嘢都係要人估估下，之後再同佢見言語治療師，話佢擲界，上咗半年有多，係有進步，但係要成日糾正佢啲音，用誇張嘅口形教佢，好似我個女講今日個今字，成日唔合口，變咗更日，所以要多啲留意
1個讚
揾學校社工幫手先？睇下有冇得排住到校服務？5歲咁大有位應該優先d卦
有錢
搵私人言語治療師
但真係可以好貴
無咁有錢
搵學校寫信快排CAC評估
但其實到6歲就無O位I位了
咩係CAC?
O 位 1位又係咩？
到校服務？
媽媽唔係本地人，咁係咪廣東話唔正？
我有親戚就係咁，小一二時講嘢仲係好鄉下音，學校個時有跟進。而家已二十歲啦完全無問題。
我自己小朋友就搵step,$990/55分鐘。仲有間係觀塘都有社工推介，你如果近觀塘嘅我再搵下contact
係呀，媽媽非本地人，疫情又無得社交返學好大影響。但佢唔係鄉音，係有d音發唔到
方便嘅話麻煩比個聯絡我吖，感謝你
每堂成千都好金！政府有冇得幫輕下？
無，因為我女4歲見完健康院話唔嚴重，叫我地自己同佢練就close左我地file. 到5歲我地覺得唔對路，就拿拿臨搵協康，點知協康要排成半年（疫情關係），仲要都係$900/堂。所以社工就介紹左step, 佢話近最緊要，而且step都出名。
好好彩，我女只需要隔星期上，只上左4堂就搞掂啦。當然有啲音我地都要提佢，但而家6歲好左好多。
2個讚
1個讚
Thanks a lot !
Li間開咗都好多年，佢對低收入或者經濟困難嘅家庭會收到平啲
D治療師都幾有心
cac即係兒童智能評估中心，按住址分派你去返服務該區嘅中心
O位即係到校服務
I位即係兼收服務，部份幼兒學校先有，有個兼收老師喺學校跟進，都有3T
不過o位定I位都要有p no先可以排服務
O位（到校服務）及E位（早期訓練）通常係最熱門又次數較多既選擇，係社署資助位。以前有醫院跟就唔合資格，如果醫院已經斷左，可以問下學校社工可唔可以幫手排/介紹下去邊揾人幫手排。除左CAC(child assessment centre), 社工同兒科醫生都係合資格人士寫轉介排E/O位。如果學校社工排唔到，可以揾睇開既兒科醫生睇下寫唔寫到。排得CAC再排O位/E位，都驚佢升左小學啦。如果醫生/社工要評估報告先寫到，就揾個私人言語治療師做左評估先啦。不過新學年剛開始，各大中心都收左堆新生，可能唔係咁易排到。
順帶一提，係咪報緊小學？各資助/官小都有駐校言語治療師/校本言語服務計劃。因為校本，反而唔使轉介易d有服務。如果有機會索到料，學校的言語治療服務可以係親戚揀學校的考慮因素之一。
CAC即係政府嗰啲兒童智力體能評估中心
通常係健康院/幼稚園轉介
但等嘅時間以一年計
通常家長想快都自己出去搵機構做全面評估
6500-10000不等
但好快可以拎報告去排社署嘅唔同服務
I位（兼收位）
即係主流幼稚園有讀過特殊幼兒課程嘅i位老師跟進與訓練，每月言語治療師1次/2次到訪上堂， 3個月1次職業及物理治療師上堂。有兼收位既幼稚園，按學校規模有6-18個i位，分佈N-k3班內
好處係幼稚園上課+訓練。
E位(早期)即係早期教育訓練，
係NGO早期訓練中心上堂，有特殊老師，言語ST，職業OT及物理PT(即3T)治療師，按小朋友情況俾個別或小組訓練。因為要去早期中心上堂，每星期要專人湊出湊入，夾不到放學時間去上堂，就要同主流幼稚園請假，如果上唔到堂，不會補堂。
O位（到校服務）， 2015產物，
為2歲至6歲 (2-6) 為以下正就讀於參與計劃的幼稚園╱幼稚園暨幼兒中心的輕度殘疾幼兒提供到校的個別及小組康復訓練，並配合以設有康復設施的中心訓練，為教師及幼兒工作員提供少量到校専業諮詢服務和示範丶講座 / 工作坊 / 硏討會，為家長 / 照顧者提供講座/工作坊/硏討會，呢項服務除了幼稚園暨幼兒中心的收費外，沒有額外費用。在輪候O位期間，3歲以下的申請人會同時輪候早期教育及訓練中心的過渡服務 (Tran-E位)，除非申請人表示不願接受此項種服務。
S位即特殊位，全日制學校，
有齊駐校3T&護士，訓練更密集，適合障礙中度至嚴重既小朋友，人手&資源豐富。
(注﹕所有I位、S位、E位及O位的介入效果因應相應機構的宗旨、工作人員的實踐經驗而成正比。)
1個讚
Thanks! P no 要如何獲取？
好清楚，謝謝你
請問做完評估之後，交比邊個機構安排？
佢學校無幫佢，明知佢單親都淨係叫佢自己出去攪，完全無講要評估同之後嘅步驟
係，報小學中，已入表大抽獎。點可以知邊間學校有呢啲支援？
唔該晒你