留個記錄

又係三月寫

今日寫下匯豐,堂堂一間國際大銀行點解搞到變咗大灣區銀行。

一向鍾意匯豐,全世界銀行都唔係特別好,除非你有三五億擺佢度。點解鍾意匯豐?因為佢係眾多銀行裡面最正路一間,有規有矩。呢個印象十零年前開始改觀,大家有冇試過朝早去總行同某啲分行,門口左右有兩排MK髮型後生仔女歡迎您差唔多鞠埋躬,跟住交頭接耳傾偈。如果係油尖旺零售食肆我同佢吹埋一份冇問題,我又知銀行要做大陸人生意。但係堂堂大銀行個格去咗邊?

再講認真方面點解匯豐要全面跪低啜埋腳趾傾向大陸?會唔會收收埋埋借太多美金返大陸,唔知收唔收得返。唯有全面配合希望唔好咁快爆。純粹猜測,如有雷同,實屬巧合。不過一間有江湖地位老店搞到咁實在可惜。

以下係後加,我唔記得凍結許智峰同其他戶口係幾時發生,應該係我寫記錄之後。凍結戶口唔係問題,凍結反政府人仕戶口亦唔係問題,大問題係程序喺邊?由法院頒令凍結我可以唔同意法院做法,但係我唔會驚得罪咗邊個隊長幹部,打個電話去銀行叫凍結我戶口。唔好以為好遙遠,爛仔當道有權用盡係必然,金融最緊要係規矩,破壞一次唔解釋掃入地氈底就會有第二三四五六。。。。次。

1個讚

有啲係之前寫低記錄,有啲比較近期。Post 埋留記錄

贏咗?輸咗?
有朋友大約20年尾傾偈時講,話運動輸晒,叫我要接受。我話第一,我冇乜點參與,贏輸都唔係我嘅贏輸,我只觀察,再保護自己做啱嘅事。第二,我覺得運動喺我角度贏到開巷,大陸政經長線向下已經係定局,大陸好,香港唔好,大陸唔好,香港好。最後部份我暫時未啱。大陸係極大市場同經濟體呢兩點無用置疑,佢發展其實唔係全世界可以左右,更唔好話香港三兩百萬人。大陸死活取決於佢哋自己政策。

回顧2014年大陸增長開始減慢,但仍然有穩定速度,2019年大幅減慢,仍然有增長。香港抗爭每一個動作都督中共產黨死穴,成功之處在於土共越唔鍾意我哋就越做,迫佢發癲。不過成個抗爭只係序幕,令到發展龍頭廣東省失速,武漢肺炎進入戲肉,全中國無論經濟到財富都進入負數。資金大幅流走,土共唯有借防疫為名限制人流資金流,全國草木皆兵,香港亦由每方面健全頂級城市變成幾份一人口諗住點逃離毫無生氣警察城市,金蛋城市變土共日夜惶恐走資嘅拖累。對我嚟講係抗爭全方位大勝。

如果冇咗香港2019年抗爭會點?之前寫過,結局已定,時序同發展過程冇得預測。今時今日局面一定會發生,導火線可能變咗武肺封城導致大規模反抗。全方位鎮壓香港可能推遲兩年,結局一樣。

2個讚

政治犯
眼見幾百,唔知有冇上千人坐冤獄唔多唔少都有啲唔好心。開心嘅係要嚟始終要嚟,香港繁榮穩定好大程度上就係靠坐緊監呢批良心犯頂住,文明世界憑乜嘢信你生番土共?就係因為佢哋可以安全咁自由出聲,表達意見嘅自由都冇,邊個嚟投資?良心犯係拖死大陸嘅代價,相信有部份人例如黎生,戴教授,周幸彤,黃之峰等人心裏明白。每個朝代都有有良知民眾希望為國出力,歷史上不論東方定西方有冇試過有人成功避免戰爭同改朝換代?可能有個別例子成功推遲戰亂,更多枉死。我從來唔贊成香港人為中國斷送前途,第一呢個唔係佢哋責任,第二徒勞無功。以上數人可能預咗宣道,我唔同意但尊敬佢哋。至於冇預備付出咁大代價嘅抗爭人仕,我為佢哋難過。唔識預測佢哋結局,我希望佢哋夠硬掙頂住有一日本利收返。

