食完麥當勞應唔應該執枱掀熱議 食客執晒清潔姐姐會失業

樓主帖文一出,網友留言好壞參半,更引伸在香港食完麥當勞後應否執枱的討論,有人認同樓主所言,屬文化差異,但也有人表示背後可能牽涉好多原因,不應妄下判斷,例如臨近收工時間,難以避免一些自私食客,可能夠鐘也趕不走,唯有出此下策,間接拒絕堂食;也有人表示,可能只是人手不足的問題,樓主不用想太多。

相反,亦有人指出,自己習慣用饍後會清理食盤,甚至拿走上手剩下的托盤,然後自己得以坐下空位用餐,不過卻有人表示,親身試過給員工建議不要幫手執枱,因為如果位置分類全錯,更會幫倒忙使職員徒添額外工作。不知讀者看法如何?

2個讚

如果喺外地旅行, 見其他人收拾我就照做, 但喺呢度就曾經俾D清潔人員話過 (個原因係: 我執咗, 佢會冇嘢做, 間接令佢俾人炒 :grimacing:) , 所以就冇再幫手執喇

自己會執,搵到位但之前食客留低既垃圾都會執埋,費時督眼督鼻 :grimacing:

睇情況, 見有清潔好得閒就唔自己執, 等清潔執
間鋪已經繁忙到爆又多人等位, 會自己執

2個讚

香港嘅文化一向都唔執,因為餐廳有請人執。
但去到外國就要跟番人地個文化去自己執。
有乜好拗

2個讚

基本上都一定自己執嘅,除非帶住BB又一抽二「lun」咁就可能將個托盤遞去比附近職員幫手。

目的都係想下一手盡快有得用,其實我仲會食前食後都會抹返張檯、執返跌落地下嘅食物,我諗好多帶toddlers 嘅媽媽都會咁做,你唔執返抹返真係唔好意思交比下一手架,戰場咁。

試過去韓國食m記,
寫明要自己收拾餐盤。
怕我哋唔知,
食到一半個服務員走過嚟,
用普通話同我哋講:
自己收拾餐盤,
我哋唔會同你執。 :sleepy:

嘩咁正!?
我估係某國人經常唔執檯所以先有呢d 溫馨提示?

依家香港m記都有寫,
請自行收拾餐盤。

自己執, 姐姐清潔台面
perfect

我會執同倒,但如果有姐姐附近,我可能會遞俾佢,叫做 “show 到佢有野做唔會俾人炒”

其實有人執又唔駛太刻意話人地唔執嘅

外地旅行都唔係度度嘅人會執

點會炒?
除非您幫間餐廳抹埋張枱同拖埋地者:joy::joy::joy:

好老實,拎個盤去掉嘅最大好處,只係會幫下一位客人好快有位坐之嘛。

該主題在最後一個回覆創建後90天后自動關閉。不再允許新的回覆。