平安抵英已進入第三個星期, 連日忙於睇樓, 這兩天終於找到心水樓了, 但仍未知業主是否接受我們嘅offer, 所以還未算真正落到戶. 等真喺租到了, 網上有經驗朋友都有告誡, 入住時一定要驗清楚所有的地方和傢俬, 嘩, 如果咁做, 工程都幾大, 萬一睇漏眼都幾大鑊, 所以想在此問下, 有冇朋友喺退租時俾業主或代理刁難而扣按金呢?
1個讚
每個角落都要影哂相，枱邊崩少少都要影，清楚狀況要影，廚房廁所有冇黑邊都要影，仲有影埋花園情況，有冇雜草，跟住全部report俾agent
正常業主會俾份inventory check report你， 之後對一對， 而你另外有咩發現亦可加上去
Agent 有份 inventory report 影晒全屋所有角落同電器狀況，你發現有其他問題可以影相通知返 agent 加落 report。
留意合約有冇寫明退租需要 professional clean，如果有要搵清潔公司同留張單俾業主睇。我搬入去前只要求業主洗地氈，所以合約寫退租還原返入住時狀況就可以，我清潔晒全屋，剪晒草同油埋牆就收返全數按金。
1個讚
我見好幾個朋友都喺網上話搬走時要油墻, 有啲唔明點解要油, 油墻都幾大工程喎, 要請裝修師傅做, 唔喺自己做得喎.
因為要還原間屋俾業主，所以要油牆。配返同色油自己油就得，唔駛成幅牆油，只係油撞花或發霉地方就可以
恭喜平安到步，未租到現住酒店?
配返同色油都有d難度喎
如果牆身係白色就容易配，唔係白色可以問業主油嘅號碼，再配返
1個讚
我本身想自己來，其實油牆一d都唔難，但我問過業主幅牆乜色，佢話唔知，唯有局住俾佢扣錢
買過幾枝，油上去差好遠
佢俾你自己油牆都唔錯
我諗我業主吾會俾我油牆
不過租樓都幾煩
我識既都有全數攞返deposit的， 吾駛諗到咁壞
其實長遠都是買比較好，就算平平地買間排屋都會安樂啲
係， 買左等收屋
另外我租既係包傢俬， 有兩張淺色sofa, 我都買兩張床單包住， 怕深色牛仔褲坐落去磨磨下有色
1個讚
我冇問業主俾唔俾，本身識補牆同油油，油完業主都唔知 
1個讚
唔使問業主，配啱油幅牆油完睇落完全唔覺
我哋還未住入租屋就已經有想買屋的諗法了, 但呢度嘅樓價已被港人炒起晒！所以都幾無奈. 不過現時英鎊下跌, 希望來年樓價會合理啲啦, 買咗樓嘅朋友唔好嬲, 我只喺希望樓價回返合理啫.
1個讚