工作上, 感情上, 家庭上, 我都算順風順水既人…
兩個細路已經升中, 對我既依賴減少, 金錢上似乎都輕鬆左. (我一早同兩個細路講, 大學既學費, 要佢地自己借錢或賺返黎, 因為我覺得男仔要學識負擔, 將來先懂得持家)
加上工作上我已經覺得去到樽頸位置, 我亦無動力再上…壓力大, 我都4X, 我好希望50歲可以退休 (不過我無幾百萬SAVING 響身…)
其實係咪可以轉下工, 搵少D 錢… 為自己健康同情緒發展做D 著想?
有無過來人分享一下
轉下工都好，
我哋出左身之後，
我媽雖然有番工，
但都係一啲人工低啲，
輕鬆既工。
日日見佢拍抖音。
你可以考慮下。
能夠做到咁，我覺得好叻了。
我兩個仔都讀緊大學，大仔肯返下 part-time 、intern 賺錢，細仔就唔肯了。
大仔用哂返工賺嘅錢買美股，輸鬼哂（由佢斷斷續續嘅漏D 說話估應該係咁），我都無理，雖然我老公就好擔心。佢地無搞D 咩高息借貸就好。
點樣調節仔大女大之後嘅生活，真係人人唔同。
我70後 、好鍾意返工 
，我唔使理D 仔後就好願意OT ， 到10點、11點先返屋企，weekend 就上3、4堂 瑜伽+ facial ，總之又係由朝出外到夜晚。
總之做返D自己鍾意做嘅嘢啦，唔好圍住仔女轉，咁就大家都舒服。
5個讚
如果自己都覺得壓力好大，就轉份輕鬆工，反正經濟壓力將會少啲，咁搵份輕鬆工賺夠自己駛費就ok, 不過唔建議完全唔做野，突然變全職留係屋企，反而會有另一種壓力
你絕對有條件做你想做嘅嘢啦
1個讚
我亦唔否認, 我放唔低而家份高薪工作…雖然日日返工似行邢一樣…
但當我諗起日常生活既玩樂… 我驚搵份輕鬆低收入既工, 我會唔習慣…
當然, 我知道我需要先調節心理.
唔會唔做野, 有諗過創業試下, 但發現原來自己好多野都唔識做, HAHAHAH
如果想，各方面又ok 咪試下，搵份part time 加創業都可以
可考慮呢個問題好幸福呀
樓主！
我最細果件都係準備報nursery 咋
，咁我都有諗下佢返學之後我可以做咩嘅
1個讚
時間好快過
就老d講，睇住佢地學行學走。。好似上星期既事咁。。。。
但其實係真架
絕對係
我讀緊yoga RYT200
好多同學都係你依個case
1個讚
我跟你差唔多，仔去咗英國讀書，女過多兩年都會，去外國讀大學無得借錢，我要至少都要做多6年嘢先可以諗退休。 4x 歲有份人工高嘅工就做落去吧，放工放假就做多啲自己鍾意嘅嘢，反正啲仔大個都有自己 friend, 自己有份好工就唔好自己退，呢個年紀，一退就搵唔返咁高人工，過多幾年，人再老啲，自然有人請你退，到時先算，搵多幾年錢先，反正香港都唔挨得幾耐，未走得或者唔走得嘅人，搵得一元得一元。
6個讚
精神壓力太大，一個更年期既女人好可怕
每星期鬧2，3日，每次2小時起，比佢鬧完浪費晒d時間 ，仲要OT 做完d野
總之鬧到你懷疑人生，但佢又唔會炒你，純粹消磨佢自己時間，不過佢真係係人都鬧並不止我一個
但我自問eq低唔受得氣而我自問盡心盡力問心無愧，響同事下屬眼中係有能力之人，唔明點解要咁樣比人鬧，我呀媽都未試過咁鬧我
錢我夠洗就得 唔諗住發達
因為佢，我被鬧到出現拖延症 假期最後一日直頭訓唔到
我身體上既問題，醫生都話好有可能係壓力造成叫我要學習減壓，但我真係放開唔到。
我唔來再咁落去。。。我驚我有錢無命享
你的工作環境我試過, 真係留不得, 健康無價
如果有個咁嘅變態上司，而你又唔介意收入少左，又唔係家庭支柱，咁辭工休息下都無所謂。
反正都好多人移民，你有料唔怕無人請嘅。
我一定鬧返佢然後掉個信封比佢
我都好明白你，我之前的老闆娘就是這樣的人，工作朝令夕改，同佢老公有咩唔開心，回到公司就找人發洩，我初到公司，見住佢60幾歲女人，駡到一個50幾歲的大男人頭耷耷，真的很無言
之後我做多幾年，因人事變動，我變成經常接觸她的人，也順理成章成為經常被她罵的一員，我開始覺得自己有抑鬱，看世界是灰的，所以為著身體也立即找新工作並辭職了
我知道有些人被駡可以當是工作的一部份，不介意；但有些人不能，所以最緊要你先觀察自己的內心，是否承擔得到現在的工作環境
希望你能找到你想要的彩虹，加油
1個讚
唔好做啦，有咩重要得過健康
2個讚
真係㗎，精神健康比咩都重要，成日被人鬧嘅人自信心都會好低，精神壓力又大
做乜要受埋呢啲氣，揾第二份好過