政府今日(19日)表示，為帶領香港向前發展，需要「能做事、做成事」的政府，公務員作為政府的骨幹更是關鍵。政府會強化公務員管理，措施包括強化賞罰制度，推出「行政長官表揚榜」獎勵計劃，由明年起定期公開表揚優秀並具示範作用的團隊或人員，激勵公務員不斷求進。政府亦會識別具潛質、表現出色的人員，加以培訓和提拔；如有表現欠佳的人員經督導和輔助後仍沒有改善，應及時終止聘用，另會優化公務員紀律機制，按公平、公正原則及早懲處違紀人員
另外，當局會更新《公務員守則》，闡明現今公務員應有的基本信念和操守準則。政府強調，公務員要盡忠職守，以民為本，注重團隊精神，敢於擔當，具備維護國家主權、安全和發展利益的意識，履行「愛國者治港」原則。當局也會強化公務員培訓，建立「以結果為目標」的團隊文化，加深公務員對「一國兩制」和當代中國的了解，拓闊他們的國際視野。當局也會優化現行動員機制，增設「全政府動員」級別，預先制定各部門指定人員名單，隨時候命以應對需要大量人手的重大事故，並定期演練，強化應變能力。
係咪要做黨員先可以做公務員？
唔係邊有位入中國人材
咁幾時炒晒啲黑警？
好呀, 又要宣誓無得移民, 又賞罰分明唔係鐵飯碗, 一定好多人想做! 生意好呀!
睇唔順眼可以玩批鬥
公務員一向都有「炒人」嘅機制，
而家又整多嘢出嚟。
40+ 果D 自己睇路啦
夾死25年前入職果D
係人才既怕咩！ 做吾黎咪留返俾其他人才， 香港大把人才想做
無錯，大把人返工唔做野仲要態度差都炒唔到，因為好難炒人，又無人願意做衰人
其實改善現行機制就ok, 根本唔係咩新野，呢家又懶係一件大事咁講。
我一直都覺得公務員係但求hea日子求安穩嘅人好岩做，呵呵～～～～ 而家Hea都無得hea
有啲心涼
點解個個都focus左去會炒人心涼，但個獎勵計劃個獎係點？大條道理出bonus？獎同罰既比例會係點，透唔透明架？
不過聽番黎
因為太多程序
通常都唔會炒
聽過最絕既係為左趕走條友
就會專登寫到你apprasial 好好睇睇send 你去第二個部門
(變相都益左條友)
(利申: 識得已退休公務員)
獎? 識擦, 奶, 埋堆咪有獎囉
人治社會唔難估
之前個D咩紫荊勳章全部都係咁玩, 有板你睇
我到聽過
諗諗下，咁都得
透唔透明咁又點？香港政府一向都係做得越衰就升得越快架啦
如果唔透明，獎多過罰既，呢個policy 對公務員咪仲著數左，我地咪心涼得太早…
獎個part, 呢家黎講，個公務員要好active 投入社內攪活動，向上向下識得多人，要拎嘉許狀、表揚信(無咩水份可言，主要來自市民及合作團體，要講到你真係成功幫到佢地個d先計，普通感謝狀上司唔睇就唔計)，最後睇年紀同睇appracial 成績，會transfer 去局做野，做3年前途好promising.
利申，呢個時勢，有朋友被送去英國名校讀書。佢有上面呢堆野。
炒左係咪冇左長糧？供金積金係咪有得即刻拎返？