該名女網民在Dcard討論區以「屯門返觀塘，心情好暴躁」為題發文，指自己最近轉新工，亦很喜歡這份新工作，「返咗幾日都好開心，學到好多嘢」。不過，她指自己居住在屯門，而新工則在觀塘上班，「返9點，但6:30左右要起身，放6點，但返到屋企已經8點」，並直言「返咗2日，心情開始變得好暴躁」。她續指，「返咗2日，放工已經塞咗2次車，返到去完全唔想同屋企人講嘢，少少嘢唔順就好忟」。
她亦指，由屯門往返觀塘上班「好燒心神」，但指其工作的行業有大部分公司亦位於觀塘，因此難以找到與住所距離較近的工作。她又勸喻其他網民「屯門啲樓幾平都好，千祈唔好買」，並指屯門「去邊都遠」，如果希望找到一份人工較高的工作亦需要出市區，即使是來回較接近的荔枝角亦要2小時，直言「好浪費人生」。
關帖文隨即引起熱議，亦有不少人對相關遭遇身同感受，「我天水圍返鰂魚涌… 下下都要2個鐘」、「我一開始番何文田都躁，比以前番中學遠好多，日日來回3個鐘，而家習慣咗啲」、「完全明呀，我天水圍番將軍澳工業邨，雖然有公司shuttle來回都差唔多3個鐘」、「我之前試過觀塘返屯門，我嗰陣夜晚1點訓6點起身，之後來回車程全部訓覺」等。另有網民則指，「我都住屯門，見親係九龍灣、觀塘都唔會申請，除非人工真係高到可以cover（足以支付）個租，唔係我真係唔會咁辛苦自己」、「其實係你去錯區，我住屯門去港島1h內」、「而家啲樓價回咗咁多，可以考慮搬出少少」等。
佢係咪住屯門山卡啦，龍鼓灘果 d 無得講
搭地鐵觀塘返屯門先 62 分鐘，六點返到屯門市中心都係七點多少少，返工果程仲可以總站上坐到鑽石山…
返九點嘅話，屯門公路 7:30-9:00 係有巴士專線，佢有無諗過搭巴士出城塞車係因為呈祥道、龍翔道而唔係屯門公路塞車…
2個讚
之前去過幾次，食飯，shopping, 對官塘印象麻麻，D路好多人，又見馬路上D車永遠都慢駛狀態。
1個讚
我響KT 返工, 我自己都無好感.
唔明點解禁多公司要落戶響KT
只要小小路面問題就全個KT 到KLN BAY 到TKO, 到CHOI HUNG都會塞死晒
3個讚
我住屯門去將軍澳返工，朝早搭62P巴士去觀塘轉多程巴士296A，再行 20 分鐘返公司
5:30 放工行 15 分鐘去搭鐵響鑽石山站轉屯馬線，返到屋企最遲都係 7:15，再遠多佢 4 個站
我搭邨巴，唔塞車1小時內落車，都可接受。
觀塘寫字樓平租咪多公司承租，唔想返觀塘咪再轉工囉。
原po 都話係搭村巴
(dcard: https://www.dcard.tw/f/hkjob/p/240175484)
毫無討論價值
份工係你自己揀, 一係你就搬
一係你就自己做老闆, 咁就有得揀
3個讚
可能宜家都係zoom 見工
所以根本無為意親身去搭車幾耐既問題??
咁又係, 同埋夏天真係又熱又逼人 
觀塘閪工比率特別高, 上面有人講自己返將軍澳點快…
返KT班人, 好多起馬7點收工 
1個讚
明知放工一定塞車仲揀搭巴士?即係無問題?
自己睇清楚先好話人
觀塘環境真心差
但最勁我聽過係天水圍返柴灣，贏晒，其他人邊有資格呻
