中原大數據資料顯示，10月首九天中原十大屋苑僅錄得20宗登記成交，較2003年8月同期的116宗少83%，較2008年12月金融海嘯的130宗，少85%，該行形容交投是「衰過沙士、金融海嘯」。
中原地產亞太區副主席兼住宅部總裁陳永傑表示，於樓市辣招的嚴控下市場欠缺炒家，令物業市場流通量大不如前，加上疫情下的出入境限制及疫情造成的經濟下行，香港樓市猶如「一潭死水」，欠缺正常的流動，過去兩年入市買家主要以本地上車需求為主。
他又指，本港已跟隨美國加息，各項經濟數據反覆向下，股市波動，買家入市信心不足，令物業市場成交進一步萎縮，9月份一手僅600餘宗，創半年低，發展商見市場氣氛冷卻亦不敢貿然開賣，本月首9天一手錄得120餘宗，預期本月一手成交與上月相若，達約600餘宗。 二手市場方面，他預期依然低迷，若月中公布的《施政報告》，欠缺對經濟或樓市的刺激措施，十大屋苑成交或會跌至低於100宗。
陳永傑指，中原城市領先指數(CCL)於今年內已錄得逾一成跌幅，已重返2019年2月水平，而近日成交個案皆需蝕讓，相信不少業主為了套現，亦不惜蝕讓轉手。事實上，樓價下調逾一成，不少近年以高成數按揭入市的買家，已陷入負資產危機。陳永傑指，低迷的成交量已證明樓市已進入「冰河時期」，早前為了熾熱樓市而推出的辣招已不合時宜，於樓市「發冷」時仍堅持給予退燒藥，將令樓市病入膏肓。
又係喎, 如果一成首期買一千萬以下樓, 又真係負資產左… 銀行會唔會 call loan 呢? 
咁無問題啦, 聽 agent 講高成數按歇對買家收入要求好嚴謹, 應該肯繼續供就 okay
其實未必
有啲如果銀行知做飲食零售，有機會特別留意
大部分新盤通常比發展商抬價，
由其是那些（呼吸plan），買家可以遲啲上會，
樓市逆轉，買家就PK。
1個讚
之前我好似有講過，2021年尾識人呼吸plan 買納米盤
雖然佢好似應該搵到錢，不過都係good luck la
要睇跌幾多
1000萬跌到 700 又借 9 成，好難講
好境時, 樓市好, 你供唔掂就call loan, 返正拎銀主盤拍賣容易賣出, cover到條loan
唔好境時, 銀行水緊, 會搵D有財力供得掂嘅人call loan, 反正尼班人有能力還, 減低銀行自己借貸比率. 有D開始供唔掂既未必call loan住, 萬一call完還唔到, 銀主盤個價又唔靚還唔晒, 銀行都唔想壞賬升.
非常唔好境時, 銀行自己都攪唔掂要撲水, 唯有殺雞取卵call loan, 賣得幾多銀主盤得幾多
2個讚
直接來講，近十年入市買納米樓，搵唔到水魚賣唔出真係永不超生。
3個讚
只可以焗供。
納米樓，龍床盤好難放，本身買入價都二萬至三萬一呎，依家跌市，買家可以揀樓齡耐少少，但呎數大的一房，細兩房。
家庭同會想生小朋友的couple都唔會揀買細單位。
1個讚
如果港島區 + 平，重可以公司租比外國黎香港做嘢啲後生人。
但而家重多唔多外國黎香港做嘢啲後生人？
租俾內地生，佢哋要留7 年先有永久身分證， 4年大學住宿舍，還要租三年樓搵嘢做，攞到身份證有啲會死返上去，有啲撈得掂會留低租屋和買樓。
搵水魚接火棒，一定要搵呢啲。
1個讚