之前開過一個 “胃痛圍爐post”，我問題大致上係
初頭以為胃痛，晚飯後，隨機地。。1個月總有3，4次，半夜12點至2點就會發作。。痛，一痛就好幾個鐘，試過痛到半夜去醫院打止痛針，驚起上黎去照胃鏡，但胃又正常健康
響政府有跟開膽囊，原來係粒膽石越黎越大。。。一直15，16割唔割好，父母一聽到就叫我千萬要保住個膽囊，無左膽囊食野好麻煩，點點點 攪到我好心亂如麻，一拖再拖。。。
但情況越黎越差，我先介晒所有肥野油膩野 （本來已經好清，因為我從來唔食炸野，唔like打邊爐），但後來連甜野都要介 （甜品真係我最愛 好痛苦），先叫做好dd,但開始每星期總會痛一次，仲痛到入急症室。。。而食晚飯令我變得好怕好有壓力。
結果我真係頂唔住太困擾，我就唔理我父母講咩，拿拿聲book期入私院割膽囊。
割完出黎，一粒大膽石，大過手指公既手指頭，佔左膽囊既1半。。。我睇到粒石都 “嘩” 左好多聲。。。醫生終於知道點解我會痛得禁緊要。超聲睇都睇唔出禁大粒。
割完後，醫生講笑咁同我講，佢話，其他病人一般都要介口，要食好清淡，等腸胃適應，因為好易肚痾，但我。。。似乎個膽囊早就廢無左功能廢左好多年先會有禁大粒石，“功能”就係一運作只有令我痛但bi唔出膽汁。。。所以你身體應該唔洗點適應。
結果。。。我真係唔洗適應，我巡例食左2日粥之後已經正常飲食，無理多油少油 仲食返甜品，未肚痾過 亦無野再令我痛
我好開心，我重生了 再唔怕食晚飯 
謝謝花時間睇我分享
31個讚
我都十年前割咗膽，無特別食得好清淡，不過每朝食完第一餐隔一陣就會肚痛（好難忍嗰款），或者有時打完邊食到好飽都會肚痛，本身我係日日有得去嗰啲人，所以都無乜特別唔慣，你係咪好少飲水？因為我係少飲水嗰啲人，所以嗰時醫生叫我多飲水
我割完2星期。。。我反而有便秘 
我本身都未必日日有，1至2日1次
我本身飲水足夠，都食菜 生果，無偏食
我粒膽石，醫生都講唔到點解禁巨。。。但應該係好多年積落 同埋呢3年疫情肥多左，所以惡化得快左
我呢，唔止一粒，係差唔多300粒，醫生同姑娘話我好誇張，點解嗰時咁後生會有成300粒膽石，不過醫生話我好彩，如果跌咗落腎就好大鑊
1個讚
我想問下宜家搵私家割，要幾錢？我都有膽石好耐，唔痛就無理佢，年頭痛密左，入左急症，本身排左快期比我5月做手術，點知疫情問題，延至出年先有期做，但我見呢排又唔痛苦，又係心大心細唔想做手術，我老公叫我去私家做，但我問過要10萬，太貴。同埋心態上又係唔想割左個膽，怕食完野要痾同埋加重肝臟負荷。
我喺之前覆過你呀，我同你個case 好似，照埋胃鏡都無事，但照到有膽石，但幾個醫生都話似胃問題、唔係膽石問題
依家食緊第三次treatment, 都好似無改善
整體所有費用加埋，8至10萬左右，有買保險正常都claim到最少8成。 （我響法國做，8萬3埋單）
過來人黎講，我唔會等，亦唔會考慮咩食野麻煩問題。因為除左痛之外，後果可以好嚴重，會急性問題可以死人。btw 唔割但有膽囊發炎先至係加重肝負荷，你可以google下。。。
我之前政府都排左個快期比我，9月中見醫生，但所謂快都要出年4月，我等唔到唔想等，馬上book私家。
話聲你知，私家都好爆，如果唔係有人取消手術我都book唔到9月做手術，我已經唔揀邊間醫院任由醫生決定。
我做微創，手術後第2日已經出到院，第3，4，日已經正常生活
琴晚，係手術後2星期，食完牛扒，cheese cake, 正常7成飽，一睡就到天光，開心到想喊。。比著以前，我已經食緊止痛藥。。。
點解醫生會覺得唔關膽事呢。。。。你d石好少好細嗎？但細粒既都有跌出膽囊既併發症風險wo…
我睇左2個醫生，政府同私家，佢地都話，上腹痛其實連醫生都未必分到究竟係咩痛，如果有膽石，照晒所有上腹內藏都無事 咁就只能當係膽囊問題。。。當然我粒石太巨，就算唔識郁唔會跌出黎都好，佢地都建議我割，怕併發症會手尾長而且會死人。 如果你google下膽囊結石既併發症，你就會好果斷做決定。
P.s. 我因為上腹痛，幾年黎前前後後入過3次急症室，所以一直響政府醫院有開file跟開，決定割膽囊前我每年都有照開超聲波跟進，照過2次胃鏡，最後check埋肝臟8月時照埋顯影CT 就決定割膽囊。所以我個case係好肯定我其他內臟正常的。
P.s.我睇開2個都係外科專科並不是肝膽腸胃科
我都係「冇膽匪女」一族。割左超過10年，以前成日胃痛，現在吾講都吾記得曾割膽石。一啲影響都無。現在真係吾知咩叫胃痛。
1個讚
我唔洗等10年
我今晚食左意大利飯，加糖水 我已經好耐好耐無食過糖水。。。嗚
開心到呢～
傷口唔痕都唔記得左自己無左膽囊
純好奇，想問下有試過膽石嘅大家，你哋鐘唔鐘意飲奶茶㗎？
如果係，飲茶餐廳嘅奶茶定係酒店嗰種（即係用紅茶+牛奶）？
我99 d膽石攪到佢胰臟炎左幾次，佢話真係痛到想死咁滯！最慘係個胰臟發緊炎唔做得手術，一好少少又發，攪左幾個月先割到
手術前係情況轉壞時，成日痛，即使我食得好清淡但大便都有油，驚到我以為係胰臟出事
手術前，甚至無痛既時期，唔易肚痾。。。 我一向都唔係日日有便便 就算割左都唔係日日有便便
1個讚
我就係驚再唔割會攪到胰臟同肝出事， 我果時好驚開YouTube 睇又成日彈d 肝／膽／胰cancer資訊比我。。雖然我並無呢d情況。。。胰臟炎發得多會提升cancer機會率，胰臟癌死亡率極高。。。。驚到我即去做手術
茶走即係溝煉奶？
咁問係因為以前見有篇嘢話牛奶嘅鈣加茶嘅草酸會變成草酸鈣沉澱，長遠會變結石，當中以鮮奶比奶精或其他更容易形成草酸鈣… 不過似乎呢個說法喺近年已被推翻
我以前都係日日用茶包+coffeemate沖一大杯奶茶飲成朝，不過自從有段時間勁甩頭髮之後就收斂咗唔敢飲咁多奶茶，其實又未必關事，但個心都知奶茶唔會健康得去邊，有時身體毛病都係飲食所至，所以想健康就真係要小心飲食！
我係奶茶加煉奶
Coffee就加fresh milk
唔使再痛
勁愛茶走