喺大陸良心犯對外界起到作用冇香港萬份之一,每一個坐政治監,每一幕黑警暴力,勾結黑幫,如果可以掛個價錢牌每件事都導致上千萬美金流走。19年社運開始冇耐我已經肯定放火攪事都係澳門/大陸/本地黑社會同警察一齊做,對我嚟講唔係奇事,我問朋友歷史上獨裁黑幫政府有冇可能比倒一個環境營運一個金融中心?答案係4000年歷史冇,以後亦唔見得會有。大家心照有步驟鬆人。

5個讚

盧寵物,跛手樺,十一哥,高醫生,被讚頌美女法官等等
點解咁多以前有頭有面正正常常高社會地位人仕搲爛晒快面做到有咁肉酸得咁肉酸?為利益?為權力?反社會心態?唔排除有部份係,不過我純粹推測有部份係為自保。任何人唔多唔少或者後生時都做過蠢事,我都有,損人不利己或者損人損己,當時自覺有型。回想唔覺得自豪,亦都有反省。一般唔係公眾人物冇人會挖呢啲往時,有人知亦冇大不了。公眾人物唔同講法,有冇人搞未成年少女少男?有冇人用律師身份幫家族攞著數?有冇專科醫生唔跟專業守則做過移植手術?有冇人做過無傷大雅醜事?呢啲係我嘅疑問同合理推斷。我相信鬍鬚真係全方位乾淨,所以共產黨容唔落佢,所有現任官員唔係有黑色痛腳就係擘大口污低腰,所以要幾爛有幾爛。

7個讚

血海深仇
香港多唔多人覺得同共產中國有血海深仇?我相信經歷3年之後為數唔少。想放低?每日新聞提醒你我唔可以放低。邊個仇恨最深?反政權一邊我唔知,但我可以幾肯定土共對黃營嘅仇恨會比我哋一邊更甚。所有土共港共官員由紳士變咗過街老鼠,銀行戶口冇,出外旅遊冇,去到邊都要對住無數鄙視目光,要應酬盲毛大媽肉麻奉承。你諗吓一班自視極高嘅垃圾照鏡點面對自己?仲要出嚟死撐,話幾自豪幾漠視。佢哋對黃營嘅仇恨先係最深。

1個讚

想香港變成點?
離港前有諗下如果點點,以後就點點,希望點樣點樣就可以點樣點樣。離港之後發覺要處理嘅嘢已經太多,根本冇時間同精力關注太多香港發生乜嘢事,我諗呢個情況會越來越明顯。

好有文有路,俾個like你
欣賞你見微知著嘅態度
好多人就咁睇住d xx指數xx統計做人
好易俾人fake左

話香港唔掂不宜久留都唔係咩新野
甚至依家d玄學大師都話香港冇運行…
只可以話人嘅意志受理性影響比想像中細

2個讚

富士康
下我之前寫過大陸出問題唔係因為政治因素,而係經濟。富士康員工反抗唔係因為防疫措施,唔係死人,而係錢,因為原先講好嘅人工出唔足,呢間喺大陸請唔知幾多十定上百萬人嘅公司係大陸經濟最好一面嘅縮影。外資撤退,訂單唔夠,所謂防疫收唔到科,錢比唔起,尷硬比錢唔知邊度嚟,呢個就係大陸。印錢?通脹最終失控,經濟仍然差,可能變南美國家翻版,三億人躁動,點算?短期辦法就係我之前講嘅農奴制,員工鎖喺工廠,賤民乖乖哋原地幫國家生產,唔好諗向上流,公消社似係嚟真,暫時有飯大家食。外匯燒得七七八八恐慌就會蔓延到香港,我明明唔信有可能外匯管制但係朋友甲換美金匯去星加坡,同事乙又換英鎊移民,親戚丙丁又話換返加幣澳幣匯走情願交稅,搞到我都驚去換埋一份,銀行擠提就係咁開始。不過唔使怕銀行破產所有錢冇晒,資產管制到時係好事,錢仍然屬於你名下,只不過唔到你決定點用。

憂鬱之島,睇到dllm 鬆人,67暴動係一班冇學識冇見識冇現代文明價值觀嘅盲毛殺人放炸彈對抗文明,比共產黨當condom, 港英政府從輕發落之後完全唔反省,繼續狡辯講到自己係受逼害一方。套垃圾戲扮記錄片成個鋪排就係幫班殺人放火暴民塗脂抹粉,居然同2019運動相提並論簡直不L之所謂,導演唔係土共就係無知盲毛。除咗想dklm都係dklm。

