新冠疫情加上政治局勢下，部分港人移居外地，基督教教會都受移民潮影響。宗教刊物《時代論壇》引述教會團體「香港教會更新運動」估算，近兩年大約有6萬個教會會眾移民，佔全港整體聚會會眾約兩成；有小型教會更話，估計流失信眾達到四成。大型教會沙田浸信會嘅主任蘇家輝話，估計過去兩年內有超過1000名教友移民，佔教會信眾約兩成，形容今次影響較1997年移民潮大，去年係流失高峰期。
有估聚會會員少兩成 牧師自己洗廁所
《時代論壇》探討教友流失情況。馬鞍山靈糧堂主任梁榮光牧師話，原本約有400人恒常聚會，但經歷疫情同社會運動後，大約跌到得200人實體參與、50人線上參與，由於有教會牧師同幹事分別移民、辭職，加上負責總務嘅同事又確診，梁牧師連廁所都要自己洗埋。
教友移民都直接影響教會財政同義工人手。沙浸蘇家輝話，雖然部分移民教友繼續會向教會捐獻，但收入始終減少，與此同時兒童事工、敬拜隊等都少咗人，所以留低嘅教友負擔更多，部分活動都縮減規模。
《時代論壇》又指某播道會大型堂會有教會領袖或工作人員移民，部分青年團契或主日學等要合併，有唔肯具名嘅教牧話教會氣氛低落，不時都有教友情緒波動。
順便想清埋教會嗎？
大陸唔知俾唔俾有教會嘅呢
想問下外國教會係咪都有十一奉獻?
我聽過有教會嘅少年小組，過咗個暑假就淨番一個人，因為全部人都去晒外國升學，得1個留晌香港讀大學。
應該有。聖經有提。
比！只要係拜習大既都比
係咪真㗎 
，好想瘋狂裝香俾佢
笑咗！
叫深山佳幫手囉！
認真，2019年後都發現好多傳統教會真心離地，我係基督徒喺香港返開教會都心淡。利伸： 已在英，返英國人教會佢地比好多香港傳統教會更貼地，好清楚同會評論香港的事。
其實教會冇貼地過，自2019到而家，冇打針教友冇得返教會都冇出聲，教會冇人冇錢都咎由自取
利申：教徒
唔只教會，有部分興趣班都係。
事實就算吾移民， 對香港教區教會都好失望
呢間富貴又深藍，一邊講神的義，一邊無視公義。 佢哋今年暑假請暑期工，我個仔都有去做，一個星期返三個半日，咁就4千一個月，做咩呢？ 就係平時義工服務嘅嘢，Summer Camp 去幫手囉，明顯係唔夠人，要出錢先有人做。 2019 年已經走一班，我係其中一個，現在，中老年教友怕病毒唔出去窮區派飯宣道，後生就移民或者去外國讀書，老中青幼都唔夠人，係好大影響。
講黎講去都係$$$
牧師洗廁所都係服務教會、仲要係其他人確診情況下、好意思講出嚟
你知唔知跑馬地天主教單嘢， 你吾捐錢會俾人話坐享其成，特別後生仔女
十一奉獻我都聽過唔少膠事。 有啲話係任何收入，包括股票物業收租人工嘅 10%，有啲話係除稅和日常必要開支後嘅 10%, 啲教牧好醒，硬嘅唔得用軟，點都要有錢落袋。 有少少良知嘅教會會 open 條數俾會友睇，個個月都係負數，幾窮都好，叫會友食少啲玩少啲，一千幾百都殺。
俾唔緊要，當大家夾錢租場食飯，有錢出錢，神都無錢跌落嚟救場，人又想救翻個場唯有自救，但有啲教牧個樣個食相真係好難睇，人性嘅表現，見到啲會友放張金牛入袋，眼神都唔同左，嘴角微微向上，一個貪財相，一邊講神嘅恩典，一邊就係人嘅慾望。
睇得多聖經就知人有幾罪惡，邊個話自己係神嘅代言人係人嘅榜樣，嗰個就係鬼。係一個咁多物質，利益，權力，政治交錯嘅地方開教會，還要在旺區開咁大間，係無可能做到神要做嘅標準，對得住自己良心已經很好。
有教會學校同教牧都用以下金句做校訓或座右銘：
非以役人，乃役於人
但真係有幾多做到？
呢幾年啲傳統精英份子食相難睇到 