最近，新加坡教育局宣布，明年開始，所有中小學取消考試名次制度，這真是一個很大的突破。當沒有第一和第尾後，學生之間再不需要互相競爭，家長也毋須要求子女每年名列前茅，孩子不用背負名次的壓力，從此沒有所謂學霸在耀武揚威，也沒有因考第尾被標籤的失敗者，弄得好像抬不起頭做人。
新加坡教育局表示，這個轉變可令學生把焦點放回自己身上，好好了解自己的學習進度，讓他們明白，學習不是互相競爭和比較名次，如何在自律性學習掌握人生，在知識的不斷增長和豐富中建立人生觀、歷史觀、世界觀才是最重要的。因此，他們重新建立一套重質不重量的教育標準。
香港早就應該做,又比新加坡捷足先登,咩都唔敢去嘗試做第一.
無名次點知乜位置？
求學不是求分數十分虛偽（除非上大學選科只是睇邊位申請人最有熱誠）
我估分數應該會有，只係冇排名次冇得比較！
呢D係咪… SINGAPORE 又WIN?
香港好多學校都無排名，我個間就只公佈級頭10名，有d學校就只公佈20名，其他既，如果家長想知就家長日自己問老師，一般老師都會講，但唔show係成績表。
但咁又點？要8掛既家長仍然可以拼返個排行榜出黎。星加坡d呀媽唔虎咩？出名虎過香港！你估無排名會放軟手腳咩？要谷既仍然會谷啦。
而且，無排名真係好事？仔女學成點一個idea都無, 點樣跟進學習成效呢？
排第幾，同人比定同自己比，好睇家長點運用呢d資料，唔係無呢樣野就唔存在學習問題。
唔好比一d 報導誤導
事實上，香港好多學校一早都行緊呢套，只係校本，唔會大鑼大鼓咁講，但要知既家長都會知。同樣，香港好多學校仍然默默耕耘盡所能春風化雨，唔使咁多比較，教得好自己仔女就已經係好學校。
由尋日開始就有大小親子網站講呢單野。唔知係咪想帶風向，而且當中張翠容寫既都有d偏頗成份。簡單drop左2條 links係下面，自己睇。
求學終於不是求分數+新加坡取消中小學名次制度-SundayKiss https://www.sundaykiss.com/?p=883406&utm_campaign=Kiss_Sharing&utm_medium=Message_Kiss&utm_source=Copy_link
可以用percentile 去顯示。 假設小朋友係喺85-90%，即係話同年級有10-15%嘅學生成績比佢好，有85-90%嘅學生成績比佢差。
你講出晒重點。
當年我仔間小學又係冇公佈排名，但問老師，老師會講。有家長真係自己砌咗個排名表出嚟。
香港都咁，我唔信星加坡唔會，當人地d虎媽流既咩
我就唔敢睇少人地，正如唔敢睇少星加坡既補充練習一樣
為左做上台攞獎個幾位，一樣可以拼到補齊中英數普VA, 一分都不能少。有學校老師好口密，少左一分做唔到頭三就唔會告知家長考第幾啦
仲有補樂理
所以我話睇家長點利用呢堆資料。講真，即使頭3唔公佈，你估呢堆家長唔會叫自己仔女探問人地既細分再自己拉average 咩，分分鐘小朋友唔使人叫自己都會問。
係呀，做級頭為左插班或者升band 1a中學ma, 一線津既競爭真係好熾熱， 但其實呢d學校級頭10都插到好學校既，又唔使一定拎第一，太辛苦，要捨棄既野太多啦
。
我囡間小學都冇排名次，睇學校點做姐
我哋間都就係自己知囉、考第一至三有奬、但其他唔講
有家長好老土咁係group 問、但無咩人答
我地個間分級名次，班名次，重要分科名次
科科都要追
冇名次，但照樣有分數同 percentile。
香港大把學校冇出中游下游名次，尤其呈分，但一問老師就可以知，老師上堂可以講 highest 幾多、mean 幾多，幾多人唔合格，甚至家長圈自己一個個問。我 N 年前讀小學未出成績表，已經有家長叫自己仔女一個一個同學問分數。
同埋老師要傾升留班同埋獎學金之類，一定會有排名。除非 happy 到人人升班又冇獎學金。
大鄉里、香港大把學校一早已咁做啦
既然係咁，同無名次無乜分別
該主題在最後一個回覆創建後90天后自動關閉。不再允許新的回覆。