是日午餐，美極西班牙豬肋條，加點洋蔥加點粟米，伴入香蔥同蔥油酥，咸咸香香好味道。
2個讚
今日整炸雞翼，又想佢有濕口送飯，所以煮個粟米滑蛋汁，加埋西蘭花，應該唔錯了。
2個讚
請問粟米汁點整？
我做法好簡單
適量水煮滾，放入新鮮粟米粒，加鹽糖胡椒粉調味，再加生粉水埋獻，適當濃度就可倒入蛋漿，最後灑上蔥花即可。
大約1碗多少少的水量，用1隻蛋。
2個讚
時間過得好快！
印象中，初開post時，公子好似啱啱升中！
1個讚
係呀！真係好記性。中一係無得點送飯，正確中二開始。轉眼就中四，唔捨得佢長大啊！
1個讚
今日食減脂餐
慢煮雞胸 日本葛絲 蛋絲青瓜絲 水耕生菜。拌日式麻醬 同泰式酸辣汁
1個讚
昨晚少爺話同學問佢，你要減肥咩？
少爺自信地回答，我有需要嗎？
今日食和風牛肉飯吧！唔似減肥餐了
2個讚
好正, 隔住個mon 都feel 到果種神氣 
1個讚
想問下你係咪用慢煮棒整？
係呀！真空袋加慢煮棒，60度 1小時
1個讚
簡直串嘴啦！
呢排日日show肌話自己fit笑我同爸爸肥
2個讚
請問蘑菇飯點整？
睇見都想食
真係大得好快，個排腹肌可以同排朱古力比
媽媽你煮嘢食咁叻，係自學？
跟婆婆學？
定之前有出去上烹飪班，跟住再慢慢鑽研㗎？
我自從嫁咗，用唔慣奶奶個廚房，就冇興趣再鑽研新菜式
哇，正到呢，有個廚神媽咪好幸福！！
1個讚
其實佢係點操到咁多肌肉架? 真係幾fit 喎! 又唔怪得佢咁串
材料：
蘑菇片（可新鮮或罐頭）
蒜蓉
黑椒碎
雞湯或牛肉湯
做法：
爆蒜蓉加蘑菇片，炒出香味加黑椒碎，篩入麵粉，炒勻，落湯，加少許蠔油，老抽，可適量加點糖，煮8-10分鐘即可。
1個讚
我自學煮飯的，但重點我有個煮飯好叻嘅爸爸。
2個讚