我高齡有左3個月，老公開loud speaker打比99想話佢知，我一齊聽
99第一個反應勁冷淡，問做乜咁耐先講，開始數你地年紀都吾細一早應該生，又話肯定係因為貪玩先拖到而家乜乜七七，我成60幾歲一個孫都未有得抱，又話d親戚一兩個月就知性別點解我地3個月都未知。事實係前幾年娘家人有cancer要我照顧，跟住又買樓裝修疫情公司焗打針過冷河，造人又要時間，佢乜都吾知就斷定我地。我心諗生仔心態財力每人準備情況吾同，同生左要教架，你估好似你咁18歲比人搞大個肚生幾件又吾識教咩(佢而家仍然認為天生天養就得)
話完我地就開始關心自己個女(27歲，佢勁賜)仲未肯結婚生，我個下已經開始覺得血壓升緊吾再聽
收左線老公又覺得冇乜野，可能大肚敏感左，理性知吾應該同d老人家計教，多謝大家比我呻下
從此以後同奶奶溝通儘量交俾老公，唔好參與，唔使隔離一齊聽
保持禮貌距離，外交式溝通
講真如果佢真係咁負能量，bb 出咗嚟都唔會like 佢
你99講野咁難聽
呢啲奶奶
淨係關心自己幾時抱孫，有冇問候過大肚婆一句先？
好似我呀媽,打親黎都不停話我呢樣果樣,之後又話自己點慘點慘, 佢一輪咀咁講, 我完全無機會講野, 聽親佢電話都血壓升唔開心。所以我有左之後就block左佢電話和whatsapp
你老公有無同奶奶講明你一齊聽緊？如果無真係好無禮貌。你奶奶可能只係想講俾佢聽。而家得罪埋你。btw, 佢講d野好平常，無咩特別。如果你個係女，佢聽到時好失望咁款你先嬲都未遲
一次半次當體諒下老人家（難頂就梗）如成日係咁就減少見面，始終係細路嘅亜嫲，可以比細路知長大後唔係每個人都啱傾能相處都好
我鐘意你呢句呀
諗返同99嘅對話, 大多數都係D官腔 
你咁叻
我撞咗好多板先領略到個心同個口虛應廢話已經好夠
工作關係對開D西客, 用同一個方法處理99, 好work 
官腔都好過戰狼外交呀
我唔覺得係你敏感左
俾我都會唔高興
以後你既人生BB 大晒
呢d 人一d 同理心都無
以後有關湊BB 佢可能仲會意見多多
我都支持你逐漸同佢保持距離
可以既話大肚時都盡量以疫症成由唔好見
我99 算係咁, 我3個月返到奶奶度，佢隔左一陣問我：你係咪肥左？
我諗佢吾知我聽緊既，我諗老公都知佢係古古怪怪所以覺得冇乜野，不過我就好銀耳
我個情況同你有少少似（踏入高齡，要照顧家人，settle住嘅地方裝修又裝修etc)，分別是我未bingo 
如果會影響到自己， 就盡量唔好同佢太多溝通啦，保護自己同BB好重要
如果唔知你聽緊，當佢話個仔算啦，你都唔使上心，做番最表面最基本既孝順同尊重就算啦。
開心事黎，最緊要你自己保持好心情，恭喜。
唔到就忍，忍唔到都會爆佢
佢哋老人家，乜都諗自己先，所以你學佢乜都諗自己先就啱
奶奶，你咁想要，自己生囉
或者叫老爺搵個後生既生多件
我地都好OK架