份工間唔中要拎部laptop / iPad （唔係mini)出去，而家就咁放落大袋就算，有時就咁手拎住，但原來手提住部手提電腦都幾攰
考慮買唔買個電腦袋
但女人拎電腦袋好似薯薯地，款又唔太靚
你哋係咪都就咁放喺上膊袋咩出去？
（個post好似有點廢，但都希望大家可以比下啲意見我）
1個讚
我有買個薄身袋放MacBook air, 再放入個斯文款嘅背囊返工
（偽）文青下
背囊吧
Tote 膊頭會好攰
果度都2kg架
4個讚
背囊真係唔太襯番工造型，有時要見客
我用過long champ, hand carry… 拎到咁上下成個袋捧住行
如果拎2個袋，電腦同手袋分開，係咪仲唔方便….？
我係左一個tote bag拎自己野，右一個tote bag拎電腦。
曾經長時期拎MBPro ，分開冇唔方便
可唔可以係公司放定個電腦袋或見客袋，日日咁拎2kg 好辛苦，背囊影響最少
你平時習慣係點？見好多ol 都係返工袋、飯袋、電腦袋分開，唔覺佢地論盡。
但我唔得，只會拎一個手袋返工（不過我唔需要notebook 跟返工）
1個讚
我都有睇緊哩類呀，睇吓搵唔搵到啱心水
我有時會拎個紙袋+一個袋囉
最近就細袋+mask on偶包,又好似都方便，
之前都試過用偶包裝電腦拎出入，見客就唔用佢，用一個皮tote bag 入電腦，上到膊嘅
我都未至於日日咩嘅，一個星期兩三次左右
呢兩三次每次要拎幾耐? 2kg 連續拎30分鐘, 我真係會覺得重
如果你覺得拎兩個袋返工、見客入tote 可接受、論盡咁就得, 最緊要你舒服
我今朝就咁放落偶包咋，塞埋包運動衫落去🫢
可能唔同方法都用吓，
尋日開始睇吓啲袋，諗清楚兼研究下買邊款（needs vs wants)，我好容易受誘惑衝動購物，上個月已經買咗兩個袋（一個細crossbody,另一個唔太適合放電腦……）
多謝你哋啲意見先，幫到手呀
2個讚
我啲朋友多數孭皮質小背囊，見客都好睇
我之前都手拎，買個靚靚皮套入住
生小朋友之後就孭背囊多啦，同小朋友出街慣左一定要free對手出黎
我哋常要拿notebooks,我的同事多數用背囊，不過就只是一般的背囊。我就用上膊的tote bag.
點解？