珠心算同游水去到某level 可以停，手工班可能人大左無咁鍾意，畫畫學左d skills 應付到學校，無特別想畫落去都可以停，最後係羽毛球，如果當跳舞都做左運動咁drop 埋羽毛球又ok.
所以其實佢drop 得幾make sense, 同埋最緊要係小朋友自己揀。
我覺得係睇父母想唔想教，
我中學修ART，但我無教亦唔會主動教我小朋友畫畫，等小朋友想知點畫又開到口叫我教先教，同教小小點上色技巧。
我老公咩都識佢都係唔會主動去教。
反而我唔識個啲會想小朋友去學。
1個讚
的確要小朋友有興趣先得。但點樣引起興趣呢？我見身邊識彈琴畫畫既父母都係小朋友好細個就引導佢地向呢方面學習。例如早早比佢地接觸音樂，彈琴既會陪練；畫畫既自細一齊畫，用不同顏料物料去創作，雖然話art work 可以上youtube 學，但屋企有人做開藝術創作既可以啟發出黎既level就係唔同，不過大前提係個勁人願意陪小朋友玩啦。
如果咁岩小朋友又有天份，係幼稚園k3已經見到同其他人唔同level. 咁屋企有人識wo, 事半功倍。
1個讚
小學已經可以知道，聲帶要由細學習保護，
1個讚
畫畫用嘅錢都多，啲靚顏料分分鐘一支就係一餐飯。素描都要幾枝靚筆靚畫簿，齋用街邊 $2 鉛筆好難追求到更高層次嘅畫技。
之前嗰個 Celine Tam 爸爸護聲家規就係唔準飲凍野唔準食煎炸或者任何零食。
就算呢啲忍得到口，都難保生病。有啲真係病完把聲都會唔同，青春期變聲又唔同，懷孕生完把聲又變。最難保養!
我地用普通貨畫JA,我做插畫既朋友有一半都轉左用電腦畫圖
我都係咁 
會講下比例果D,但我唔會干涉咁多,小朋友畫既畫好可愛 
1個讚
我見好多都係咁，自己識嘅就要小朋友都要識要去學，我真係唔明解。 
咁如你所講，小朋友有天份又有興趣同主動學，我都係會俾錢出去學 
，自己所識嘅技巧我會當作係屋企輔助佢。
大咗真係唔會再用紙筆嚟畫畫。加上睇呢家香港個幾個出名漫畫家都係電腦畫四格漫畫。。
我上面講個d朋友都係，屋企引左興趣，去到k3以上就send出去比人教。又因為係呢個界別浸過，有好好既connection, 可以搵到收山既師公教琴或者好既畫師去教小朋友。再加屋企輔助，條起跑線已經唔同啦。
唔知點解地，通常父母識個樣野，小朋友一係好有天份，一係好無興趣。但我見無興趣既都會比父母捉去學，尤其彈琴，點都學到5級識d樂理先放手。
1個讚
有錢條路當然行得易好多，但都有好多方法唔使用錢培養小朋友嘅，但就要花多好多心思囉
2個讚
你講嘅轉變，
可以變差，也可以變好。
由興趣班培養到成為才能，少個錢都唔得。
就當叻到有獎學金，淨係接送去訓練都唔少人力物力，仲未計比賽，如果海外賽，父母陪飛時間金錢都唔少。
1個讚
你呢個諗法太積極，剩係有錢都係無用架…
仲要父母時間心機，小朋友天份和主動性，再加埋父母人脈見識。
係要全部都有，先會有才能。
見過家長剩係有錢，任何材能班都俾小朋友上。但小朋友係唔肯騎馬，打一堂網球就話手痛，打golf又唔堅持… 家長亦無心逼，又引導唔到。結果都係全部無用
4個讚
應該咁講，你用錢培養才能，但唔好為成績，應該為小朋友個品德、靭力、見識等等
冇錢嘅就盡量睇餸食飯，一樣唔為成績但可以培育到細路
1個讚
我鄰居個女，自細打高爾夫球，阿爸阿媽要陪個女去練習，海外比賽。
另一朋友個女游泳，一星期操練足7日，返學前練，日日清晨5點幾車個女去泳池，等練完後，車返學。
係，就算幾有天份，父母付出少啲都攪掂。
好多時訓練地點同學校或者屋企唔近，飛車點對點接送，如果唔揸車的士錢都唔少。仲未計私人教練補鐘，私人教練過千蚊一個鐘。
但又咁講，唔等於父母肯比錢同時間就有才能，只係有天資都唔可以缺錢。
4個讚
100分
可唔可以分享下你個自學方法？