新加坡發生逆子弒父倫常慘案！一名住組屋（新加坡公屋）的19歲男子疑因與父親爭執，竟從廚房取刀追著父親後頸、背部狂砍，導致父親身亡陳屍家外走廊。男子事後被捕，而死者女兒網上博文揭露更多心寒內情，疑「禍根早種」。
一名19歲男子疑因與父親爭執，竟從廚房取刀追著父親後頸、背部狂砍，導致父親身亡陳屍家外走廊。（網上圖片）
綜合外媒報道，事發周一（10月10日）晚上約7時，住在組屋（新加坡公屋）的19歲男子疑與47歲父親謝偉德（譯音）在家中爭執，當父親離家時，兒子趁機從廚房取出10多厘米長的刀，從後面狂砍父親的後頸、背部，最終父親赤膊倒斃門外走廊，全身浴血，死狀恐怖，牆上更留有血手印。
現場牆上留有血手印。（網上圖片）
據報兒子砍殺父親後留在現場，直到警方到場拘捕他。鄰居表示，死者與妻子同住，育有子女，但貌似和家人關係不太融洽。而相信是死者女兒曾在網上發文講述家中不快經歷，提到死者會體罰孩子，試過因兒子從家中偷錢而罰兒子下跪，並用碗敲打他的頭，直指家庭不算和睦。
死者妻女周二（10月11日）早上返回事發單位，但未有回應事件。
雖然我唔認同體罰，但個仔咁樣斬老豆法都唔覺得佢係正常人。
我估都打得幾金下…
我覺得呢個諗法有d blame the victim,
合理化個仔殺人行為。
如果係老豆打緊佢，佢只係自我防衛都仲有得講下。但睇文就唔係喇，爭執完老豆都離家，仲衝去斬死人，都幾恐怖。
就算唔鐘意老豆，佢都19歲喇，有自己揾錢能力咁咪橋歸橋路歸路，何必殺人…
只可以講…佢老豆都幾大機會係以暴易暴的人…
唔係話佢個仔合理, 只係話…暴力種子自己有份種
今日淨係一單，你點知呢19年嚟佢點對個仔 ？
有無聽過幸運的人用童年治癒一生, 不幸的人用一生治癒？正常人唔關事嘅人會好似你咁諗，當個炸彈條藥引去到爆嘅時候，未必咁理智諗咁多嘢。
所以話打仔打到痴線果D…個仔當佢陌生人, 已經係賺左架啦…
常用暴力掛口邊嘅人, 仲要合理化, 一個唔好彩就會咁
我覺得懷疑係要有根據，起碼篇文冇講，係有限既篇幅入面，淨係見到話當時老豆走緊個仔仲去追斬，有幾句講過細個時有體罰，但又講埋原因係因為呀仔偷錢。
冇人識事主一家，確實係唔會知咩事，就算識佢地，都好大機會係公說公有理婆說婆有理。
但我主要覺得第一下就話係個死者有問題，講到好似佢自己攞黎咁，好blame the victim. 就好似d 女仔出到去俾人姦左，話個女仔條裙著咁短都有責任喇，邊個叫佢出夜街呀，情況一樣。
以前上一代興棒下出孝兒，當然我係極唔認同。但而家新一代又掉番轉哂，講2句又話傷害小朋友心靈，更加唔好話打仔女，轉個頭報警告虐兒。
呵護仔女，俾人講太縱，第日知味道。
打鬧，俾人講第日仔女同你離心，當你陌生人你唔好喊。
講平衡，講就易，每人覺得既平衡點都唔同，太主觀。
而家睇d小朋友新聞，唔好既嘢好多時d人就會入左父母數先，實係唔識教，實係家庭唔溫暖。但其實可能同一教法，兄弟姊妹既反應都天差地別。
我覺得而家普遍個種先責怪父母既諗法好矯枉過正。
我覺得唔係唔關事既人咁諗，就好似一個人虐待動物，呢個行為本來已經係冷血唔啱，講佢既童年發生咩事只係叫解釋左個原因，但唔代表佢係冇問題。
人正常情況下係有自制能力，其實咁講所有犯罪都係失去理智喇，就算個d 連環殺人犯，罪大惡極得黎大部分都係童年唔幸福，但我地唔會因為咁而合理化佢殺人。
教仔女同體罰係2回事…點解要打先??
我同你一樣唔認同體罰架，但我亦唔認同個仔殺老豆=實係老豆以前打個仔好甘喇，有種講到死者抵死咁款…
好明顯又係精神出問題，正路咁大個人唔啱咪搬走，點會去到殺人呢步。
唔知你有冇印象港大殺妻個教授，基本上大家都同情佢多過覺得佢錯。
但凡去到殺人/虐兒/虐畜/強姦etc 我都覺得係精神唔正常。
反而如果話個仔搬走，第日唔理老豆，唔孝順佢唔同佢送終呀個d 我又覺得冇問題，冇緣份，今日因聽日果。
咁冇正式統計，我唔知係多d 人同情佢，定多d 人覺得佢錯。
但呢單嘢我都係覺得去到殺人都係好錯。
最主要原因係覺得成年人，可以揾到好多唔同既方法去解決問題，而殺人係簡左最極端既方法。
你唔明的，我好明，因為我曾經都有差唔多嘅體驗。
你一係自殺，一係殺佢，一係一齊死。
其他正常方法，只適合正常人使用。
果單堅變態囉，個老婆
任何文明人及社會都唔應該訴諸武力，完
導火線係老婆踢個老公落床