準備幫小朋友搵幼稚園, 亞仔比較百厭, 好難長時間坐定定, 個人好唔專心, 同老公商量過想搵間比較happy school氣氛, 老師有耐性同愛心既幼稚園, 我地唔想小朋友壓力太大, 主要想佢幼稚園讀得開開心心, 唔知土瓜灣附近有冇好選擇呢?
小朋友係應該邊玩邊學，唔好谷得太行，谷學業係小二小三之後既事
我有左bb
朋友話聖三一係happy school
但好似揀幼稚園都要小心，派小學都有影響？
但我見親戚讀聖三一派小學都唔差
1個讚
我細囝讀happy school日日番學都好開心
番左一個月學已經認到好多字/同講嘢有條理咗
唔覺得會好似其他人講話冇傳統幼稚園學得咁多嘢。
而且老師都好錫小朋友
細囝佢坐唔定都好有方法氹佢
而家讀左半年
老師話佢個人專心左進步左好多
睇你係咪aim名校
唔係無乜所謂
同埋上小學係會睇邊間幼稚園
唔會睇係咪happy school
但聖三一好hit，加上有N，如果插K1都唔容易。
我仔仔當年in過（插K1），呢間亦都係我仔唯一一間面試時坐唔定嘅幼稚園，亦都係因為坐唔定，我懷疑咁樣無收我仔
（我仔in咗9間幼稚園，得佢無offer）
不過而家人少，唔清楚情況點，可能會「手鬆」啲
對派什麼小學完全沒有關係的
1個讚
聖三一還是聖三一堂曾肇添？同一地方、一間全日一間半日、也是happy school . 聖三一堂曾肇添好易入。建議考培道、都好好
唔好意思，太多個人經歷都係唔公開
如果樓主有興趣想知邊間幼稚園我覺得唔錯，我又係用家嚟，就pm我啦。
我試過得閒喺屋企同亞仔讀下認下ABC, 但係佢坐喺度15分鐘已經想行開佢玩, 或者周圍望唔專心, 如果用遊戲方式學習我都覺得佢會肯學啲
你講果間幼稚園係咪土瓜灣果邊呀?
我亞仔坐唔定, 又唔專心, 唔耐煩就會忟憎發脾氣, 希望老師都有辦法令亞仔乖乖啦, 我只係希望佢幼稚園讀得開心鍾意番學 ,其他我都冇諗咁多
唔好太擔心，永遠都係老師講一句好過媽咪講十句嘅！
同區間間幼稚園派位都係機會均等，派得差/好完全冇實際意義。
1個讚
佢讀太陽島，我大囝以前都係讀太陽島，家下已經小學二年級啦，小學課程都跟得到，英文科成績仲幾好添！可能因為幼稚園班上面有外籍小朋友，亦有外籍老師教書。囝囝方面我覺得你可以放心，佢地老師同家長溝通得好緊密，每個禮拜都會update下小朋友上堂嘅情況，有咩可以改善，有咩進步左，所有野都一清二楚
我自己都係aim happy school，不過唔關小朋友本身性格事，而係我覺得小朋友最無憂無慮的學校生活得幼稚園3年，應該日日返學都係開開心心，唔需要咁快chur學業住
哈哈都係, 老師點都有一套去教小朋友
講解得好詳細, 好多謝你
我同亞仔平時會上YouTube 聽cocomelon 啲英文歌
我都好想佢學好啲英文, 如果老師會跟進情況就非常好
我都擔心亞仔坐唔定會影響到其他小朋友
老師可以講多啲佢番學情況俾我知我都會放心啲
分享一下個人經驗，揀幼稚園前可以去開放日睇下，參觀可以留意下課室壁佈板，望下學校D活動適唔適合自己小朋友，有D學校開放日會先分組俾小朋友同老師一齊玩下玩具、傾下計，你可以觀察下老師細唔細心，教材同資源整唔整齊，新唔新淨等等
希望我亞仔都可以好似你女女咁慢慢進步
讀得開開心心我就心滿意足
本來諗住去太陽島open day睇下
不過好似原來已經過左
收到, 期待亞仔可以同其他小朋友好好相處, 我到時候都會同老師好好了解下