千絲萬縷，唔知從何說起
簡單來講，長期比佢極度偏心嘅對待，予取予求，屎就我食，錢又我比，好嘢永遠無我份。長期被情感勒索，累了，家中無人支持，只會覺得我麻煩、攪事、不為大局設想。每次嘈交都要我屈服，為的就是大局。我的喜惡呢？誰真的重視？我視這種為精神暴力，等同虐待
多年前開始維持少見面的關係，關係無變好，只係受虐機會減低。最近因環境改變，見多咗，又被虐了。我不想再歷史重演，我選擇不見面，卻又被人責怪我無盡力照顧
假如你是我，你會害怕將來自己會後悔而不斷忍受，還是認為到死那天都能堅持自己今天的想法？
我實在累了，我不想再忍。我只想要一段正常母女關係，或者只是一段普通朋友甚至鄰居只討論天氣的關係，可以嗎？
咁佢偏心邊個？
你個性係咪好就得人、逆來順受 
重男輕女
本身唔係順德人，但從少被控制慣了，根本不知被控制得過份。對方就是要百分百控制，要愚孝，不接受互相尊重這一套
緣盡咪算
我好記得 桃姐 入面有一幕，個老人家有乜事都係搵個女，但就所有好野都留俾個仔，仲要個女得閒多啲照顧個仔（其實唔係好記得係咪桃姐套戲，但就對哩一幕好深印象）
因為我媽媽都係咁，唔係話佢唔錫我，但有乜事就淨係識搵我，叫佢搵阿哥，佢就話阿哥蠢靠唔住，但有乜好野就會第一個諗咗阿哥先，明明個阿哥hurt 佢hurt 得好深，佢成日會係我面前埋怨。
明明佢唔會咁樣要求阿哥做，但乜都會道德綁架要我做⋯唉
所以樓主，做你哩刻想做嘅野啦，想走遠啲就走遠啲，你話如果怕將來後悔，咪到時再睇睇佢，想對佢好先對佢好，最緊要係忍住自己個心唔好去同佢個仔比較。
唔好委屈自己，唔想見就唔見
謝謝你。比較已經麻木了，佢對個仔點我都無所謂，我只係想佢對我客客氣氣就得，唔使對我特別好
多謝你支持我
同意，我最有資格講，因為我已經12年冇見我媽了。
其實到今日我哋互相都仲好關心對方，但有啲嘢我真係接受唔到（原因都係佢個仔），唔接觸係對我家庭最好嘅解決方法，係呢個位我係不孝的，但我冇後悔過，揀多一次的話，我會早啲唔見添。
唔怕你笑，我EQ算高的，當年都真係痛苦到自殺過，有好多家事，外人係冇辦法明白有幾咁無奈痛苦難受。
希望你情況冇我咁差，老人家嘅嘢，當佢小朋友就到就就，就唔到就唔好理佢了，反正唔同住，家用俾足就夠。
一樣。呢廿年裡面，我只係老豆死見過我哥。
好大原因係阿媽做成。連阿媽都少見，傾電話算。
有啲親人，都要保持距離先可 keep到關係
之前另一post講咗：無論親人好朋友好其他人好，傷害到自己嘅就要遠離，人生苦短，唔好將時間放喺唔值得嘅人身上
啱呀
有時越珍惜越要保持距離，走埋一齊只會互相傷害
妳改變吾到佢地對妳好， 不如妳改變自己對佢地吾好。 妳夠膽就同晒佢地講我最衰最壞，吾理佢地一排。 妳就慢慢適應無佢地妳都可以好好生活
做乜都會有人講, 過到自己就OK
完全明白，我家人也是這樣， 這裏很多人也有相似經歷. You’re not alone
你成年獨立未？ 如果我係你，經濟上獨立生活到，我會疏遠。 將來仲有好耐日子，將來想繼續疏遠定係點就將來再算。
有些關係唔係我哋想就會有。 改變唔到對方，但可以改變自己想法，減低相害。 冇人係重要得過自己嘅。你做得啱定唔啱，過到自己就得。 別人對你嘅評價，只要你唔介意，就係nothing
你會唔會怕自己有一日後悔呢
其他家庭成員有冇比壓力你
你母親冇改變，你係唔會有正常母女關係的
你做咩佢哋都會搵藉口黎話你
唔關你做得好定唔好！
我認為你應該過自己舒服、開心既生活
唔好比佢哋三言兩語影響你
我不孝？係啊，隨便你喜歡點講就點講
有啲野天知地知，你知我知
成咗好多年，我其實可以係家中最有權話事果個，因為好多嘢我d兄弟姊妹唔識，家用又比得多，但我唔係中意話事嘅人，覺得大家要有商有量。加上比佢控制慣，就慣佢，所以通常都以佢喜惡做決定
d朋友成日叫我停家用，就算之前試過關係更差我無打算咁做，因為咁就變咗我唔著，我唔想有痛腳比人捉
好感動，你講中晒我想講嘅嘢
過去我經常委曲求全，為嘅係希望大家開心，結果就變咗我好唔開心。日子耐咗，大家對我嘅委曲求全變得理所當然，好似唔忍就係我攪事我不孝咁。就算我家姐算係最理解我都好，只要攪到佢，佢就唔顧念是非黑白，淨係怪責我。到事情臨到佢面前，佢就識發癲。針永遠都係唔拮到肉唔知痛
你會唔會怕自己有一日後悔呢？
後悔都會咁做
我相信呢個係立即，最快，解決痛苦關係嘅方法。
Anyway家用就點都唔停得
我相信人就點都會有私心，其他人用不孝之類嚟話你，其實係怕你走咗去/唔理，佢哋要全部負責、攬上身啫。
到底啲人講說話係為自己私心定想件事好，我諗你會分到，所以呢啲意見唔需要太上心。