5個讚

黎智英重判

對黎生未必係壞事。一單簡單商業案件,唔係輕判罰款,係大額罰款加接近六年監禁,除咗一班盲毛廢物喝采之外所有人無論黃藍都嘩然。對普通冇乜家底市民除咗咀咒法庭法官律政司之外冇乜嘢可以做到,但係對富豪嚟講黎生案例會係駱駝背最後一根稻草,嘴巴一定會加大力度支持政府,荷包會加速走資,共匪政權唔見三幾百億美金冇走雞。共產黨死到臨頭再比陳廣池諗住加多刀桶黎智英不過係捅錯咗奴才主。黎生短期內被監禁係定局,唯一脫離共匪魔掌係保外就醫,依家判得越高調越過份越重受注意度越高相對越安全,大陸經濟越快崩潰要交換人質吊命幾會越大,橫掂依家出唔到嚟不防再過份啲。只希望黎生有機會走唔好為殉道放棄機會,亦期待一眾被閹奴才比共匪清算。

7個讚

尋日一段記錄有下集

同一個大中華主意老友傾偈,佢覺得黎智英自己攞嚟,我同佢講我尋晚寫一段嘢嘅觀點,我覺得黎智英求仁得仁,雖然黎亦未必預視到我所預見,但係大部份超級富豪會睇到同埋會所行動。老友一貫回應話大陸經濟唔會有事,又話我對黎智英案死雞撐飯蓋,我答我唔識黎,唔睇蘋果因為我覺得蘋果俾錢作新聞,從來未買過一本壹週刊,黎重判甚至要坐監終老我唔難過甚至矛盾地樂見,因為香港金融前景同黎下場有一定關係,香港金融出事大陸金融一定全面崩潰/封鎖。(雖然我仍然覺得黎會被保外就醫)。黎出事理由證明港共隨便一個理由可以重罰甚至抄富豪家,冇錢人唔識驚,越有錢越驚。我識有小小錢朋友近兩年都調錢走鬆人,超級富豪我唔識,幾千萬至一兩億身家我識嘅走唔少,大跨國金融機構我知幾間冇閂門,但係香港全個operation 喺星加坡setup 一套一模一樣隨時搬走。港共匪對付真心愛中華嘅人近兩年冇變過,越比外國迫就越重手對付自己人,跌咗落個惡性循環漩渦完全冇出路。財政儲備兩年急跌近半,預期未來年年赤字,更重要係兩年前改例後冇人知外匯儲備到底有幾多係硬貨幣,幾多比大陸換咗人民幣,港幣會外匯管制係事實,只係老友選擇性唔接受。

故事結局,老友夜晚搵我,問我點開海外戶口,強調只係問下。

3個讚

同佢一齊研究下點搬錢返大陸

3個讚

眾籌
今日立倒一個頭條,唔知邊隻閹人話612基金支持違反活動。想講下大陸公安點做嘢,喺大陸所有黑社會活動都係公安默許同一齊參與,大家心知肚明。大家未必知嘅係只要未暴光犯任何法都有個價目表可以解決,大至殺人放火販毒,小至任何違規。以上同612冇直接關係,我想講嘅係大部份嘢公安都有記錄,當事人都未必記得但係記錄仍在,政權有須要,公安想屈錢時候就會挖出嚟。我相信香港可見將來會一樣,當內外經濟一鑊粥就會挖所有人記錄,將政策失誤賴落其他人身上。我自己由支聯會/64紀念館到612基金都捐過唔細金額,政權解體前我相信我一定有份比佢哋搞。共匪係控制狂,有埋科技變成有晒記錄嘅控制狂,十年廿年前嘅往時都可以攞出嚟清算。大家留同唔留都有心理準備保護自己。

5個讚

器官
尋日寫過大陸所有記錄都永久保存,共產黨解體記錄仍在。今日有四個月女孩有心臟病女孩有合適心臟移植,我為佢一家高興。我一家從來冇去過政府檢測中心做pcr test. 強檢都係比錢去私家,大家大概知我想講乜,我會盡我能力唔會比港共政府有辦法攞到我仔女DNA 資料,冇否決權我亦唔會同意捐出我同家人死後任何器官。明白呢個問題好複雜,比捐贈者家人決定捐比邊個唔捐比邊個亦有大問題,我唔夠智慧提供更好辦法,不過仍然會堅持自己做法。

