中文記憶法....

小兒不才呀, 中文一直都麻麻哋, 而家小三, 發現佢都唔係好理解到文章, 唔識得搵詞語填充, 有同學家長介紹, 中文記憶法…但睇過都係主要畀幼兒記字既, 如果係小三咁大個, 出去外補, 已經要操練, 我個人唔想令佢會唔鍾意中文, 有無咩方法可以愛上中文?

佢本身唔係唔鐘意中文,只係佢唔明意思,所以搵唔到合適嘅字去填充

係咪主要睇開英文、所以中文麻麻地?

我有朋友小朋友、好憎睇中文書,後來係我朋友引導佢睇謎語書,破奇案嗰啲書、佢想玩,解謎,唯有睇字

之後中文有進步

始終語言嘅野要慢慢嚟

2個讚

要搵出佢記唔入腦既原因係咩。係太難太悶,定係記極都無辦法,定係從心唔喜歡,英文叻而輕視。

如果唔鍾意,要將學中文變成打機咁好玩。如果比過心機但都未如理想,可能係讀書方法問題,可能需要重覆讀比自己聽,要寫住記入腦等等。

小三先來求救有d遲,應該都幾大壓力,更唔想讀。要好好建立返佢學中文既信心,路遙漫漫,應該要幾管齊下咁追返上。

畀d佢有興趣睇嘅中文書佢睇
一開始最好陪佢一齊睇,你一粒一粒字讀比佢聽
等佢識多左字,就可以自已讀

小三未呈分,有時間丫,睇下故事書啦,推薦台灣D 兒童繪本,由少字淺D 嘅開始,去誠品、讀書人睇下。台灣繪本好多好得意又畫得靚嘅書,我記得有本講屎尿屁,當年睇到我仔卡卡笑。

搵一樣佢會沈迷嘅主題,然後再畀中文版佢睇。
例如佢好迷偵探查案書,你就買呢類書。
佢好迷 Minecraft,就買 Minecraft 攻略畀佢睇。
鍾意睇恐龍就買中文恐龍百科。

灣仔聖雅各福群會,
你遇到嘅問題,試吓問佢現在仲有沒有相關嘅支援服務。

我知道佢哋係中環有中心,唔知道現時佢哋情況有冇改變。

小三呈分試對學生影響好低,唔需要在意。

而家就每次同佢複習課文, 解釋一次畀佢聽先

可以幫助小朋友學好中文?

都係, 佢忽視咗中文, 但佢唔係唔鍾意, 佢都肯去造句, 只係唔多詞語表達到

你聽過『讀寫障礙』嗎?
佢有一套方法教這些兒童,你可以從中了解下,嘗試用在你兒子身上,

hello~ 請問有推介嗎? 個仔好鐘意, 有無啲淺啲啱幼兒? thanks

呢度都好多家長提及,中文好…令小朋友玩上手就係最好方法(我小朋友都係以玩學好中文),特別好多家長由幼稚園開始重英多於中更甚,中文基礎比英文難,所以點解世界上最難學既語言就係中文.

仲係小三,父母多啲同小朋友玩或睇關於中文既野仲好,且開始時候父母最重要唔好要求高分或全部都啱,令佢慢慢建立返學中文既信心.