終於可以去NHS登記咗, 睇好多朋友的指引, 有啲話登記咗就咩都唔使做, 只需要等醫療中心聯絡你, 安排檢查和醫療跟進, 但亦有啲朋友話一定要自己打電話去要求見醫生傾身體情況, 所以都幾混亂. 因為是長期病患者, 來英一個月有多, 實在有需要見醫生安排開藥等跟進嘅事情, 唔知要等幾耐先可以主動去搵醫生? 朋友們可唔可以分享下心得呢?
其實每間GP做法都吾一樣， 你不如上返GP website, 或打去GP講你既情況， 睇下佢點樣幫你
要主動打電話約appointment ，否則冇人會理你
我無主動再揾，但其實我係長期病患者，有好幾個問題要followup…
之後收到婦科檢查嘅信，叫我聯絡診所約時間，如果有其他concerns，可主動同職員講，俾個長d時間嘅appt
但我都係未揾佢地…
咁你打算點做呀? 我喺唔見醫生唔得喎, 所以都可能要主動打去先得嘞.
General check up nhs係咪都寄信俾你，但你本身嘅長期病，藥個d你要自己打去約時間，否則gp係唔會自動follow up
係咪cervical screening? 人人都收到的
你有長期病患要主動聯絡GP
你年紀大又有需要，直接去問GP啦
間間GP做法都唔同
唔好等，排期都要排一輪
我都勸你打個電話去問吓先，我全家8月一齊填online form ，幾日之後得我細仔有email話真係收到搞掂，過多幾個星期我哋打電話去問，對方話冇我哋record，叫我哋再填多次online form，佢仲話正常嚟講，收到Application 之後一兩日會聯絡我哋。但我哋上網填咗第二次之後隔咗幾日都仲係冇消息，於是我哋親身去clinic 問，check咗都係冇記錄，結果姑娘俾咗幾份紙本申請表叫我哋返屋企填，而家搞點咗啦，會收到一封信confirm，上面有我NHS number。因為我同老公都係老嘢，已經咗見姑娘同抽血。
呢度睇醫生，唔急既都要等2星期，你就知佢哋係幾咁忙，如果有需要，唔好等，自己主動聯絡GP
我係會揾GP，但要就d仔 term break 後
我地就係上網搵返揀左嘅gp，再去佢個網站登記填返啲病歷等等，登記好晒過左一陣就收到sms約時間去見姑娘。
但我同老公見完姑娘就冇嘢要跟進，老人家就有收到sms話見醫生。不過其中一位就仲未等到醫生約時間開藥 
我地都係諗住差唔多食晒啲藥就約gp 睇再去開藥開藥，所以如果你係有藥食開，就最好直接約gp 話比佢地知你就快冇藥，通常都應該好快比時間你去見醫生！
我就係去reception make appointment, 跟住比個期你去約見醫生。
即係直接踩上去，冇响網上book?
本身我網上book的，網上問你咩原因要book, 好多關於你自己的身體狀況問題，答哂book喇，之後我就收到一個sms話佢地不接受網診，要去reception 登記，那我就show個sms比佢睇，然後佢就幫我book到兩日後可以睇喇
除非係routine 全部人都會有嘅嘢，例如打針，照腸（50以上）果類，否則唔會主動揾你，就算上報咗病歷你都要自己再約見醫生