2個讚

聖誕節預測。

同好多希望大陸pk嘅朋友唔同,我覺得大陸好快冇事,全民感染,好嘅好,死嘅死,落後人口大國有度好,人死極都仲係咁多,外邊嘅人完全唔會感受到大陸人小咗。我唔知點解大陸突然解封亦冇興趣深究,生活喺完全唔同價值觀環境我唔明大陸人諗乜,解釋我都唔會明更遑論接受。唯一肯定嘅係三幾個月後共產黨會當完全冇事發生過,一切復常,自己臉上貼金話領導抗疫成功,有責任就推去其他人身上,可能係學生,可能係西方國家,香港肯定有份。有家人病重,死咗,有後遺症唔關政府事,其他人好少理,唔好阻我生活。

變種點算,冇乜大不了,病毒唔變惡死一兩百萬人,又或者變到沙士咁大獲死三幾千萬都仲係咁多人。我保證大家喺香港定喺國外都唔會感覺到大陸人少咗。快則三個月,慢則九個月一年只要唔再封城病毒最終都會變弱,全部人感染晒唔死嘅有抗體。至於外國有三年前經驗,會有所防備,加上打晒疫苗加中過晒,就算變種都唔多唔少有啲抗體,我估計一切如常。

咁經濟會好返?發夢冇咁早。大陸防疫從來唔係防疫,係經濟。文明價值觀世界同獨裁法西斯分為兩陣營盲人都睇到,我好感激一個朋友2019年尾同我講一句,中美之後發展係進入冷戰,我決心賣晒所有中港資產同呢句說話有唔細關係。靠外貿發財甚至食飯嘅中國大陸已經完完全全行咗入死路,對經濟睇法之前寫低唔再重複。總之繼續封鎖又好,全面開放又好,條條都係死路,解封後資金流動會更困難,亦會有各種藉口解啲唔解啲,就好似唔使安心出行但係要疫苗通行證。解封對往後影響係人心更多仇恨,未必馬上發作,喺大陸亦唔敢發作,唯有仇外,到經濟/前景差到一個點就會狂爆,香港人首當其沖,留港更加要耷低頭做人。

祝大家聖誕快樂。

3個讚

幾件大事睇香港未來

鄭雁雄,鄉下爛仔,廿六個字母未必識得晒,喺中環唔敢抬高頭講嘢,自卑到極度仇視文明世界。依家係香港太上王。

立場鍾沛權案,檢控專員伍淑娟,話未睇過立場,以為冇娛樂版就唔係商業媒體。唔知係真白痴定扮白痴,係真白痴我唔懷疑,一陣講下我對律政司認識。如果扮就係一個臭H中嘅臭H。講律政司,有段時間因為工作關係同一班刑事律師玩埋,再識咗幾個律政司負責檢控嘅“朋友”,佢哋對法官嘅評語係仆街特別多。另一樣嘢係一班人一個WA group, office hours 差唔多任何時間有人msg 都即時一齊吹水,我當時覺得咁大個司法機關養一班扮晒嘢嘅廢人+仆街點搞?

廢柴政務司,拋寶碟10幾次唔中都唔識落台,大吉變大土口,咁嘅廢柴管理前世界頂級城市政府想幫香港翻生,最咗開懷大笑都係開懷大笑。

我話你係就係,香港有牌爛仔同有牌爛法官嘅標準。親身經驗,我出屋企大廈門口因為口罩問題比兩個爛仔沖過嚟兇我。先講我唔係富豪,不過所有要行必嘅差佬一世唔食飯都買唔起我屋企大廈任何一個單位,2019年前見到差佬只有我同佢打招呼點下頭,你直行直過差佬唔會/唔好意思正眼望你。爛仔不停重複話佢知我諗緊乜叫我唔好扮嘢,我就不停重複我唔知佢意思,大家智慧能力差太遠我一開始真係唔知佢想點,唯一肯定嘅係佢想表現佢先係話時嗰個,我應該耷低頭做人。跟住攞身份證,側身show下槍比我睇,話要比告票,我話好,上庭我會自辯,佢都要上庭。最後另一個爛仔打圓場話比個機會我叫我走。

美金弱,美匯指數超過半年地位。港幣係威係勢先排上到7.78,唔夠兩個月跌返到7.83 接近聯匯下限。講乜嘢開關大陸資金嚟買樓都冇用,事實係錢繼續走,開關走得更易更快。

