疑父母叫幫霸車位 男童人肉擋車險受傷

00

車Cam顯示拍攝日期為上周五(7日),相信是由鄰車拍攝整個男童霸位及Tesla泊車的過程。影片可見,男童站在車位期間,見白色Tesla的司機將車沿泊車位駛入,遂出手阻擋及觸碰Tesla車尾,後來又用手指向另一方的車輛,疑告知司機其父母正進入停車場,該車位正等候二人駛至。Tesla司機見狀亦連番表示不滿,惟男童亦無動於衷。惟影片內容到此結束,未知事件後續及發展。

有關影片引起網民關注,不少人均留言批評男童的父母,「為左個位,分分鐘整親小朋友」、「為人父母家長真係教壞細路多」。根據《簡易程序治罪條例》4A條,任何人無合法權限或解釋而陳列或留下,或導致陳列或留下任何物品或東西,而這些物品或東西對在公眾地方的人或車輛造成阻礙、不便或危害者,或可能對在公眾地方的人或車輛造成阻礙、不便或危害者,可處罰款5,000港元或監禁3個月。所以,即使搵小朋友幫手霸車位,除了涉及道德問題外,亦有可能已觸犯上述法例,所以奉勸各位家長及車主凡事應先三思而後行。

咁嘅父母:confounded:

對父母腦裝草 :angry:

如果在強囯, 該男童已車死並輾成肉醬, 個車主當這裡是英國!

3個讚

痴線架… 攞條人命去霸個車位… 對父母係人嘛… :rage:

1個讚

我覺得直頭拉得
呢d 根本係疏忽照顧兒童
仲衰過獨留家中

1個讚

totally agree…係謀殺…

3個讚

咩父母嚟? 不如叫個仔霸定個山墳啦

痴線…本身人肉霸位已經好唔要得,仲要叫自己個仔去做?!呢啲咩父母嚟?

擺個仔上枱,做佢個仔都好無耐

人肉霸車位嘅行為真係好黑人憎

唔等得就搭巴士啦,學咩揸車

而家越嚟越多人肉霸車位,啲人係咪有病咁都做得出!

見好多大陸人係咁🫢

原來泊車位緊要過條命

香港越黎越多人肉霸車位 真係咩世界

呢d父母直頭要拉

1個讚

該主題在最後一個回覆創建後90天后自動關閉。不再允許新的回覆。