不停畫 
3個讚
我最怕就係呢d, 所以要好小心處理退學既問題，即係放棄既問題，亦因為咁我小朋友既興趣班我都跟得好貼，即使係上好one off 既班，我都會著重睇佢上堂態度，反而係咪一學就識呢d我又放得輕，因為唔識可以練，但個人怕難唔願試，你就去唔得遠。
係呀好多父母以為有錢就可以outsource 好多野，比左錢個小朋友就唔使跟會自動地叻，所以課金越多人就應該越叻，wow!
是否另加多自省同堅持改進和學習
香港既父母咁功利，講就個個都明，但實際上係一個course 谷唔起個細路就上3個coursesss lor!
1個讚
其實呢啲先最攞命，多過錢，我哋而家嘅生活都差唔多，夜晚陪佢訓練到10點先返屋企，第二日6點又要起身去老遠咁練，返屋企抖兩三個鐘，黃昏又操過，去到8點先有飯食，好攰。
1個讚
咁都要小朋友肯操練先得。
個時每星期有兩日要陪阿女去淺水灣/香港仔操練，我地住荃灣，真係好遠。
上到中學都仲有去。
平日阿女就跟學校操，如有晨操5：30am便出門口，lunch係學校操，放學係學校/校外再操，9：00pm先返到屋企食飯。
請問學什麼活動？
長跑、rugby
大家都一定攰。
只要目標明確，又朝正確方向行，我覺得值得。
見到你哋咁努力，我好慚愧。我今個暑假陪仔學游水，由5月1日開始每星期1.5小時從不間斷，堅持咗5個月，已經好累～
除非立志從事呢方面或者覺得小朋友真係非常有天份可以做到呢方面的最top啦。否則我真係做唔到大家咁接送法，但求有d興趣大個繼續做就算
你係邊個階段去判斷個小朋友有才能?
有可能細時十優但入到大學先變廢青，亦有d係小學好平庸但上到中學變數學奇才。金錢只能“托”住一時，長遠都係要靠個人性格價值觀等。
我自己仔女，用金錢“堆”過，但唔覺得“砌”到什麼出來…
1個讚
我都識人讀完大學，畢業番工做一排又轉工，轉轉下都唔願再揾工匿係屋企打機變左啃老族。
有時除左才能，性格/溝通技巧/抗壓能力好似更加重要咁。
3個讚
呢個真係好可悲
俾我老土啲講句：培養才能之前，首先培養品德同埋毅力。
4個讚
題外話我成日諗，古時啲人如果佢天生嘅才能係現代先有嘅嘢，好慘
咁個基礎一定係小朋友好有興趣，有個野心，先會去到操練個階段，唔係連上多兩堂都做唔到。
只可以講「錢」係其中一個元素，
但未必係最重要嘅元素，
我反而相信「際遇」多一啲，每個人食幾多著幾多都係一早已經安排。
1個讚
都唔係康文署有啲學遊水好平，
或者非牟利機構學。
我覺得有啲才能本身係唔使用錢推砌出嚟，係練習多啲就得，例如跑步啊、畫畫咁。但係香港嘅商家睇準左啲家長或者學校鍾意小朋友多才多藝，每樣興趣都整晒興趣班，收到貴一貴。
畫畫班又整啲咩證書、比賽、獎項，搞到而家樣樣野都係講錢。唔好講小朋友呀，有時而大人想去學下插花、聖誕節整吓花圈，本身去花墟買材料唔係好貴，但係你去啲聖誕花圈工作坊都夠膽收成千蚊整一個。好多都係去啲咩工廈。
3個讚