首先呢個唔係移民post，問下各位有冇除移民外離開comfort zone經驗
最後覺得係得定失？
去working holiday 算唔算？
係得🫣 你唔出過去唔知世界原來好大
3個讚
同拍拖七年嘅男朋友分手算唔算
大家冇乜特別問題
但又淡晒
可以叫做comfort zone
但拖拖拉拉之後我決定adventure
暫時我覺得決定好正確
食而無味，棄之可惜嘅感情真係要決心離開
6個讚
我試過用手繪地圖去歐洲獨自旅行，之前喺酒店做research自己畫圖，離開酒店冇wifi，搭巴士，搭飛機，再搭巴士，遊覽全程兩日都冇Google Map，靠張手繪地圖
7個讚
轉工算唔算？
長休一段長時間我又冇乜試過
1個讚
我工作上。。。。響呢間公司20幾年爬到上黎。。。的確響comfort zone
近呢幾年開始覺得日日返工唔知為咩，再拼再努力都好似。。。為左老闆為公司賺錢，但錢又唔係落我袋 
毫無生命意義
我好想退休，但今年只係4x。。。2個細路未出身
我好想做d幫到人既工作，那怕人工低1半。。。但好多都要有證書。。。比如醫院助理，幼兒工作員 （年紀大唔夠時間再去讀個護士hahhahah）
4x 歲先去讀2,3年 拎認證。。。再轉行會唔會好crazy
2個讚
可唔可以試吓放工去讀PT證書先? 再試吓放假去做義工, 俾自己感受吓適唔適合再決定
1個讚
我依家份工做咗4年, heahea哋, 根本上d工作都熟能生巧
但因為小朋友開始大, 錢開始唔夠用, 想搵另一份challenging D, 但人工多D嘅,
個心理關口都幾大, 因為依家呢度真係幾舒服, 地點又就腳 (唔係晒命)
正有此意
辭咗大公司有前途嘅職位，揹背囊一個人去歐洲東南亞旅行。
3個讚
個時返工成日OT到2am打上，搵嚟d錢都要嚟睇醫生，又覺得壓力好大直頭想轉行，最後我新年睇咗發夢王大冒險就決定掉低哂d嘢去咗兩年working holiday，到今時今日都無後悔過。
3個讚
做得啱
Same here!
一定得多過失！
自己既見聞，閱歷，人脈都獲益良多
做左好多從來未做過既野：
Skydive, 騎馬，深潛，去行山連續行幾日, 農場摘水果, 做酒店執房洗廁所, 做遊樂場機動遊戲控制員⋯⋯
有啲工種應該一生人都冇諗過做，
個種賺幾多洗幾多，唔使儲錢，搵夠錢就四圍去，冇錢就搵野做⋯⋯
我好慶幸有咁既經歷，成就今日既我
4個讚
如果唔使擔心錢，就去adventure，做一D自己鍾意既事，甘樣人生先精彩，只要你夠膽去試及開創，學到得到既野，可能會係意想之外，人生太多野緊等我地去發掘
1個讚
對，Life is short 係我左右銘
1個讚
去到某年紀會覺得孤獨終老，唔可以成日依賴家人朋友，要學習獨立d
本身喺香港除咗返工外，基本上好少亦唔鍾意出街，但竟然試咗人生第一次一個人去旅行
由買機票到編行程、訂hostel都自己做
仲識咗個自稱嚟至黎日利亞嘅黑人醫生朋友，但我英文差，要用Google翻譯先傾到計
發現原來自己一個都做得到，都幾享受一個人去旅行嘅快樂，唯獨到而家都唔敢一個住酒店
同埋個陣一個人參加行路上廣州
同成班唔識嘅人行咗6日5夜
都係人生一個特別嘅體驗
1個讚
一向都係uncomfortable, 沒有comfort zone. 去邊度adventure都OK.
以前外國讀書想出去 day trip 玩 (自己一個)，冇 data 又冇人陪又冇車。前一晚我會上網望住 Google Map 模擬行一次，記住曬啲街口路名同鋪頭，去到就行，結果都行得到，去曬我想去嘅景點，朝早 6-7 點起身出門口，行到夜晚 6-7 點就搭返火車走。有一次係去一個博物館，我市中心出發，單純靠太陽位置認東南西北，一直行左 1.5 小時行到。(九龍灣行去油塘咁遠)
諗返都覺得自己幾大膽，陌生地方冇地圖都自己一個人去。
有次旅行係家人揸車，我想去一個都幾出名嘅森林，車冇導航只有一本地圖書 (地圖上面都冇寫呢個地方)，個度完全冇信號想上網求救睇地圖都冇，搞到屋企人都驚迷路。我又係同一招太陽睇方向同埋地圖書，同埋之前網上睇過嘅資料，搵到個隱蔽森林嘅停車場，仲去埋森林隔離嘅一個 cafe，個 cafe 完全值曬！本身家人都話我痴線 “咁多地方唔去，要去呢個咁嘅隱蔽森林仲要冇車站人影都唔多個”
1個讚
該主題在最後一個回覆創建後90天后自動關閉。不再允許新的回覆。