Revised
長篇大論全部刪除晒，總括一句:
嘔到一地血！
唔好下下用香港人心態睇件事，外國人做法同香港人唔同，無話啱定錯
但佢地文件成日錯，係常態，自己睇緊啲
完全明白因為我係過來人
名都可以串錯幾次
街名錯，人名錯，銀碼錯…
咁無人係聖人，係人就有機會出錯，任何地方，任何人都會出錯，所以你啱呀，任何嘢都要自己睇緊D,
只係講事實，factually 係錯得好厲害，唔係唔體諒，亦唔係咩用香港人心態
你話‘’冇話啱定錯‘’，你想話我哋個心態？ok我明白
但我再講多次，呢度做嘢每件item平均錯三次
事實
事實
事實
我有數據
但唔代表我唔愛英國，ok?
我朋友租樓又係嘔到十幾兩血。
Agent 唔跟野，甩漏，攪錯晒d 野，業主無賴，最後2邊比律師信先攞得返d 錢。
不過真係佢唔好彩。
因為真係有其他agent 業主係好。
我哋租過樓，買過樓，都係一桶血咁嘔，我只可以話，佢哋一生係生活，唔係工作，所以生活最重要，工作做成點冇所謂，唔認真，出錯，係好平常，我冇話佢哋咁樣係錯，只係大家諗法唔同
英國人做嘢真係乜都可以錯，永遠唔 double check。姓名、地址、價錢、日期乜都錯，講一句 Sorry 就解決咗件事咁，完全冇悔意，下次繼續錯
真係好嘔血，嘥好多時間去改返啱份文件
其他佢地係咪唔識用copy and paste，否則點可能錯完又錯
佢哋覺得做錯嘢冇任何後果，一句 Sorry 搞掂，所以唔會認真做，錯到離晒譜。而家收到所有文件要自己 check 一次 
其實等左廿幾日，依然係不停做reference check. 填完一間又一間，俾完又俾文件佢。
我地識個印度人業主，唔明佢點解都要搵AA攪。
so far我都係幸運既，因為慳番airbnb，去到即住間屋半年，只係要D時間適應佢地既節奏。
BTW，呢D真係睇你彩數，有人好似樓上朋友咁要出律師信，我朋友就經openrent隔山租屋，屋主話OK後消失左，朋友等唔切直接打電話俾業主先知佢去左旅行，叫朋友直接過數俾按金，個傻佬又信業主就去轉錢，到步後門口攞匙又安然住左一年~~
去個新地方，只可以隨遇而安，否則真係命都短幾年。
仲要對佢地好客氣，唔話得
明明就係錯到七彩，呻下，就比人話唔好用香港人心態睇件事，又話冇對定錯，呢啲是非癲倒嘅人先令人火滾
硬住頭皮適應緊啦，連人哋錯都唔可以話錯
我想講嘅係，佢地嘅出錯機會比香港高好多
完全同聖人拉唔上邊
根本就唔關香港人心態事
本地人見到錯都要改呀，明明收£10000，份約得£5000 都收貨咩
慢呢啲我還好，錯就係錯架啦
我一睇到佢既回應都O咀。
不過唔想爭執就唔回佢算喇
鬼叫要離鄉別井去人地地方咩，盡量適應人地既習性啦
始終「人鬼殊途」
正如HK人未到中年就諗儲錢退休，佢地覺得冇需要剩錢，老左有政府照顧
咪就係啲移民L囉，移民就乜都要踩香港，乜都要英國好，講一句英國有乜問題都話唔適應英國唔啱