小朋友未到讀書年紀，諗緊應該留港讀幼稚園（平好多） ，之後讀小學先去英國讀 Local school , 定老早去英國唔讀幼稚園，等讀小學（免費）算。
英國Child care 其實唔係真係咁易用到，好少可以比你只用個每星期15 小時
諗清楚， 留係香港自己會唔會覺得日子好難過?
過英國其實係為乜？
做人要清楚自己想點，唔需要跟風
7個讚
係啦，其實你要諗你無錢點樣係果邊生活，還有你現在生活係香港係咪好唔開心，一定要走。不是跟風，要睇自己的心態和經濟。
無咩錢嘅定義人人唔同,你係大約幾多先!
只係覺得長遠香港都收收地，小朋友左計右計都係去外國讀書好啲，我呢排在街上見到太多成口普通話既細路。
只係諗緊呢兩年仲留唔留在香港，儲下錢先算
如果真係想走, 諗楚自己長遠係英國點生活.
接唔接受到生活既改變.
無嘢係完美嘅, 過咗英國你會見唔到一D唔想見既嘢, 但可能會遇到令一D唔想見/唔想面對嘅嘢都未定
如果錢夠你一個人做野維持到生活費同交租，就可以去
如果你唔係有非必要走既理由同動力，其實我自己覺得要睇機會成本。你要衡量下你喺香港而家既生活同去左英國既改變邊樣更好去決定。否則你去左又後悔就2 頭唔到岸。
例如講：
-
如果你而家喺香港係雙職，有人湊小朋友，收入大過支出，又可以儲下錢、去下旅行咁；但你去到英國好可能只可以一個出來做野，咁你有可能入不敷支，或者儲唔到錢、冇閒錢去玩之餘仲要自己24/7 咁樣做番工人姐姐湊住小朋友 + 買餸 + 做家務？呢樣你自己諗清楚係咪接受到。
-
如果你平時喺香港鍾意逛街shopping、食好西、約朋友出來玩、又唔太鍾意郊外活動；但你去到英國就會完全反轉，呢度大商場唔多、買野種類冇香港咁豐富、外出冇乜野好食，絕大部分都係自煮、朋友活動都係喺屋企傾食玩多、呢度出去都係戶外活動多、但冬天好幾個月係日短夜長又大風大雨，基本上都係屈喺屋企。可能你剛剛來時會覺得好新奇，但住得耐你要諗下會唔會唔慣同悶？
我覺得首先自己可以整個chart 比較左先再考慮，真係䑁得值得同接受既先再計資金同移民時間表。
13個讚
仲有就係唔好以為英國讀書完全冇壓力，小學雖然冇功課但學校俾好多責任家長去教，要同佢溫書，除非你完全躺平佢識唔識都冇所謂，否則你希望佢追上進度的話係要督促，學校都會assess學生出評估佢個進度達唔達標，上中學更加緊張，學校緊張成績的話會谷，否則靠家長自己來，所以我唔認同英國讀書係輕鬆，只係冇香港咁顛啫
3個讚
So True …sigh… 
兩難…
計好自己盤數先
可以等小朋友4歲讀reception先走，到時可以返全日加after school就會好好多，而且4歲已經相對易湊，呢邊nusery得15個鐘幫得好少，而且可以草下錢先，香港始終人工高好多
我記得你，之前出過post問幾十萬走唔走到，我都覆過你。覆好大篇叫你計計數果個
不如今次我講下我自己，其實我比你係更少儲蓄，亦即係我比你帶更少嘅錢去英國，唯獨比你好嘅係我仔6歲，去到可以返學。而我睇得更多嘅係而家香港小學嘅野，係令我更有決心走嘅。
其實我都好擔心架，但我相信只要肯努力，一定可以成功，我寧願趁我同我老公而家仲可以捱，過去捱左個頭先，個頭係一定最辛苦，如果再過幾年，我地再老幾年，適應能力只會越嚟越差，身體機能都未必容許我地去捱。
咁當然，你要同你另一半溝通，大家都要肯捱個頭，而你都要有心理準備，可能除左一份ft工外，再去炒下散，可能開頭係辛苦d，但我記得你係做IT，始終有一日你可以做返本行。到時咪舒服d。
自由係無價架。
14個讚
你到埗未呀？
未呀
1個讚
覺得篇野唔知係唔make sense，定係誇張左。
日常父母同小朋友講廣東話，點會番左學之後會變成唔識廣東話？
父母喺屋企唔同佢講野？只要父母堅持講廣東話，亦都唔回應小朋友既國語，咁喺屋企就只有一種語言
完
4個讚
同意，係英國都唔會，屋企人用咩語言小朋友母語就係咩，唔識廣東話唯一可能係父母都唔講，呢種情況10年前已經有，淨係講普通話或者英文
係囉，點解D 咩ABC / BBC 唔識講廣東話？因為佢地用英文同父母講野，父母由佢地，繼續用廣東話/英文答，咁佢地咪唔識廣東話囉。
如果因為呢個原因而離開，薄弱左D囉…
咁屋企人多人少，多唔多傾計都有影響，我小朋友除左屋企人之外所接觸嘅都係英文，唔見佢有呢個情況，可用詞彙又唔覺少左，即使冇咁叻但都一定唔會唔識講