呢啲就係香港未來。

6個讚

尋日其中一件想講嘅大事係市民比有牌有槍爛仔開三槍打到危殆,寫寫下冇咗回事。我被爛仔兇係小事一單,順帶講19年開始比差佬逗唔只一次,大概三份一係地踎爛仔,三份一木口木面,三份一有禮貌有笑容。題外話有個已離港黃朋友同新界鄉黑有的業務上來往同部份鄉長亦幾好關係,好早已經話新界差佬有三份一係黑社會成員,用我比爛仔逗經驗我諗全港都差唔多。可悲嘅係呢班以前喺中環抬起頭講嘢都唔敢,我絕對鄙視嘅垃圾依家可以攞住武器耀武揚威。

講返爛仔軍警槍擊市民,條柒頭開完槍淆底扮暈,高層即刻沖出嚟辯護,記唔記得先幾年有個臭H軍警喺地鐵站對市民開槍之後仲影相慶功,已經唔係個別事件。槍擊手無串鐵市民,殺市民,作下故仔一句覺得危險就了事,冇後果,有本事有文明價值觀嘅好難唔走,留港比爛仔逗真係要揼低頭做人。

2個讚

47人案開審

偷拍,對案件冇作用,戴耀庭早就公開晒整個計劃,人哋正人君子唔使閃閃縮縮,成個計劃就係為咗迫無能陰險政府妥協,唔妥協就迫你下台,同顛覆國家冇關係,顛覆政權可能勉強講得通,都係基本法框架之內做合法嘢。重組新政府係為令到香港更好,成個計劃大綱已經公開,偷拍所得嘅資料亦係舊聞。選舉係公開,選民唔接受就冇35+ 席,港共明知35過梗,即大部份選民都想顛覆政權,另一講法係現界政府照基本法解釋係非法政權,港共亦間接承認。當然大石砸死蟹依家點都得。

明知對審判冇用都放出嚟只有一個目的,打亂民意搞內訌,47人裡面互相猜疑唔係主菜,分化再消磨3-4百萬市民意志先係目的。我唔知對大部分人有冇用,對我冇。

變節?對我哋冇被監禁嘅人好難想像坐兩年幾監,唔知仲要坐幾耐,擔心家人比政府搞係乜嘢感覺。被告轉做證人原因我唔知,我相信坐緊政治冤獄嘅都唔係仆街冚家剷,亦都冇因為以前搞過未成年少男少女所以有痛腳,受壓到崩潰可能性大啲。暫時唔作批評,等審訊多啲資料可能有新想法。

排隊黨,好開心見到有。我睇到,文明世界領事睇到,外媒睇到,外資睇到,多多少少會令到外國資金明白香港生意幾咁好。生意咁好外資爭住嚟,咁因乜事港幣咁弱?唔通愛國人仕走資?

順便一講9里年息賭港幣唔脫勾,唔係新嘢,日日有人賭,外資大銀行我相信唔會咁高調賣比街客,敢咁高調賣盤唔慌大,隨便搵幾個私人銀行客戶食得晒有凸。對家都係客,銀行唔會自己賭。點解會係中資銀行我暫時諗唔到乜嘢,唔通係大陸客?真係唔知。萬一脫勾我估港幣對美金升值,不過贏嗰邊都冇著數可言。有睇我之前寫過對資金流睇法會明點解。

4個讚

睇完報道,總係覺得老習出訪俄羅斯係加深普京對習同中國嘅仇視。之前寫過話香港政府班自以為精英依家對住班大陸鄉下佬村官要又奶又含,痾篤尿照下自己個樣嘅時候點面對自己?梗係搵泛民,對政府不滿,同埋一般市民出氣。我諗話普京係一個自視極高嘅大獨裁者冇乜正常人會有意見,又騎馬又show肌肉又自己揸大貨車過克赤大橋又彈下古典音樂,最緊要係表現得事事優越。記唔記得應該係2021年受美國媒體訪問被問到對中國攻台諗法對大陸嗰種輕視同恥笑,再早幾年同習總唔知喺邊個中亞國家開會,習總一個人戇居居坐喺一班俄國官員對面,普京同班俄國官員用俄語笑住話習係孤獨戰士。一直係契哥身份對住習契弟,突然間身份對換,要卑躬屈膝對住前契弟,加上所謂議和唔湯唔水,實質支持估計唔多。嗰種恥辱有幾大?痾完篤尿見到自己個樣點面對?我相信俄普接受戰敗現實之後如果普京唔死嘅話矛頭會指向習同中國。

2個讚

多謝記錄,追

我又覺得睇返習一路走黎,佢係忍辱負重開嘅人,扮豬食老虎,你睇佢上年點對太上皇就知,佢依家見普仲唔食佢夾棍