林芊妤Coffee著瑜珈褲拜山惹爭議 發長文及實行30日「leggings challenge」反擊網民
2022年10月6日週四 上午11:29
林芊妤Coffee著瑜珈褲拜山惹爭議 發長文及實行30日「leggings challenge」反擊網民
林芊妤（Coffee）由藝人轉行做瑜珈導師相當成功，又推出自家瑜珈服品牌CoffeeSweat，不時都會穿上自家瑜珈服作生招牌。日前，林芊妤於重陽節與家人前往掃墓，其瑜珈褲打扮就被網民批評，驚訝Coffee拜山都要著瑜珈褲，令Coffee親自回應：「我想問有咩問題？」；Coffee仲喺IG發長文反擊網民，又決定實行一個為期30日嘅「leggings challenge」。
瑜珈褲係近年極具爭議嘅外出穿搭造型之一，部分人認為瑜珈褲太貼身，又唔明點解女性唔係做運動都要著出街。有網民就批評Coffee著瑜珈褲去拜山，又扯到去Coffee個性問題：「佢個個性就係咁，喜歡人睇，驚死人唔認得佢呀嘛」；Coffee就忍唔住回應及截圖分享，表示睇到呢個留言真係眼都突埋，解釋指當日由山腳柴灣行到山頂淩霄閣，全程行到身水身汗，反問網民著運動衫係有乜嘢問題：「總好過我著到登台咁去拜山啦係咪？同埋我之後都係去郊外風箏場野餐同放風箏，全日都係運動日」，又指現場都有好多女仔著瑜珈褲，登高都係運動嘅一種：「我唔著瑜珈褲，唔通我著條裙去會合理啲？」
Coffee亦發長文表示，唔明白點解著自己鍾意嘅衣著出街都要畀人討論及標籤：「如果你覺得我哋著（著）得唔靚又貼身又肥又露，難道我哋又一定覺得你嘅衣著好好睇？我想講喺呢個世界上需要討好既人就只有自己，自己鍾意著（著）咩出街唔到其他人理（只要合法）。」又提到如果呢個世界少啲批評多啲接受，會更加美好。就此，Coffee決定實行為期30日嘅「leggings challenge」：「無論食飯行街去Event去買餸，任何諗得出嘅場合都著（著）leggings（情況許可嘅話）」，除咗要話畀所有人聽佢鍾意著咩衫係自己話事之餘，更加係為所有鐘意著瑜珈褲出街嘅女仔出返啖氣。唔少網民都留言力撐Coffee，表示著瑜珈褲出街好平常，重點係要自己舒服；但有網民留言揶揄：「支持30 days殘廁gathering challenge」，Coffee忍唔住回應：「呢個challenge你自己玩啦」。
林芊妤（Coffee）
林芊妤（Coffee）
我雖然係女人, 我亦鐘意睇靚女, but…即使COFFEE 個BODY 真係好正都好, 我都係接受唔到 著條咁既legging 出街… 明明唔係做緊yoga… 我認我守舊
可能我見得太多, 肥肉亂gi… 成個 “妹妹” 形狀都夾晒出黎果D… 肉酸demo… 影響左我對呢件衣著既主觀直覺.
21個讚
佢係身材好，著都係合理既
不過真係唔係咁多人著得好睇
真係「那裏來的自信」
成日見到啲女仔下面成個型都出哂
作為女性見到都反胃
唔明咩意思，要周街比人睇到自己下面既shape
可我老了，老土了
我唔會比我女咁著出街，係屋企都唔比咁著
2個讚
同意, 身型好, 著得靚著出街都無可口非… 但真係有好多人著到令人側目… 著到有camel toe, 大佬呀… 你唔尷尬, 尷尬就人哋囉…
5個讚
同意呀，又唔係十八廿二，仲未明白去咩場合應該要著咩裝扮咩……
瑜珈衫褲係運動裝，充其量都係當休閒裝。
9個讚
yoga褲本身係有其功能，就等如泳衣一樣，不過潮流嘅嘢係會不停咁變，以前只有有錢人家嘅女人先會扎腳，而家扎腳就被視為變態行為，所以都冇話著yoga褲出街唔得，當見到影響市容毫無美感的yoga褲人士時，自己唔好望咁多之餘，真係十分佩服佢地嘅自信！唔知我有生之年會唔會有人穿三點式去拜山呢？ 
3個讚
我覺得無問題，大把人著high heels/拖鞋去行山/拜山
題外話, 我覺得十個著魚嘴鞋, 7/8個都插/隊出兩隻腳趾, 堅核突, 但人地喜歡著, 無問題
1個讚
我訪問過我身邊既男人, 佢地都認為, 係coffee 既, okay, 但只要多多餘既肉同夾晒妹妹出黎, 就好嘔心, 男人都唔欣賞
4個讚
唔同場合，要有唔同衣著
到底佢係去拜山定郊遊？拜山既話咁著係咪有多少唔莊重？
雖然著乜野係佢自由，但佢既回應亦都俾人感覺唔夠成熟
4個讚
講開又講, 我響北京見過有同包著5吋high heels同半長裙 上長城 
佢仲可以行得/爬得快過我果下好野, 但我睇晒佢成條pink pink 加大碼底底
其實香港女人真係對其他女性嘅衣著評價好 harsh… 手臂粗啲, 唔著得無袖衫, 小腿肥啲, 唔著得短褲短裙. 個胸大啲, 唔著得低胸衫. 著得顏色鮮艷啲, 就話你扮到成隻雀咁.
只要唔係豬西格, 女人有自信其實已經最美.
8個讚
