林小姐日前趁屋企裝修，遂以消費券，花費6,200元購買一部日立牌三門雪櫃，以更換家中用了20多年的舊雪櫃，購買時她亦即時參加環保署的上門回收廢電計劃，但當新雪櫃送來時，雪櫃右側卻出現小凹痕，她要求電器舖更換，對方約了9月1日上門收走雪櫃。
9月1日當天，一名工人前來說「收雪櫃」，林小姐以為是電器舖的人，遂指住新雪櫃，叫對方拿走，但當時林小姐見到工人搬運時很粗暴，又刮花了廚房門，深感奇怪，她隨即拍下廚房門刮痕，WHATSAPP電器舖投訴，但對方竟指工人未到，林小姐當時才恍然大悟，驚悉收雪櫃的是歐綠保的工人，她即時衝落樓，要求工人由貨車卸下新雪櫃，但對方拒絕：「雪櫃收了就是我們的財物，無可能還給你，我們是政府部門，你搞不到我的!」期間工人更罵她：「死八婆，我一入門口已經聞到草味(大麻)，你是否HIGH大了呀? 」
林小姐深感受辱，即時報警，但工人竟駛車離開，林小姐不憤新雪櫃被奪，遂追前，剛巧貨車正遇著紅燈，林小姐遂站在斑馬線以身擋車，雙方僵持約10分鐘，但貨車最終也扭軚離開，林小姐感到非常憤怒：「他根本是搶，我用性命去維護自己的財產， 他都開車走，是罔顧我的安全!」
警方到場後，根據林小姐拍下貨車留下的電話號碼，成功叫工人折返，並歸還雪櫃，但已經面木全非，門面玻璃全爆裂，更穿左兩個大洞，林小姐指：「正常鋼化玻璃不會爆成這樣，一定是被人蓄意扑爛，這樣做猶如黑社會! 」
同時，工人仍堅持收走家中的舊雪櫃，林小姐無力再爭拗，遂讓他收走，而自己則暫時使用爛了的新雪櫃，但她發現，雪櫃問題多多，例如櫃門關不上、內籠不夠凍、滲水、電線外露等。
林小姐已向歐綠保和環保署投訴，她批評事件源於歐綠保上門前並無打電話給她預約，而職員上門亦無穿制服、展示證件，令她誤以為是電器舖人員，她要求歐綠保賠償一部新雪櫃和一道廚房門，最終經過一個多月的追討，至近日才獲賠合共9,000多元。
https://channelchk.com/專題報道/奇聞-回收商收走新雪櫃-事主艱苦追回一睇-超崩潰-
其實，2邊都有問題
明知自己新舊雪櫃都要收，咁你唔問下乜水收邊個雪櫃？！
工人又係，搞錯左咪比返佢囉，點解堅持拎走?
我都收過一次雪櫃，好好禮貌架喎！
黎前又打比我，我話推出去比佢，佢哋都話唔洗！
4個讚
老實講，事主林小姐責任最大，係佢無要求搬運工人出示身份證明，亦無問清楚身份就開門俾人入屋，而且雪櫃都係佢自己指示工人搬走。
由於回收商無回應，其他野/過程只係事主單一證辭，唔評論
4個讚
我估因為括花左度門，事主態度唔多好，收貨嘅咪玩嘢，又係你話呢部，一路拎你一路煩，上左車你又話唔係呢部要我換返嗰部，真係彩你都傻。
1個讚
以我所知, 係銷售方或者自己約日子上去指定地子回收的
我回收過, 有收過電話通知, 個別事件就唔知
但日子就肯定有人約佢地先會上黎
我覺得標題唔公道, 回收商收走果個新雪櫃係女事主叫佢收走嘅, 女事主如果唔係自己蝦碌唔問清楚根本無呢件事發生, 自己做錯事 (無論任何事) 然後要艱苦補救係時有發生之事
根本女事主一心一意仆喺新雪櫃上面 (嚟收果個鬼知你有兩個雪櫃咩?!) , 先入為主覺得係人上嚟都係處理新雪櫃 (同<<人有亡斧者>>一樣)
不過收果個師傅係玩嘢都有可能, 同時女事主當時係咩態度呢? 報導無講但就好似刻意令人同情女事主咁
2個讚
睇埋條片，個事主講到自己無責任咁，係你自己指明收邊部雪櫃，搬運工人點會理部機新定舊款，你話果部就搬果部。括花門仲白痴，你唔即時睇實阻止，事後你話爆埋水喉都得。。。
1個讚
非常贊成!
回收師傅固然係態度差劣，發現收錯都唔換返
但佢又點估到你有兩個雪櫃要收
觀乎女事主處理手法，平日都好可能係一名西客，對住師傅都唔會特別好態度
2個讚
搵過呢間嚟回收，好好架喎好有交帶
同埋佢收走時係有張單俾我，唔係好似佢咁講收走就算
個事主會唔會有嘢隱瞞
1個讚
題外話，雪櫃搬完入屋，最好靜止一個鐘以上，等壓縮機潤滑油全部流返入去，先插電開機
2個讚
呢個有D奇，收機既唔怕摸門釘？我唔信冇約囉~
估計司機講左句「收雪櫃」就覺得係表明左身份囉，你當然可以話佢冇講公司名，冇話「回收」雪櫃，不過放人入屋果位既責任似乎大好多
你覺得有新舊分別唔代表人地都覺得有，已經開口問左你，你指示左果部就係果部
係既應該唔好俾佢出門口放佢走
人地收機就係搬一次，你指示錯誤，想人地搬2次，比著我都唔會理你，我只會重覆問一句: 頭先係咪你指示我搬呢部？係就得喇！
呢個唔知喇，大家都冇見佢點搬上車
我印象中呢間野嘅人會著制服？同埋會開單寫收左啲乜野。
如果打過電話聯絡過事主上門回收，實有電話記錄，咪睇下間回收商可唔可以拎出黎點澄清，如果女事主有講大話可以告佢誹謗。
我有收過洗衣機，係個老人家上黎收，又係態度超差，要求我地自已搬出黎俾佢。
個雪櫃禁大你叫人搬落樓下，
又叫人搬番上去。
人地唔肯搬就話報警。正一西客。
係我就咁放喺條街由佢自己搬上樓。
我都想知、佢叫人搬返上去、有冇講話比返錢人？
冇講人地會搬？
