剛學寫字，教到好氣餒…唔識點講解…
我覺得自己好蠢
Ｋ幾？寫咩字？
我諗寫字呢個問題去到小學都會仍然發生，每次睇住我小朋友寫啲中文字英文字都腎上腺素急升，唯有唔好太過要求高，似一個字就算。
我直頭無要求，動筆就得
1個讚
難…難在要有耐性
其實岩筆劃都好叻
要慢慢執，唔好心急
最重要執筆姿勢正確
1個讚
由揸筆姿勢開始，個字睇到似個字就夠
有冇 download 香港小學習字表 apps, 呢個幾好，可以睇到筆順，一筆一劃睇住，小朋友會明白好多。
小朋友初學寫字，慢慢來吧，無寫錯就算，寫得唔靚都算，唔好刷佢地。老師會明白。
3個讚
唔好諗住靚，到K3參觀小一時，見到啲壁報版，學生寫自己名啲龍飛鳯舞，就會問自己點解咁傻，呢幾年係咁迫小朋友寫得靚…
2個讚
咁要睇你入咩學校，有d小學對寫字要求好高
小學同幼稚園係2個世界，幼稚園話咁寫係岩既，上到小學可能相反。所以筆劃岩，整齊就好，唔使太高要求。
3個讚
Dl app
Show 曬筆劃點寫
叫小朋友完整睇一次
先至動筆去寫
如果錯筆畫
就再 play 多次叫佢睇清楚
佢肯寫，已經要欣賞同鼓勵佢。
寫錯左，由佢，老師改正後，等佢再寫一次正確的字。
好過你擦晒佢再寫，咁會好打擊佢。
咁細個小朋友要打揸筆寫字，其實係好難。
所以只要我個仔願意寫，唔係寫到認唔到個字，我都收貨。
如果唔係只會逼死自己
請問k幾？
平時可以從遊戲做多啲小手肌訓練
佢手指唔夠力，又或者手眼不協調，都會好麻煩。
可以試吓同佢打 乒乓波 or 羽毛球，
我都係到小學先執。我個小三開始見到有意識寫靚啲，小一二時啲字係飛架。
幼稚園時我無理過寫字，確實小一時默書會無咁著數，容易被扣分。不過小二下星期就咩都追返晒，所以同意係幼稚園階段寫字唔好睇得太緊。
1個讚
剛學寫字，但求有個型就收貨
我女K1時學寫數目字「7」，寫極都唔識斜落去
我教到虛脫咁滯
到K3手肌好左，寫字已經可以唔使擦
慢慢嚟啦，加油
我仔啲字核突到儍
不過除咗叫佢唔好核突到老師睇唔清楚扣分之外，我從來都唔理，因為佢做嘢慢。有時間做其他嘢好過。
屋企人依家幾廿歲啲字都核突到儍，做醫生，但醫生字入面都算醜，唔潦，係似小學生最核突嗰種字。但除咗講笑咁笑佢，邊個會care.
所以，執嚟做乜
1個讚
筆劃問題的話我教佢記筆劃口訣+故事創作（一定要佢參與創作），咁會記得好啲
例如：糹 哎呦哎呦點點點
口：直 橫直 關門
火： 火燭要舉手再逃跑
用：肥月亮用劍
手肌問題就要多剪紙，油色，畫畫練空間感
聽得多其實會記得
特殊老師都係咁教
10個讚
我個陣連筆劃都冇執佢，現實d諗最尾考卷時個字寫啱，邊個知佢筆順亂黎？我情願認多隻字好過。
我反而係buy小學老師執中文字執得嚴，因為我成日覺得呢一代小朋友應該係香港最後一代用廣東話學繁體中文，如果我地都求其，就傳承唔到落去。所以一筆一劃我都要求小朋友認真對待。只要有用心聽書，字寫得岩，就唔使改正之餘又高分。
見字如見人，我仍然好守舊地信呢套。
5個讚