涉及自己媽媽，唔想周圍同人講，但自己真係好嬲，所以出post喺度呻，多多見諒。
事緣自己離港後先賣樓，委托媽媽幫手辦理
我嘅認知裡面，委托賣樓＝幫手開門俾地產帶客睇樓＋成交時簽名
本來都好好，媽媽有咩會同我講返
但到真正成交後就好多溝通上嘅谷氣事：
1）因我一早答應送屋企嘢俾好友，亦同地產電話中確認好要喺朋友拎完嘢後先再俾買家揀要咩唔要咩，我再清屋交吉。結果佢哋簽好份約whatsapp俾我，再附貼十零張相，我問地產咩事，佢話係買家要嘅嘢，又話係我媽媽答應咗人，佢已經有同我媽媽講"你駛唔駛問下你女先呀？"，係我媽媽話冇問題會搞掂。聽到呢度，我知自己媽媽有責任，但同時我都爆咗個地產，指我同你口頭承諾咗，個協議有咩變動你應該同我確認！
2）上面嘅事我叫咗地產處理好，反正臨約冇寫。結果兩日後，地產同我講"處理好，買家決定全部唔要，今日佢上咗去度尺做傢俬"，我即刻又爆！咩事呀？簽咗臨約點解買家仲可以話上去親就上去？地產話唔係冇呢個做法，業主同意咪可以上囉。我？？？咪係囉，我咪業主囉，點解冇人問我？呢次我都忍唔到話我媽（自問冷靜）要佢一定要每件事同我講聲先做，我冇辦法按接受明明係自己屋點解唔知發生咩事。我老公幫手做和事佬（其實佢都嬲）同佢解釋。
呢兩件事中間有Skip d小細節，個地產係完全唔專業，所以我唔再信佢。但無論如何，我以為呢次同我媽媽講得好清楚，佢已經明白間屋有咩嘢要同我講返。
結果：
3）隔咗排大家通電話，諗住順便傾下間屋點清，我自己搵咗間收傢俬。我媽閒談中講到，幾件大傢俬同洗衣機雪櫃已清咗送俾同事，只係淨返幾件，可以點點點做… 我內心（！！！）但已經無力去問。今次我唔敢再同我老公講，諗住話我媽問可唔可以送邊樣嘢俾邊個，佢實OK。唔敢再講喺我哋唔知道嘅情形下已送走咗。
我唔知大家明唔明點解我咁嬲，間屋曾經係我哋嘅屋企，充滿回憶，我哋想好好處理。而且冇人想自己間屋冇掩雞籠任人自出自入鐘意咩就抬走咩。
唉，嬲，不過都係呻下
明既
地產都係衰衰地架喇
可能知道你唔係到，有啲側側膊傻下你媽咪，咁佢又話好，最後就賴落你媽咪到話「佢同意」
正如啲知你移民就壓多啲價，總之望成交一樣！
呻完舒服啦～
做左既就由佢過去啦，唔嬲唔嬲，下次再學精啲
3個讚
間屋係咪無人住？
喺嘅話何不方便下人哋早d 去度尺寸？
其實人都走咗，開開心心咁享受新生活啦。
你賣得層樓都成為人哋嘅屋企，有人接收都已經係好好處理。
如果想完全合你心意就只能靠自己，呢個世界無人完全同你諗法一模一樣。
19個讚
既然間屋你都冇機會再見，除左賣樓價錢等等嘅細節，其他野就放手吧，你媽咪問過你先當然最好，但其實佢唔問個結果對你而言都分別唔大，傢俬有人接手都係一件好事呀，新業主可以早啲上去度尺都係好事呀，冇人因此受影響～呀媽可能覺得小事唔想下下煩你，未必真係有心越權嘅～～～放鬆心情吧！
6個讚
老人家係咁上下，樣樣都覺得可以話事，因為你已經委托佢幫手，已經離開咗就唔好想太多，係世界另一邊好好生活啦。
2個讚
係呀，冇人住
唔係唔上得，係問咗人先
我覺得人哋嘅嘢問咗人先去使用係禮貌問題
唔關諗法/價值觀事
至於好好處理，講真有人拎嘢我哋都會提輕手d, 儘量唔好鞋花碰撞，一樣係顧及新用家感受
係，我自己買樓時都係咁
所以冇人問過就地產帶上去我覺得好愕然
同上。冇唔俾人度，問過屋主人先入屋係禮貌，唔係自出自入冇掩雞籠
但你媽係咪冇經驗先?
佢地可能覺得又冇人住,比人睇下唔會蝕乜野
係呀我知道
所以第二次我同我老公同佢講咗，之後間屋有咩都同我哋講聲先再做決定。結果都係有事件三
A_lcy
18
所以上面咪問你係咪授權俾你阿媽囉，係嘅話佢法律上有話事權，雖然你會覺得自己先有資格話事。
其實好小事，當幫咗新買家，無謂破壞自己心情。
3個讚
係呀法律上係全權
但等於成交價唔會自己話事會互相商量先
我個人較重視溝通同互相尊重
件事當然唔大，但我唔認為喺大家有協議嘅情況下可以是但一方破壞而冇知會。
等於我出國前已應承朋友等佢哋拎嘢，佢哋都好開心mark好要邊樣，我先會同地產講好份臨約會點寫
A_lcy
20
繼續用呢句說話覆返你，你媽都係幫緊你，諗吓佢唔使後生留喺香港照顧佢，仲可以幫你處理埋你離港後嘅事，令你唔使賣樓先走到縛手縛腳。我唔覺得呢件事要令你嬲佢。當然，呢個係我個人睇法，所以我都話人人睇法唔同。
27個讚